ଜାତୀୟ ଖାଦ୍ୟ ସୁରକ୍ଷା ଯୋଜନାରେ ସାମିଲର ୭ମାସ ପରେ କଟିଯାଇଥିଲା ନା: ୩ ବର୍ଷ ପରେ ମିଳିବ ଚାଉଳ

ଜଗତ୍‌ସିଂହପୁର ଅଫିସ, ୫ା୯: କୌଣସି ବ୍ୟକ୍ତି ଯେପରି ଖାଦ୍ୟ ବିନା ମୃତ୍ୟୁ ମୁଖରେ ନ ପଡନ୍ତି ସେନେଇ ଉଭୟ କେନ୍ଦ୍ର ଓ ରାଜ୍ୟ ସରକାର ଗୁରୁତ୍ୱାରୋପ କରୁଛନ୍ତି। ଏହି ଅନୁଯାୟୀ ଜାତୀୟ ଓ ରାଜ୍ୟ ଖାଦ୍ୟ ସୁରକ୍ଷା ଆଇନ କାର୍ଯ୍ୟକାରୀ ହେଉଛି। ତେବେ କେତେକ କ୍ଷେତ୍ରରେ ଆଇନକୁ ବାଟବଣା କରାଯାଉଥିବ ଅଭିଯୋଗ ହେଉଛି। ଯେଉଁଥିପାଇଁ ଅନେକ ଗରିବ ହିତାଧିକରୀ ନାହିଁ ନ ଥିବା ସମସ୍ୟାର ସମ୍ମୁଖୀନ ହେଉଛନ୍ତି। ଯାହାର ଜ୍ୱଳନ୍ତ ପ୍ରମାଣ ଦେଖିବାକୁ ମିଳିଛି ଜଗତ୍‌ସିଂହପୁର ଜିଲା ଏରସମା ବ୍ଲକ ଅନ୍ତର୍ଗତ ଢିଙ୍କିଆର ପ୍ରମୋଦ ସ୍ବାଇଁଙ୍କ ସ୍ତ୍ରୀ ମମତାଙ୍କ କ୍ଷେତ୍ରରେ। ମମତାଙ୍କ ନାମରେ ରାଶନ କାର୍ଡ ଥିବା ବେଳେ ତାଙ୍କ ସ୍ବାମୀ ପ୍ରମୋଦ ୧୫ା୭ା୧୬ ପର୍ଯ୍ୟନ୍ତ ଢିଙ୍କିଆ ଡିଲର ପଏଣ୍ଟରୁ ଚାଉଳ ଉଠାଉଥିଲେ। ପରେ ନାଁ କଟି ଯାଇଥିବା ଦର୍ଶାଯାଇ ଡିଲର ଆଉ ତାଙ୍କୁ ଚାଉଳ ଦେଇ ନ ଥିଲେ। କାହିଁକି ଦିଆଯିବ ନାହିଁ ବୋଲି ପ୍ରଶ୍ନ କରିବାରୁ ଡିଲର ତାଙ୍କୁ ଦୁର୍ବ୍ୟବହାର କରିଥିଲେ। କିଛି ଦିନ ପୂର୍ବରୁ ଏରସମା ବିଡିଓଙ୍କ ନିକଟରେ ପ୍ରମୋଦ ଏଭଳି ଅଭିଯୋଗ କଲାପରେ ତଦନ୍ତ ହୋଇଥିଲା ଏବଂ ସତ ପଦାକୁ ଆସିଛି। ତଦନ୍ତ କରିଥିବା ଏରସମା ବ୍ଲକ ଆକାଉଣ୍ଟସ୍‌ ଅଧିକାରୀ ତାଙ୍କ ରିପୋର୍ଟରେ ଦର୍ଶାଇଛନ୍ତି ମମତାଙ୍କୁ ଅନ୍ୟାୟ ଭାବେ ୩ ବର୍ଷ କାଳ ରାଶନ ଚାଉଳ ଦିଆଯାଇ ନାହିଁ। ଭୁଲ ଆଧାର ସଂଖ୍ୟା ସଂଯୋଗ ଯୋଗୁ ଏଭଳି ହୋଇଛି। ତେଣୁ ଯିଏ ତ୍ରୁଟି କରିଛନ୍ତି ତାଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯାଉ। ଯଦ୍ୱାରା ଆଗକୁ ଏଭଳି ତ୍ରୁଟି ହେବନାହିଁ। ଏହି ରିପୋର୍ଟ ପାଇଲା