ସେଞ୍ଚୁରିୟନ,୩୧।୧୨: ସେଞ୍ଚୁରିୟନରେ ଖେଳାଯାଇଥିବା ପ୍ରଥମ ଟେଷ୍ଟ ମ୍ୟାଚରେ ଦକ୍ଷିଣ ଆଫ୍ରିକାକୁ ୧୧୩ ରନ୍ରେ ପରାସ୍ତ କରିଛି ଭାରତ। ବିରାଟ କୋହଲିଙ୍କ ଅଧିନାୟକତ୍ୱରେ ଟିମ ଇଣ୍ଡିଆ ସେଞ୍ଚୁରିୟନରେ ଦକ୍ଷିଣ ଆଫ୍ରିକା ବିପକ୍ଷ ଟେଷ୍ଟ ମ୍ୟାଚ ଜିତିବାରେ ଟିମ ଇଣ୍ଡିଆ ଏସିଆର ପ୍ରଥମ ଦଳ ହୋଇପାରିଛି। ଟିମ ଇଣ୍ଡିଆର ଏହି ବିଜୟ ପରେ ଅଧିନାୟକ ବିରାଟ କୋହଲି ତାଙ୍କ ଝିଅ ସହିତ ଖୁସି ବାଣ୍ଟୁଥିବା ଦେଖିବାକୁ ମିଳିଥିଲା
ବିଜୟ ପରେ କୋହଲି ଷ୍ଟାଡିୟମରେ ଉପସ୍ଥିତ ତାଙ୍କ ସ୍ତ୍ରୀ ଅନୁଷ୍କା ଶର୍ମା ଏବଂ ଝିଅ ଭାମିକାଙ୍କୁ ଦେଖିବା ପରେ ବିରାଟ କୋହଲି ଯେପରି ଖୁସିରେ ହାତ ଠାରି ଡାକିଥିଲେ। ଏହା କରିବାବେଳେ ବିରାଟ କୋହଲିଙ୍କ ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ବିରାଟ କୋହଲି ଜିତିବା ପରେ ପଡ଼ିଆରୁ ଫେରୁଥିବାବେଳେ ସେ ତାଙ୍କ ଝିଅ ଏବଂ ସ୍ତ୍ରୀଙ୍କ ଆଡକୁ ହାତ ବୁଲାଇ ଉତ୍ସାହରେ ଡାକିଥିଲେ।
ଏହି ବିଜୟ ସହିତ ବିରାଟ କୋହଲି ଭାରତର ଏକମାତ୍ର ଅଧିନାୟକ ଭାବେ ଦକ୍ଷିଣ ଆଫ୍ରିକାରେ ଦୁଇଟି ଟେଷ୍ଟ ମ୍ୟାଚ ଜିତିଛନ୍ତି। ଏହାପୂର୍ବରୁ କୌଣସି ଭାରତୀୟ ଅଧିନାୟକ ଦକ୍ଷିଣ ଆଫ୍ରିକା ମାଟିରେ ଗୋଟିଏରୁ ଅଧିକ ଟେଷ୍ଟ ମ୍ୟାଚ ଜିତି ନ ଥିଲେ। କୋହଲିଙ୍କ ପୂର୍ବରୁ ଭାରତ ଦକ୍ଷିଣ ଆଫ୍ରିକାରେ ମହେନ୍ଦ୍ର ସିଂ ଧୋନୀ ଏବଂ ରାହୁଲ ଦ୍ରାବିଡଙ୍କ ଅଧିନାୟକତ୍ୱରେ ୧-୧ ଟେଷ୍ଟ ମ୍ୟାଚ ଜିତିଥିଲା। ସେଞ୍ଚୁରିୟନରେ ଏହା ଭାରତର ପ୍ରଥମ ଟେଷ୍ଟ ବିଜୟ ଥିଲା।
