ନୂଆଦିଲ୍ଲୀ,୨୧।୫: ପାଖାପାଖି ୨ ମାସର ବିରତି ପରେ ଏବେ ଦେଶରେ ସାଧାରଣ ଜୀବନଯାତ୍ରା ସ୍ବାଭାବିକ ହେବାକୁ ଯାଉଛି। ଏହି ସମୟରେ ମେ’୨୫ରୁ ଘରୋଇ ବିମାନ ସେବା ଆରମ୍ଭ ହେବାକୁ ଯାଉଛି। ଏଥିପାଇଁ କିଛି ନିୟମ ରଖାଯାଇଛି ଯାହାର ପାଳନ କରିବା ଜରୁରୀ। ଗୁରୁବାର କେନ୍ଦ୍ର ବେସାମରିକ ବିମାନ ଚଳାଚଳ ମନ୍ତ୍ରୀ ହରଦୀପ ସିଂ ପୁରି ଏକ ଖବରଦାତା ସମ୍ମିଳନୀର ଆୟୋଜନ କରିଥିଲେ। ସେ ଏଥିରେ ସୂଚନାଦେଇ କହିଛନ୍ତି ସରକାରଙ୍କ ତରଫରୁ ଟିକେଟର ସର୍ବାଧିକ ମୂଲ୍ୟ ନିର୍ଦ୍ଧାରଣ କରାଯାଇଛି ଯାହାର ପାଳନ ସମସ୍ତ ଏୟାରଲାଇନ୍ସକୁ କରିବାକୁ ପଡିବ। ଦିଲ୍ଲୀ-ମୁମ୍ବାଇ ବିମାନ ପାଇଁ ସର୍ବନିମ୍ନ ୩,୫୦୦ରୁ ସର୍ବାଧିକ ୧୦,୦୦୦ଟଙ୍କା ସ୍ଥିର କରାଯାଇଛି। ଏହି ହିସାବରେ କମ୍ପାନୀମାନେ ସେମାନଙ୍କର ମୂଲ୍ୟ ନିର୍ଦ୍ଧାରଣ କରିବେ। ତେବେ ସମସ୍ତ କମ୍ପାନୀ ସର୍ବାଧିକ-ସର୍ବନିମ୍ନ ମୂଲ୍ୟ ମଧ୍ୟରେ ଦାମ୍ ସ୍ଥିର କରିବେ। ଏହା ଆସନ୍ତା ଅଗଷ୍ଟମାସ ପର୍ଯ୍ୟନ୍ତ ରହିବ ବୋଲି ଜଣାପଡିଛି। ବିମାନଯାତ୍ରୀମାନେ ଆରୋଗ୍ୟ ସେତୁ ଆପ୍ ଡାଉନଲୋଡ କରିବା ଜରୁରୀ। କେନ୍ଦ୍ରମନ୍ତ୍ରୀଙ୍କ କହିବା ଅନୁଯାୟୀ ଦେଶର ସମସ୍ତ ରୁଟ୍କୁ ୭ଟି ରୁଟ୍ରେ ବାଣ୍ଟି ଦିଆଯିବ। ଏହାକୁ ୩୦ ମିନିଟ, ୪୦ ମିନିଟ, ୬୦ ମିନିଟ, ୯୦ ମିନିଟ, ୧୨୦ ମିନିଟ, ୧୫୦ ମିନିଟ, ୧୮୦ ମିନିଟ,୨୧୦ ମିନିଟ।
