ନୂଆଦିଲ୍ଲୀ, ୧୬ା୬ (ପି.ଟି.)- ଆସାମ ରାଜ୍ୟ ସରକାର ଦେଶର ଟପ୍ ସ୍ପ୍ରିଣ୍ଟର ହିମା ଦାସଙ୍କ ନାମ ଖେଳରତ୍ନ ପୁରସ୍କାର ପାଇଁ ସୁପାରିସ କରିଛନ୍ତି। ଚଳିତ ବର୍ଷ ଖେଳରତ୍ନ ପୁରସ୍କାର ପାଇଁ ସୁପାରିସ ହୋଇଥିବା ଆଥଲେଟ୍ମାନଙ୍କ ମଧ୍ୟରେ ୨୦ ବର୍ଷୀୟା ହିମା ହେଉଛନ୍ତି ସର୍ବକନିଷ୍ଠ। ୨୦୧୮ରେ ଫିନ୍ଲାଣ୍ଡର ଟାମ୍ପେରେଠାରେ ଅନୁଷ୍ଠିତ ୨୦ବର୍ଷରୁ କମ୍ ବିଶ୍ୱଚାମ୍ପିୟନଶିପ୍ରେ ପ୍ରଥମ ଭାରତୀୟ ଆଥଲେଟ୍ ଭାବେ ହିମା ଟାଇଟଲ ବିଜୟୀ ହୋଇ ସମସ୍ତଙ୍କ ଦୃଷ୍ଟି ଆକର୍ଷଣ କରିଥିଲେ। ଏବର୍ଷ ଦେଶର ସର୍ବୋଚ୍ଚ କ୍ରୀଡ଼ା ସମ୍ମାନ ପାଇଁ ତାଙ୍କୁ ଜଭେଲିନ୍ ଥ୍ରୋୟର ନୀରଜ ଚୋପ୍ରା, ରେସ୍ଲର ଭିନେଶ ଫୋଗତ୍, ଟେବୁଲ ଟେନିସ ଖେଳାଳି ମନିକା ବାତ୍ରା, ମହିଳା ହକି ଅଧିନାୟିକା ରାଣୀ ରାମପାଲ ଏବଂ କ୍ରିକେଟର ରୋହିତ ଶର୍ମାଙ୍କ ସହ ପ୍ରତିଦ୍ୱନ୍ଦ୍ୱିତାର ସମ୍ମୁଖୀନ ହେବାକୁ ପଡ଼ିବ। ୨୦୧୮ ହିମାଙ୍କ ପାଇଁ ସ୍ମରଣରୀୟ ସିଜନ ରହିଥିଲା। ୨୦ ବର୍ଷରୁ କମ୍ ଟାଇଟଲ ବ୍ୟତୀତ ସେ ୪୦୦ ମିଟରରେ ରୌପ୍ୟ ଜିତିଥିଲେ। ସେ ଆହୁରି ମଧ୍ୟ ୪x୪୦୦ ମିକ୍ସଡ ରିଲେ ସ୍ବର୍ଣ୍ଣ ଏବଂ ଜାକର୍ତ୍ତା ଏସିଆନ ଗେମ୍ସରେ ମହିଳା ୪x୪୦୦ ମିଟର ମହିଳା ସ୍ବର୍ଣ୍ଣ ପଦକ ହାସଲ କରିଥିଲେ।