ପରେ ମମତାଙ୍କୁ ତୁରନ୍ତ ୩ ବର୍ଷର ଚାଉଳ ଦେବା ପାଇଁ ବିଡିଓ ବ୍ଲକ ଏମ୍‌ଆଇଙ୍କୁ ନିର୍ଦ୍ଦେଶ ଦେଇଛନ୍ତି। କିନ୍ତୁ ତ୍ରୁଟି କରିଥିବା କର୍ମଚାରୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯାଉନାହିଁ। ଏସମ୍ପର୍କରେ ବିଡିଓ କୈଳାସ ଚନ୍ଦ୍ର ବେହେରା କହିଛନ୍ତି, ଭୁଲ ସଂଶୋଧନ ହୋଇଯାଇଛି। ଏଣିକି ମମତାଙ୍କୁ ଗତ ୩ ବର୍ଷର ଚାଉଳ ଏକକାଳୀନ ଦିଆଯିବ। ଏଥିସହ ନିୟମିତ ଭାବେ ସେ ରାଶନ ଚାଉଳ ଉଠାଇ ପାରିବେ। କିନ୍ତୁ କାର୍ଯ୍ୟାନୁଷ୍ଠାନ ସମ୍ପର୍କରେ ମୁହଁ ଖୋଲି ନ ଥିଲେ। କହିଥିଲେ, ଏ ସମ୍ପର୍କରେ ଜିଲା ଯୋଗାଣ ଅଧିକାରୀଙ୍କୁ ଅବଗତ କରି ଦିଆଯାଇଛି। ଜିଲା ଯୋଗାଣ ଅଧିକାରୀ ଏହା ଉପରେ ଯାହା କିଛି ନିଷ୍ପତ୍ତି ନେଇପାରିବେ। ଏଥିରେ କିନ୍ତୁ ପ୍ରମୋଦ ସନ୍ତୁଷ୍ଟ ନୁହନ୍ତି । ସେ କହିଛନ୍ତି, ଡିଲର ତାଙ୍କୁ ଦୁର୍ବ୍ୟବହାର କରିଥିଲେ। କିିଛି ଦିନ ପୂର୍ବରୁ ତାଙ୍କ ନାଁରେ ଚାଉଳ ଉଠୁଥିବା ଜାଣିପାରିଥିଲେ। ଏହାପରେ ଅଭିଯୋଗ କଲାପରେ ଏବେ ଚାଉଳ ମିଳିବ ବୋଲି କୁହାଯାଉଛି। କିନ୍ତୁ ଯିଏ ଜାଣିଶୁଣି ତାଙ୍କ ଦାନାପାଣି ଉପରେ କୁଠାରାଘାତ କରିଛନ୍ତି ସେ ଦଣ୍ଡିତ ହେବା ଦରକାର ବୋଲି କ୍ଷୋଭର ସହ କହିଛନ୍ତି।
ମମତାଙ୍କ ପରିବାରର ୩ ଜଣ ଜାତୀୟ ଖାଦ୍ୟ ସୁରକ୍ଷା ଆଇନରେ ଅନ୍ତର୍ଭୁକ୍ତ ହୋଇଥିଲେ। ସେମାନଙ୍କୁ ମାସିକ ୧୫ କେଜି (କିଲୋଗ୍ରାମ) ହିସାବରେ ୭ ମାସ ପର୍ଯ୍ୟନ୍ତ ଚାଉଳ ଦିଆଯାଉଥିଲା। ପରେ ହଠାତ୍‌ ଦିଆଗଲାନାହିଁ। କିନ୍ତୁ ପରବର୍ତ୍ତୀ ସମୟରେ ତାଙ୍କ ନାଁକୁ ଅନ୍ତଦ୍ୱୟ ଯୋଜନାରେ ସାମିଲ କରାଯାଇ ମାସିକ ୩୫ କେଜି ହିସାବରେ ଚାଉଳ ଉଠାଯାଉଥିଲା। କମ୍ପ୍ୟୁଟର ସହାୟତାରେ ମମତାଙ୍କ ସ୍ବାମୀ ପ୍ରମୋଦ ଏହା ଜାଣିବା ପରେ ବିସ୍ମିତ ହେବା ସହ ତାଙ୍କ ପ୍ରତି କାହିଁକି ଏଭଳି