ଦାରିଙ୍ଗବାଡ଼ି,୨ା୬(ଡି.ଏନ୍.ଏ.): କନ୍ଧମାଳ ଜିଲା ଦାରିଙ୍ଗବାଡ଼ି ବ୍ଲକ ଅଞ୍ଚଳରେ ରବିବାର ଅପରାହ୍ନରେ କାଳବୈଶାଖୀ ପ୍ରଭାବରେ ପ୍ରବଳ ବର୍ଷା ହୋଇଛି ା ଫଳରେ ଅଞ୍ଚଳରେ ଏକାଧିକ ଘରର ଛପର ଉଡ଼ିବା ସହ ଗଛ ଭାଙ୍ଗି ପଡ଼ିଛି ା ଦାରିଙ୍ଗବାଡ଼ିରେ ୪୫ ମି.ମି. ବର୍ଷା ହୋଇଥିବା ଜଣାପଡ଼ିଛି ା ଡବେରୀ ଗ୍ରାମରେ ଆଶାକର୍ମୀ ରୁବିତା ପ୍ରଧାନଙ୍କ ଘରର ଛପର ଉଡ଼ିଯିବା ସହ ରୋହିତ ପ୍ରଧାନଙ୍କ ଘରର ଛପର ମଧ୍ୟ ଉଡ଼ିଯାଇଛି। ସେମାନେ ଏବେ ଖୋଲା ଘରେ ବର୍ଷାରେ ରହିଥିବାବେଳେ ତାଙ୍କର ଆସବାବପତ୍ର ଭିଜିଯାଇଥିବା କହିଛନ୍ତି। ସେହିପରି ବିଭିନ୍ନ ସ୍ଥାନରେ ଗଛ ଭାଙ୍ଗି ପଡ଼ିଥିବାରୁ ଦାରିଙ୍ଗବାଡ଼ି ଅଗ୍ନିଶମ ବିଭାଗ ପହଞ୍ଚି ସେଗୁଡ଼ିକୁ କାଟି ରାସ୍ତାରୁ ହଟାଇଛିିା ବିଭିନ୍ନ ସ୍ଥାନରେ ବିଭାଗର କର୍ମଚାରୀ ପାଟ୍ରୋଲିଂ କରି ପବନରେ ପଡ଼ିଥିବା ଗଛକୁ ସଫା କରୁଛନ୍ତି ା ଦାରିଙ୍ଗବାଡ଼ି ସମେତ ଏହାର ଆଖପାଖ ଅଞ୍ଚଳ ଗ୍ରୀନବାଡ଼ି, ସିଆଙ୍ଗବାଲି, ଭ୍ରମରବାଡ଼ି, ଶ୍ରାନିକେତା, ସିମନବାଡ଼ି,ଦନେକବାଡ଼ି,ଦାସିଂବାଡ଼ି ଆଦି ଅଞ୍ଚଳରେ ବର୍ଷା ହୋଇଛି। ଅନ୍ୟପକ୍ଷରେ ବର୍ଷା ପବନ ଯୋଗୁ ଲୋକଙ୍କୁ ଗରମରୁ ଆଶ୍ୱସ୍ତି ମିଳିଛି।
