କାରି କରଲୋଟୋ ନାମକ ନ୍ୟୁୟର୍କର ଜଣେ ମହିଳା ଟଏଲେଟରେ ବ୍ୟବହାର କରାଯାଉଥିବା ଟିସୁ ପେପର ବ୍ୟବହାର କରି ଏକ ବିବାହ ପୋଷାକ ତିଆରି କରି ଆସିଛନ୍ତି ଚର୍ଚ୍ଚାକୁ। କେବଳ ସେତିକି ନୁହେଁ ନ୍ୟୁୟର୍କ ଆୟୋଜିତ ଏକ ଫ୍ୟାଶନ କମ୍ପିଟିଶନରେ ଯୋଗ ଦେଇ ସେ ଏଥିଲାଗି ୬ ଲକ୍ଷ ୩୭ ହଜାର ଟଙ୍କାର ପୁରସ୍କାର ରାଶି ମଧ୍ୟ ହାତେଇଛନ୍ତି। ପ୍ରାୟ ୧୫ ହଜାର ପ୍ରଜାପତିରେ ସଜାଇ ହୋଇଛି ଏହି ପୋଷାକ। ଏହାର ତଳଭାଗ ଓ ପଛଭାଗର ଚଉଡା ରହିଛି ୬ ଫୁଟ୍। ଏହି ଗୃହିଣୀ ଜଣକ ପିଲାମାନେ ଶୋଇ ପଡିବା ପରେ ପାଖାପାଖି ୩ ମାସ ଲାଗି ଉକ୍ତ ପୋଷାକକୁ ତିଆରି କରିଥିବା କୁହନ୍ତି। ସୂଚନା ମୁତାବକ, ନ୍ୟୁର୍କରେ ଗତ ୧୩ ବର୍ଷ ଧରି ଆୟୋଜିତ ହେଉଥିବା ଟଏଲେଟ ପେପର ଡ୍ରେସ୍ କମ୍ପିଟିଶନରେ ଏହାକୁ ସାମିଲ କରାଯାଇଥିଲା। ୧୫୧୭ ଏଣ୍ଟ୍ରି ମଧ୍ୟରୁ ଏହାକୁ ଶ୍ରେଷ୍ଠ ପୋଷାକ ଭାବେ ବିବେଚିତ କରାଯାଇଥିଲା ତେବେ ଟିସୁ ପେପର ସହ ସେ ଏଥିରେ ଅଠା, ଚମକିବା ଭଳି କିଛି ପଦାର୍ଥ ଓ ଫିତା ବ୍ୟବହାର କରିଛନ୍ତି।
