ଇସଲାମାବାଦ୍,୨୮।୪: ପାକିସ୍ତାନର ବଜରିସ୍ତାନର ଉତ୍ତର ପଶ୍ଚିମ ଜିଲାରେ ଏକ ଚେକ୍ ପୋଷ୍ଟରେ ବିସ୍ଫୋରଣ ଘଟିଛି। ଏଥିରେ ୩ ସୁରକ୍ଷାକର୍ମୀଙ୍କ ମୃତ୍ୟୁ ଘଟିଛି। ବିସ୍ଫୋରଣରେ ୨ ଜଣ ଆହତ ହୋଇଥିବା କୁହାଯାଉଛି। ଆହତଙ୍କୁ ଚିକିତ୍ସା ପାଇଁ ହସ୍ପିଟାଲରେ ଭର୍ତ୍ତି କରାଯାଇଛି। ରଘଜାଇ ଅଞ୍ଚଳରେ ଏକ ଚେକ୍ ପୋଷ୍ଟ ନିକଟରେ ଏପରି ହୋଇଥିବା କୁହାଯାଉଛି। ବିସ୍ଫୋରଣ ରିମୋଟ କଣ୍ଟ୍ରୋଲ ଡିଭାଇସ୍ ଦ୍ୱାରା କରାଯାଇଥିବା କୁହାଯାଉଛି। ବିସ୍ଫୋରକ ସାମଗ୍ରୀ କିପରି ଚେକ୍ ପୋଷ୍ଟରେ ଲଗାଗଲା ସେ ନେଇ ପୋଲିସ ପକ୍ଷରୁ ତଦନ୍ତ ଆରମ୍ଭ ହୋଇଛି। ସୂଚନାଯୋଗ୍ୟ, ପୂର୍ବରୁ ଏପ୍ରିଲ୍ ୧୨ରେ କ୍ୱେଟା ଅଞ୍ଚଳର ହଜରଗଞ୍ଜ ଅଞ୍ଚଳରେ ଏଭଳି ଏକ ବିସ୍ଫୋରଣରେ ୧୬ ଜଣଙ୍କ ମୃତ୍ୟୁ ଘଟିଥିଲା।