ଅନ୍ୟାୟ କରାଗଲା ବୋଲି ଡିଲରଙ୍କୁ ପଚାରିିଥିଲେ। କିନ୍ତୁ ତାଙ୍କୁ କୌଣସି ସନ୍ତୋଷଜନକ ଉତ୍ତର ମିଳିପାରି ନ ଥିଲା। ଏହାପରେ ସେ ଢିଙ୍କିଆ ସମିତିସଭ୍ୟ ଦେବେନ୍ଦ୍ର ସ୍ବାଇଁଙ୍କୁ ଲିଖିତ ଭାବେ ଜଣାଇବା ସହ ଏରସମା ବିଡିଓଙ୍କ ନିକଟରେ ଅଭିଯୋଗ କରିଥିଲେ। ବିଡିଓଙ୍କ ନିର୍ଦ୍ଦେଶରେ ବ୍ଲକ ଆକାଉଣ୍ଟସ୍‌ ଅଧିକାରୀ ବିଭୂଦତ୍ତ ମିଶ୍ର ତଦନ୍ତ କରିଥିଲେ। ତଦନ୍ତରୁ ଜଣାପଡିଥିଲା ଯେ, ୨୦ା୭ା୧୯ରେ ସମିତିସଭ୍ୟ ସ୍ବାଇଁଙ୍କ ଅଭିଯୋଗ ଉପରେ ତଦନ୍ତ କରିଥିଲେ। ୨୪ା୭ା୧୯ରେ ସ୍ବାଇଁଙ୍କ ସହ କ୍ଷେତ୍ର ପରିଦର୍ଶନ କରିଥିଲେ। ଏହି ସମୟରେ ଜଣାଯାଇଥିଲା ଢିଙ୍କିଆ ପଞ୍ଚାୟତରେ ୨ ଜଣ ମମତା ସ୍ବାଇଁ ଅଛନ୍ତି। ଜଣେ ଢିଙ୍କିଆର ହୋଇଥିବା ବେଳେ ଅନ୍ୟଜଣକ ତ୍ରିଲୋଚନପୁରର ମୃତ ମାଥୁରୀଙ୍କ ସ୍ତ୍ରୀ। ଢିଙ୍କିଆ ମମତା ଓ ତାଙ୍କ ସ୍ବାମୀ ପ୍ରମୋଦଙ୍କ ଆଧାର ସଂଖ୍ୟା ହେଉଛି ୬୭୯୮୩୨୩୬୬୬୯୧ ଓ ୬୫୭୬୬୪୬୫୧୦୫୩। ତ୍ରିଲୋଚନପୁର ମମତାଙ୍କ ଆଧାର ସଂଖ୍ୟା ୮୭୯୪୬୯୭୪୮୧୬୫। ପୂର୍ବରୁ ତାଙ୍କ କାର୍ଡ ସଂଖ୍ୟା ୧୨୦୩୦୭୧୨୯୫୧ ଥିଲା। କିନ୍ତୁ କାର୍ଡରେ ଭୁଲ ଆଧାର ସଂଖ୍ୟା ସଂଯୋଗ କରାଯାଇଥିବାରୁ ଏହା ବାତିଲ କରି ଦିଆଯାଇଥିଲା। ଏହି ସମୟରେ ଢିଙ୍କିଆର ମମତା ରାଶନ ପାଉଥିଲେ। ହେଲେ ପରବର୍ତ୍ତୀ ସମୟରେ ତ୍ରିଲୋଚନପୁର ମମତାଙ୍କ ଆଧାର ସଂଖ୍ୟା ଢିଙ୍କିଆର ମମତାଙ୍କ ଆଧାର ସଂଖ୍ୟାରେ ସଂଯୋଗ କରି ଦିଆଯାଇଥିଲା। ଯେଉଁ କାରଣରୁ ଢିଙ୍କିଆର ମମତା ରାଶନ କାର୍ଡ ସୁବିଧାରୁ ବଞ୍ଚତ୍ତ ହୋଇଛନ୍ତି। ୧୫ା୭ା୧୬ ପର୍ଯ୍ୟନ୍ତ ସେ ଚାଉଳ ଗ୍ରହଣ କରିଥିଲେ। ପରେ ତାଙ୍କୁ ଦିଆଯାଇ ନ ଥିଲା । ଭୁଲ ଆଧାର ଲିଙ୍କେଜ ଯୋଗୁ ଢିଙ୍କିଆର ମମତାଙ୍କୁ ୩ ବର୍ଷ କାଳ ତାଙ୍କର କିଛି ତ୍ରୁଟି ନ ଥାଇ ରାଶନ ଦିଆଯାଇ ନ ଥିଲା ବୋଲି ଦର୍ଶାଯାଇଛି।


