ନୂଆଦିଲ୍ଲୀ,୧୧।୬: ଦୁର୍ନୀତି ଏବଂ ଯୌନ ନିର୍ଯ।ତନା ଅଭିଯୋଗରେ ୧୨ ଜଣ ବରିଷ୍ଠ ଅଧିକାରୀଙ୍କୁ ବାଧ୍ୟତାମୂଳକ ଅବସର ଦିଆଯିବାକୁ କେନ୍ଦ୍ର ସରକାର ନିର୍ଦ୍ଦେଶ ଦେଇଛନ୍ତି। ଏସବୁ ବରିଷ୍ଠ ଅଧିକାରୀଙ୍କ ମଧ୍ୟରେ ଚିଫ୍ କମିଶନର, ପ୍ରିନ୍ସପାଲ କମିଶନର, ଆୟକର କମିଶନର ଆଦି ରହିଥିବା କୁହାଯାଉଛି। ସେଣ୍ଟ୍ରାଲ ସିଭିଲ୍ ସର୍ଭିସ୍ ନିୟମ ଅନ୍ତର୍ଗତ ଫଣ୍ଡାମେଣ୍ଟାଲ ରୁଲସ୍-୫୬(ଜେ) ଅନୁସାରେ ଏହା କାର୍ଯ୍ୟକାରୀ ହେବ। ଏନେଇ ଅର୍ଥମନ୍ତ୍ରଣାଳୟ ପକ୍ଷରୁ ନିର୍ଦ୍ଦେଶ ଜାରି ହୋଇଛି। ସେମାନଙ୍କ ମଧ୍ୟରେ ଆୟକର ଯୁଗ୍ମ କମିଶନର ତଥା ପ୍ରବର୍ତ୍ତନ ନିର୍ଦ୍ଦେଶାଳୟର ପୂର୍ବତନ ସହକାରୀ ନିର୍ଦ୍ଦେଶକ ଅଶୋକ ଅଗ୍ରଓ୍ବାଲ, କମିଶନର ଏସ୍.କେ. ଶ୍ରୀବାସ୍ତବ, ଆଇଆର୍ଏସ୍ ହୋମି ରାଜବଂଶ, ବି.ବି ରାଜେନ୍ଦ୍ର ପ୍ରସାଦ, ଅଜୟ କୁମାର ସିଂ, ବି.ଆରୁଲ୍ଲପା, ଆଲୋକ କୁମାର ମିତ୍ର, ଚନ୍ଦ୍ର ସାଇନି ଭାରତୀ, ଆନ୍ଦସୁ ରବୀନ୍ଦ୍ର, ବିବେକ ବାତ୍ରା, ସ୍ବେତଭା ସୁମନ ଏବଂ ରାମ କୁମାର ଭାର୍ଗବଙ୍କ ନାମ ରହିଛି।
