ଅମରାବତୀ,୨୬।୬: ଆନ୍ଧ୍ରପ୍ରଦେଶ ପୂର୍ବତନ ମୁଖ୍ୟମନ୍ତ୍ରୀ ଚନ୍ଦ୍ରାବାବୁ ନାଇଡୁଙ୍କ ଦ୍ୱାରା ନିର୍ମିତ ବିଲ୍ଡିଂ ପ୍ରଜା ବେଦିକାର ଭଙ୍ଗା କାର୍ଯ୍ୟ କାରି ରହିଛି। ମୁଖ୍ୟମନ୍ତ୍ରୀ ଓ୍ବାଇଏସ୍ ଜଗନ ମୋହନ ରେଡ୍ଡୀ ଏହାକୁ ଭାଙ୍ଗିବାକୁ ନିର୍ଦ୍ଦେଶ ଜାରି କରିଛନ୍ତି। ଏଠାରେ ଚନ୍ଦ୍ରାବାବୁଙ୍କ ଶାସନ ସମୟରେ ଜନତା ଦରବାର ବସୁଥିଲା। ଏହାର ନିର୍ମାଣ ନଦୀ କୂଳରେ ପରିବେଶ ନିୟମକୁ ଉଲ୍ଲଂଘନ କରାଯାଇ ହୋଇଥିବା କୁହାଯାଉଛି। ଏହାକୁ ଭାଙ୍ଗିବା କାର୍ଯ୍ୟରେ ଜେସିବି, ୬ ଟ୍ରକ୍ ଏବଂ ୩୦ ଶ୍ରମିକ ନିୟୋଜିତ ଅଛନ୍ତି। ଏହାକୁ ବିପକ୍ଷ ନେସାଙ୍କ ସରକାର ଆବାସ ଭାବେ ଘୋଷଣା କରିବାକୁ ଚନ୍ଦ୍ରାବାବୁ ସରକାରଙ୍କ ଅନୁରୋଧ କରିଥିଲେ। ତେବେ ଜଗନ ଏହାକୁ ମାନି ନ ଥିଲେ। ଚନ୍ଦ୍ରାବାବୁଙ୍କ ଆସବାବପତ୍ର ବାହାରେ ଫିଙ୍ଗା ଯାଇଥିବା ଟିଡିପି ନେତା ଅଭିଯୋଗ କରିଛନ୍ତି। ରାଜ୍ୟ ନଗରପାଳିକା ମନ୍ତ୍ରୀ ବୋତ୍ସା ସତ୍ୟନାରାୟଣ କହିଛନ୍ତି ଜଗନଙ୍କ ପ୍ରତି କରାଯାଇଥିବା ବ୍ୟବହାରର ପ୍ରତିଶୋଧ ଚନ୍ଦ୍ରାବାବୁଙ୍କଠାରୁ ନିଆଯିବ।