Enter your email to get our daily news in your inbox.

All Right Reserved By Dharitri.Com

ଭିଜିଲାନ୍ସ ଜାଲରେ ଜେଇ

ଭବାନୀପାଟଣା,୨୫।୯(ଡି.ଏନ୍‌.ଏ.): କଳାହାଣ୍ଡି ଜିଲା ଭବାନୀପାଟଣା ସର୍ବଶିକ୍ଷା ଅଭିଯାନ ଅଫିସରେ କାର୍ଯ୍ୟରତ ଜେଇ ଅଭୟ ପତିଙ୍କ ଘରେ ବୁଧବାର ଭିଜିଲାନ୍ସ ବିଭାଗ ଚଢ଼ାଉ କରିଛି। ଆୟ ବହିର୍ଭୂତ...

ଡିଏସ୍‌ଡବ୍ଲ୍ୟୁଓ ନିଲମ୍ବିତ

ମାଲକାନଗିରି, ୧୫ା୧(ସ୍ବ.ପ୍ର.): ମାଲକାନଗିରି ଡିଏସ୍‌ଡବ୍ଲ୍ୟୁଓଙ୍କୁ ମଙ୍ଗଳବାର ନିଲମ୍ବିତ କରାଯାଇଛି। କାର୍ଯ୍ୟରେ ଅନିୟମିତତା, ମାଲକାନଗିରି ସିଡିପିଓ ବିପୁଳା ସରକାରଙ୍କୁ ପଦୋନ୍ନତିରେ ସହଯୋଗ କରିବାରେ ସମ୍ପୃକ୍ତ ଥିବା ଦର୍ଶାଇ...

ବିଭାଗ ନୀରବ, ନିମ୍ନମାନର କାର୍ଯ୍ୟ କରୁଛନ୍ତି ଠିକାଦାର

ଦଶମନ୍ତପୁର, ୨୩ା୧ ( ଡି.ଏନ୍‌.ଏ. ) ଆରମ୍ଭରୁ ନିମ୍ନମାନର ରାସ୍ତା ନିର୍ମାଣ କରୁଛନ୍ତି ଠିକାଦାର। ସରକାରୀ ନିୟମ ଅନୁସାରେ କାମ କରିବାକୁ କହିଲେ ଶୁଣୁନାହାନ୍ତି। ଏଭଳି...

