ସାରା ବିଶ୍ୱରେ ବର୍ତ୍ତମାନ ମହାମାରୀ କରୋନା ଭୂତାଣୁ କାୟା ବିସ୍ତାର କରିଥିବାରୁ ଲୋକଙ୍କୁ କ୍ୱାରାଣ୍ଟାଇନ୍ରେ ରଖାଯାଉଛି। କାରଣ ଏହା ଏକ ସଂକ୍ରାମକ ରୋଗ। ଏହାକୁ ରୋକିବା ପାଇଁ କ୍ୱାରାଣ୍ଟାଇନ୍ ହିଁ ବିକଳ୍ପ। ଖାଲି ଏବେ ନୁହେଁ, ୭୦୦ ବର୍ଷ ତଳେ ମଧ୍ୟ ଲୋକେ କ୍ୱାରାଣ୍ଟାଇନ୍ରେ ଥିବା ଇତିହାସ କୁହେ। ‘କ୍ୱାଣ୍ଟିନ’ ଶବ୍ଦର ଇତିହାସ ହୃଦୟସ୍ପର୍ଶୀ। ‘କ୍ୱାଣ୍ଟିନ୍’ ଶବ୍ଦ ଇଟାଲୀ ଭାଷା ‘କ୍ୱାରାଣ୍ଟିନୋ’ରୁ ଉତ୍ପନ୍ନ। କ୍ୱାଣ୍ଟିନ୍ ଅର୍ଥ ହେଉଛି ୪୦ ଦିନ ପର୍ଯ୍ୟନ୍ତ ଏକାକୀ ରହିବା।
ପ୍ଲେଗ୍ରେ ମରୁଥିଲେ ଲୋକେ:
୧୪୦୦ ଶତାବ୍ଦୀରେ ୟୁରୋପରେ ମହାମାରୀ ପ୍ଲେଗ୍ ରୋଗ କାୟା ବିସ୍ତାର କରିଥିଲା। ଭେନିସ୍ ପରି ଉପକୂଳବର୍ତ୍ତୀ ସହରଗୁଡ଼ିକୁ ସେତେବେଳେ ସଂକ୍ରମଣ ରୋକିବା ପାଇଁ ପ୍ରତ୍ୟେକ ଜାହାଜକୁ ସଂକ୍ରମିତ ବନ୍ଦରରୁ ସହରରେ ପହଞ୍ଚିବା ପୂର୍ବରୁ ୪୦ ଦିନ ପାଣିରେ ଲଙ୍ଗର ପକାଇ ରହିବାକୁ ପଡ଼ିଥିଲା। ଏହାକୁ ଧୀରେ ଧୀରେ କ୍ୱାରାଣ୍ଟାଇନ୍ କୁହାଗଲା।
୧୩୭୪ ମସିହାରେ, ଭେନିସ୍ ଏକ ନିର୍ଦ୍ଦେଶ ଜାରି କରିଥିଲା ଯେ, ସ୍ବତନ୍ତ୍ର ସ୍ବାସ୍ଥ୍ୟ ପରିଷଦ, ଜାହାଜ ଏବଂ ଏହାର ଯାତ୍ରୀମାନଙ୍କୁ ସହରକୁ ପ୍ରବେଶ କରିବାକୁ ଦିଆଯାଉ ନାହିଁ। ସମସ୍ତଙ୍କୁ ନିକଟସ୍ଥ ସେନ୍ ଲୈଜାରୋ ଦ୍ୱୀପରେ ରହିବାକୁ ପଡ଼ିବ। ଏହା ଭେନିସ୍ର କେତେକ ଦେଶରୁ ଜାହାଜ ଏବଂ ଯାତ୍ରୀମାନଙ୍କ ସହିତ ଭେଦଭାବ ଏବଂ ଅନ୍ୟାନ୍ୟ ବ୍ୟାହତ ସୃଷ୍ଟି କରିଥିଲା।
