କେନ୍ଦୁଝର,୧୬।୭(ସ୍ବ.ପ୍ର.):କେନ୍ଦୁଝର ଜିଲା ସଦର ଥାନା ଅନ୍ତର୍ଗତ ଶୁଆକାଠି ଗନ୍ଧମାର୍ଦ୍ଦନ ଖଣି ପରିସରରେ ମଙ୍ଗଳବାର ଏକ ଦୁର୍ଘଟଣା ଘଟିଛି। ଏଥିରେ ଗାଡି ଚାଳକ ତଥା ଟ୍ରକ ମାଲିକଙ୍କ ମୃତ୍ୟୁ ଘଟିଛି। ସେ ହେଲେ ଟମକା ଅଞ୍ଚଳର ସନାତନ ସାହୁ (୪୫)।
ସୂଚନାଯୋଗ୍ୟ, ସକାଳ ସମୟରେ କଅଁଳାରୁ କାଗଜଖଣି ଯାଉଥିବା ସମୟରେ ଲୁହାପଥର ବୋଝେଇ ଟ୍ରକ ଧାଡିରେ ଛିଡାକରି ସନାତନ ଟ୍ରକରୁ ଓହ୍ଲାଇ ତଳେ ଠିଆ ହୋଇଥିଲେ । ଏହି ସମୟରେ ଆଗରେ ଥିବା ଏକ ଲୋଡର ପଛାଉଥିବା ବେଳେ ତାଙ୍କ ମୁଣ୍ଡରେ ମାଡ ହୋଇଥିଲା । ଗୁରୁତର ଅବସ୍ଥାରେ ତାଙ୍କୁ ଜିଲା ମୁଖ୍ୟ ଚିକିତ୍ସାଳୟକୁ ନିଆଯାଇଥିଲା। ତେବେ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଛନ୍ତି। ଖବର ପାଇ ପୋଲିସ ଘଟଣାସ୍ଥଳରେ ପହଞ୍ଚି ଲୋଡର ଜବତ କରିବା ସହ ମୃତଦେହ ବ୍ୟବଚ୍ଛେଦ ପାଇ ନିଦ୍ଦେର୍ଶ ଦେଇ ଘଟଣାର ତଦନ୍ତ ଆରମ୍ଭ କରିଛି। ଏହି ଘଟଣାକୁ ନେଇ ସ୍ଥାନୀୟ ଅଞ୍ଚଳେରେ ଉତ୍ତେଜନା ପରିସ୍ଥିତି ସୃଷ୍ଟି ହେବା ସହ ଲୋକେ କ୍ଷତିପୂରଣ ଦାବିରେ ଓଏମ୍ସି କାର୍ଯ୍ୟାଳୟ ସମ୍ମୁଖରେ ପ୍ରତିବାଦ କରିଛନ୍ତି। ପୋଲିସ ପହଞ୍ଚି ଆଲୋଚନା ଜାରି ରଖିଛି।