ପ୍ରାଣୀ ଚିକିତ୍ସା ସେବା ବିପର୍ଯ୍ୟସ୍ତ

ଜଗତ୍‌ସିଂହପୁର ଅଫିସ୍‌, ୨୧।୧୨ – ଜଗତ୍‌ସିଂହପୁର ଜିଲାରେ ଏବେ ପ୍ରାଣୀ ଚିକିତ୍ସା ସେବା ବିପର୍ଯ୍ୟସ୍ତ ହୋଇପଡ଼ିଛି। ପଦବୀ ଖାଲି ସାଙ୍ଗକୁ ଅସ୍ତ୍ରୋପଚାର ସୁବିଧା ନ ଥିବା...

୪୫୦ ବର୍ଷର ନିଆରା ପରମ୍ପରା: ବୁଢ଼ା ଗଣେଶଙ୍କୁ ୧୫୧ ଥାଳି ଭୋଗ ସମର୍ପଣ

ଆରଡ଼ି, ୩।୯ (ଡି.ଏନ.ଏ.)- ଗଣେଶ ଚତୁର୍ଥୀରେ ପ୍ରସିଦ୍ଧ ଶୈବପୀଠ ଆରଡ଼ିର ଆଖଣ୍ଡଳମଣି ମନ୍ଦିର ବେଢ଼ାର ଦକ୍ଷିଣପାର୍ଶ୍ୱରେ ଥିବା ଶ୍ରୀ ବୁଢ଼ା ଗଣେଶଙ୍କୁ ସ୍ବତନ୍ତ୍ର ପୂଜା କରାଯାଇଛି।...

କଳାହାଣ୍ଡି ଗସ୍ତରେ ୫ଟି ସଚିବ

କେସିଙ୍ଗା,୩୧।୭(ଡି.ଏନ୍‌.ଏ.): କଳାହାଣ୍ଡି ଜିଲା ଗସ୍ତରେ ୫ଟି ସଚିବ ଭି.କେ ପାଣ୍ଡିଆନ। ଶନିବାର ସକାଳେ ଉତକେଲାଠାରେ ଅବତରଣ କରି ପ୍ରଥମେ ଏୟାରଷ୍ଟ୍ରିପର ସମୀକ୍ଷା କରିଥିଲେ। ପରେ ଭବାନୀପାଟଣା...

ଇଟାଲି ଫେରନ୍ତାଙ୍କ ରିପୋର୍ଟ ନେଗେଟିଭ୍‌

କଟକ ଅଫିସ,୧୬।୩: କରୋନା ସନ୍ଦେହରେ କଟକ ଏସ୍‌ସିବି ମେଡିକାଲରେ ଭର୍ତ୍ତି ହୋଇଥିବା ଯୁବକଙ୍କ ରିପୋର୍ଟ ନେଗେଟିଭ୍‌ ଆସିଛି। ତାଙ୍କ ଘର କଟକରେ ହୋଇଥିବା ବେଳେ ସେ...

ଏବେ ବି ଆକାଂକ୍ଷୀ

ସ୍ବାଧୀନତାର ୭୩ ବର୍ଷ ପରେ ବି ବଲାଙ୍ଗୀର ଜିଲା ଅନଗ୍ରସର ଜିଲା ମାନଚିତ୍ରରୁ ମୁକୁଳି ନାହିଁ। ବିଭିନ୍ନ ସମୟରେ ରାଜ୍ୟ ଓ କେନ୍ଦ୍ର ସରକାରଙ୍କ ବିକାଶ...

Advertisement
Archives

Model This Week