୧୩୭୭ ମସିହାରେ, ଆଡ୍ରିୟାଟିକ୍ ସାଗରରେ ଥିବା ରାଗୁଜା ଜେନେରାଲ କାଉନସିଲ୍ ଏହି ବିପଜ୍ଜନକ ମହାମାରୀର ବିସ୍ତାରକୁ ରୋକିବା ପାଇଁ ଏକ ନୂତନ ନିୟମ ପ୍ରଣୟନ କଲା । ଏହି ନିୟମ ଅନୁଯାୟୀ, ପ୍ରତ୍ୟେକ ଜାହାଜ ଏବଂ ବ୍ୟବସାୟୀଙ୍କୁ ୩୦ ଦିନ ଆଇସୋଲେଶନରେ ରହିବାକୁ ପଡ଼ିଲା। ନିୟମରେ କୁହାଯାଇଥିଲା, କୌଣସି ବ୍ୟକ୍ତି ମୁଖ୍ୟ ସହରରେ ପ୍ରବେଶ କରିବା ପୂର୍ବରୁ ନିକଟ ସହର କିମ୍ବା ଦ୍ୱୀପରେ ୩୦ଦିନ ବିତାଇବାକୁ ପଡ଼ିବ। ଡ୍ୟୁବ୍ରୋନ୍ଭିକ୍ ପ୍ରଥମେ ଏପରି ପଦ୍ଧତି ପ୍ରୟୋଗ କଲେ, ଏହା ଏକ ଅତ୍ୟନ୍ତ ସମ୍ବେଦନଶୀଳ ଏବଂ ସଫଳ ପଦକ୍ଷେପ ବୋଲି ପ୍ରମାଣିତ ହେଲା। ସେତେବେଳେ ସମଗ୍ର ବିଶ୍ୱ ଏହାକୁ ଗ୍ରହଣ କରିଥିଲା। ଡିବ୍ରୋନ୍ଭିକ୍ ହେଉଛି ପ୍ରଥମ ସମୁଦ୍ର ବନ୍ଦର ଯାହାକି ସଂକ୍ରମିତ ଅଞ୍ଚଳରୁ ଲୋକଙ୍କୁ ଏବଂ ପଶୁମାନଙ୍କୁ ସୁସ୍ଥ ଜନସଂଖ୍ୟାଠାରୁ ଅଲଗା ରଖିଥିଲା। ଏଥିସହିତ, ଭେନିସ୍ ସମସ୍ତ ଜାହାଜ ଏବଂ ବାଣିଜ୍ୟ ଉପରେ ପ୍ରତିବନ୍ଧକ ଲଗାଇଲା। ଯାହା ଜୀବନଯାତ୍ରା ବନ୍ଦ କରିଦେଲା। ଏହି କ୍ୟାଣ୍ଟିନ୍ ଆଇନର ଉଲ୍ଲଂଘନ କରି ଜରିମାନା ଆଦାୟ କରିଥିବାରୁ ରାଗୁଜା ରିପବ୍ଲିକ ସେମାନଙ୍କୁ କଠୋର ଦଣ୍ଡାଦେଶ ଶୁଣାଇଥିଲେ। ପ୍ରଥମ ବିଚ୍ଛିନ୍ନତା ଅବଧି ୪୦ଦିନ ଥିଲା, ପରେ ଏହାକୁ ୩୦ଦିନକୁ ହ୍ରାସ କରାଯାଇଥିଲା। ତଥାପି, ଏପରି କରିବାର ପ୍ରକୃତ କାରଣ କାହାକୁ ଜଣା ନାହିଁ। କିଛି ଲୋକ କୁହନ୍ତି, ୩୦ଦିନର ଅବଧି ଅନୁପଯୁକ୍ତ ଥିଲା। କାରଣ ରୋଗର ଇନ୍କ୍ୟୁବେସନ ଅବଧି ସଠିକ୍ ନ ଥିଲା।
