ମୁମ୍ବାଇ: ବଲିଉଡ୍ ଅଭିନେତା ଇର୍ଫାନ୍ ଖାଁ ଜୀବିତ ନ ଥିଲେ ମଧ୍ୟ ଅନେକଙ୍କ ମନରେ ସେ ଆଜିବି ଜୀବିତ ହୋଇ ରହିଛନ୍ତି। ତାଙ୍କ ମୃତ୍ୟୁକୁ କେହି ସହଜରେ ଗ୍ରହଣ କରିପାରୁ ନାହାନ୍ତି। ବଲିଉଡ୍ ସେଲିବ୍ରିଟି ହୁଅନ୍ତୁ ଅବା ସାଧାରଣ ଜନତା ସଭିଙ୍କ ହୃଦୟରେ ଯୁଗ ଯୁଗ ଧରି ବସା ବାନ୍ଧି ରହିବ ଇର୍ଫାନଙ୍କ ଜୀବନ୍ତ ଅଭିନୟ। ନିକଟରେ ବଲିଉଡ୍ ନାୟିକା ଦୀପିକା ପାଦୁକୋନ ଏମିତି ଏକ ଭିଡିଓ ଶେୟାର କରିଛନ୍ତି ଯାହାକୁ ଦେଖିବା ପରେ ପୁଣି ଇର୍ଫାନଙ୍କ ପାଇଁ ସମସ୍ତଙ୍କ ଆଖିରେ ଲୁହ ଆସିଯାଇଛି। ‘ପିକୁ’ ଫିଲ୍ମରେ ଇର୍ଫାନଙ୍କ ସହ ଦୀପିକା ବ୍ୟାଡମିଣ୍ଟନ ଖେଳିବାର ଏକ ଭିଡିଓକୁ ସୋସିଆଲ ମିଡିଆରେ ଶେୟାର କରିବା ସହ ଏକ ଇମୋଜି ଦେଇ ଲେଖିଛନ୍ତି, ପ୍ଲିଜ୍ ତୁମେ ଫେରିଆସ ଇର୍ଫାନ’।
୨୦୧୫ ମେ’ ୮ରେ ‘ପିକୁ’ ରିଲିଜ ହୋଇଥିବା ବେଳେ ଏହାର ୫ ବର୍ଷ ପୂର୍ତ୍ତି ଅବସରରେ ଦୀପିକା ଇର୍ଫାନଙ୍କ ସହ ଥିବା ତାଙ୍କ ଭିଡିଓଟିକୁ ଶେୟାର କରିଛନ୍ତି। ଯାହା ଦର୍ଶକଙ୍କ ଆଖିରେ ଲୁହ ଭରି ଦେଇଛି। ୨୯ ଏପ୍ରିଲ ୨୦୨୦ରେ ଇର୍ଫାନଙ୍କ ପରଲୋକ ହୋଇଥିବା ବେଳେ ଏବେବି ଏହାକୁ କେହି ସହଜରେ ଗ୍ରହଣ ପରିପାରୁ ନାହାନ୍ତି।
