ମୁମ୍ବାଇ: ବଲିଉଡ୍ରେ କ୍ୟାରିୟର କରିବାରେ ଅନେକଙ୍କର ଥାଏ ଏକ ଭିନ୍ନ ଇଚ୍ଛା। ନୁସରତ ଭରୁଚା ଦିନେ ଛୋଟ ପରଦାରୁ କ୍ୟାରିୟର ଆରମ୍ଭ କରିଥିବା ବେଳେ ଖୁବ୍ କମ୍ ଦିନ ମଧ୍ୟରେ ବଲିଉଡ୍ରେ ଏଣ୍ଟ୍ରି କରିଥିଲେ। ହେଲେ ପ୍ରଥମରୁ ତାଙ୍କ ଫିଲ୍ମ ଦର୍ଶକଙ୍କୁ ଏତେଟା ମନୋରଞ୍ଜନ ଦେଇ ପାରି ନ ଥିଲା। ପ୍ରଥମେ ଏକ ଟେଲିଭିଜନ ସିରିଏଲ ‘କିଟି ପାର୍ଟି’ରେ ନଜର ଆସିଥିଲେ ନୁସରତ। ଏଥିରେ ବର୍ଷେ ଅଭିନୟ କରି ସେ ବଲିଉଡ୍ ମୁହାଁ ହୋଇଥିଲେ। ୨୦୦୬ରେ ତାଙ୍କୁ ମିଳିଲା ବଲିଉଡ୍ ଅଫର୍। ଫିଲ୍ମ ‘ଜୟ ସନ୍ତୋଷୀ ମା’ରେ ଅଭିନୟ କଲେ ନୁସରତ। ଏହାପରେ ୨୦୦୯ରେ ‘କଲ କିସିନେ ଦେଖା ହୈ’ରେ ଅଭିନୟର ସୁଯୋଗ ମିଳଥିଲା ନୁସରତଙ୍କୁ। ହେଲେ ଏସବୁ ଫିଲ୍ମ ଦର୍ଶକଙ୍କୁ ସେତେଟା ଆକୃଷ୍ଟ କରି ନ ଥିଲା। କିନ୍ତୁ ୨୦୧୧ରେ ଆସିଥିବା ଫିଲ୍ମ ‘ପ୍ୟାରକା ପଞ୍ଚନାମା’ରେ କାର୍ତ୍ତିକ ଆର୍ଯ୍ୟନଙ୍କ ସହ ନୁସରତଙ୍କ ଯୋଡିକୁ ଦର୍ଶକେ ବେଶ୍ ପସନ୍ଦ କରିଥିଲେ।
