ନୂଆଦିଲ୍ଲୀ,୨୩-୧୦: ଇ-କମର୍ସ କମ୍ପାନୀ ସ୍ନାପଡିଲ କଞ୍ଜ୍ୟୁମର ଟ୍ରାଫିକରେ ଦେଶର ତୃତୀୟ ସର୍ବବୃହତ୍ତ ମାର୍କେଟ ପ୍ଲେସ ହୋଇ ପାରିଛି। ଏ କ୍ଷେତ୍ରରେ ଆମାଜନ ପ୍ରଥମ ସ୍ଥାନରେ ରହିଥିବା ବେଳେ ଫ୍ଲିପକାର୍ଟ ଦ୍ୱିତୀୟରେ ରହିଛି। ସେପ୍ଟେମ୍ବରରେ ଆମାଜନ ୩୪୪ ନିୟୁତ ହିଟ୍ ଟପିଥିବା ବେଳେ ଏକ୍ଷେତ୍ରରେ ଫ୍ଲିପକାର୍ଟ ଏବଂ ମିନ୍ତ୍ରା ମିଳିତ ଭାବେ ୩୧୪ ନିୟୁତ ହିଟ୍ ଛୁଇଁଛନ୍ତି। ସ୍ନାପଡିଲ ୮୭ ନିୟୁତ ଭିଜିଟ ଟପିଛି। ଅକ୍ଟୋବର ୨୦୧୭ ଠାରୁ ୨୦୧୯ ସେପ୍ଟେମ୍ବର ଯାଏ ଏହି କମ୍ପାନୀ ଭିଜିଟର କ୍ଷେତ୍ରରେ ୩ ଗୁଣା ଅଭିବୃଦ୍ଧି ହାସଲ କରିଛି। ଗତ ୧୨ ମାସ ମଧ୍ୟରେ ସ୍ନାପଡିଲ ୮୪୮ ନିୟୁତ ହିଟ୍ ଲାଭ କରିଛି। ଏହା ଚାଇନା ଭିତ୍ତିକ କ୍ଲବ ଫ୍ୟାକ୍ଟ୍ରିଠାରୁ ପ୍ରାୟ ୪ ଗୁଣ ଅଧିକ। କମ୍ପାନୀର ୟୁଜରଙ୍କ ମଧ୍ୟରୁ ୯୦% ଛୋଟଛୋଟ ସହରରୁ ବୋଲି ଜଣାପଡିଛି। ଚଳିତ ବର୍ଷ ସେପ୍ଟେମ୍ବରରେ ମାସିକ ଟ୍ରାଞ୍ଜାକଶନ ୟୁଜରରେ କମ୍ପାନୀ ଅଭୁତପୂର୍ବ ସଫଳାତା ହାସଲ କରିଥିବା ଏହାର ସିଇଓ କୁନାଲ ବେହେଲ କହିଛନ୍ତି। ସେହିଭଳି ଦିଓ୍ବାଲି ସେଲ୍ରେ କମ୍ପାନୀ ଗତ ବର୍ଷ ତୁଳନାରେ ୫୨% ଅଭିବୃଦ୍ଧି ହାସଲ କରିଛି। ସିମିଲାର ଓ୍ବେବ ତଥ୍ୟ ମୁତାବକ ସ୍ନାପଡିଲ ପରେ କ୍ଲବଫ୍ୟାକ୍ଟ୍ରି ୨୯ ନିୟୁତ, ସପ୍କ୍ଲଜ ୮.୨୭ ନିୟୁତ, ଟାଟା କ୍ଲିକ ୭.୬୫ ନିୟୁତ, ପେଟିଏମ୍ ମଲ୍ ୫.୬୨ ନିୟୁତ ହିଟ୍ ଲାଭ କରିଛି।
