ଜୁନାଗଡ,୯।୬(ଡି.ଏନ.ଏ.):କଳାହାଣ୍ଡି ଜିଲା ଜୁନାଗଡ ସହର କଲ୍ୟାଣ ମଣ୍ଡପଠାରେ ରବିବାର ସ୍ବାଧୀନତା ସଂଗ୍ରାମୀ ଶହୀଦ ବିର୍ସାମୁଣ୍ଡାଙ୍କ ବଳିଦାନ ଦିବସ ମହାସମାରୋହରେ ପାଳିତ ହୋଇଯାଇଛି। ମୂଳନିବାସୀ ସମତା ପରିଷଦ ଦ୍ୱାରା ଆୟୋଜିତ ଏହି କାର୍ଯ୍ୟକ୍ରମରେ ପରିଷଦ ଆବାହକ ତଥା ଯୁବ ଆଇନଜୀବୀ ଚିତ୍ତ ରଞ୍ଜନ ନିଆଲ ଅଧ୍ୟକ୍ଷତା କରିଥିଲେ। ଅତିଥି ଭାବେ ମୂଳନିବାସୀ ସମତା ପରିଷଦ ସଂଯୋଜକ ଅଭିରାମ ମଲ୍ଲିକ, ମୁଖ୍ୟବକ୍ତା ଜୁନାଗଡ ତହସିଲଦାର ଉପେନ୍ଦ୍ର ଲୁହା, ସମ୍ମାନିତ ଅତିଥି ଡାକ୍ତର ବିବେକାନନ୍ଦ ମହାନନ୍ଦ, ବରିଷ୍ଠ ଆଇନଜୀବୀ ବିଶ୍ୱନାଥ କର, ଦାମୋଦର ବେହେରା, ପ୍ରେମ ବାଗ, ଆଶିଷ ନାଏକ, ନରେନ୍ଦ୍ର କ୍ଷିତୀ, ସୁପ୍ରଶନ ଭୋଇ, ଆନନ୍ଦ ଭୋଇ, ସତ୍ୟ ନାରାୟଣ ବୈଶ୍ୟ ପ୍ରମୁଖ ସ୍ବାଧୀନତା ସଂଗ୍ରାମୀ ଶହୀଦ ବିର୍ସାମୁଣ୍ଡା ଉପରେ ଉଦ୍ବୋଧନ ଦେଇଥିଲେ। କାର୍ଯ୍ୟକ୍ରମ ଆରମ୍ଭରେ ଅତିଥିମାନେ ଶହୀଦ ବିର୍ସାମୁଣ୍ଡାଙ୍କ ଫଟୋ ଚିତ୍ରରେ ପୁଷ୍ପମାଲ୍ୟ ଅର୍ପଣ କରି ଶ୍ରଦ୍ଧାଞ୍ଜଳୀ ଜ୍ଞାପନ କରିଥିଲେ। ପରେ ସାମ୍ପ୍ରତିକ ସଙ୍କଟଜନକ ପରିସ୍ଥିତିରେ ବିର୍ସାମୁଣ୍ଡାଙ୍କ ଆନ୍ଦୋଳନର ଆବଶ୍ୟକତା ଉପରେ ଏକ ଆଳୋଚନାଚକ୍ର ଅନୁଷ୍ଠିତ ହୋଇଥିଲା।
