ନୂଆଦିଲ୍ଲୀ,୫।୯:ଓ୍ବେଷ୍ଟଇଣ୍ଡିଜରେ ବିରାଟ କୋହଲିଙ୍କ ନେତୃତ୍ୱାଧୀନ ଭାରତୀୟ ଦଳ କେବଳ ଟେଷ୍ଟ ସିରିଜ୍ ଜିତିନାହିଁ ବରଂ ଟେଷ୍ଟରେ ଭାରତର ସବୁଠୁ ସଫଳତମ ଅଧିନାୟକ ହେବାର ମଧ୍ୟ ସୌଭାଗ୍ୟଲାଭ କରିଛନ୍ତି ସେ। ବିରାଟ ୪୮ଟି ଟେଷ୍ଟ ମ୍ୟାଚରେ ଭାରତର ନେତୃତ୍ୱ ନେଇ ୨୮ଟି ବିଜୟ ହାସଲ କରିଥିବାବେଳେ ଧୋନୀ ୬୦ଟି ଟେଷ୍ଟରେ ୨୭ଥର ଭାରତ ପାଇଁ ବିଜୟ ଆଣିଦେଇଛନ୍ତି। କିନ୍ତୁ ବିରାଟ ଭାରତର ସର୍ବଶ୍ରେଷ୍ଟ ଟେଷ୍ଟ ଅଧିନାୟକ ବୋଲି ଭାରତୀୟ ଦଳର ପୂର୍ବତନ ଉଇକେଟକିପର୍ ସୟଦ କିରମାନିଙ୍କୁ ଲାଗୁନାହିଁ। ସେ କହିଛନ୍ତି, ଯେତେବେଳେ ଧୋନୀ ଭାରତୀୟ ଦଳର ନେତୃତ୍ୱ ନେଉଥିଲେ ସେତେବେଳେ ଭାରତ ୩ଟି ବିଭାଗ(ଟେଷ୍ଟ, ଏକଦିବସୀୟ ଏବଂ ଟି-୨୦)ରେ ସର୍ବଶ୍ରେଷ୍ଠ ପ୍ରଦର୍ଶନ କରୁଥିଲା। କୋହଲି ତାଙ୍କ ଭଳି ସଫଳତା ପାଇବା ପାଇଁ ଆହୁରି ସମୟ ଲାଗିବ। ବିରାଟଙ୍କ ନେତୃତ୍ୱରେ ଏପର୍ଯ୍ୟନ୍ତ ଭାରତ କୌଣସି ଆଇସିସି ଟୁର୍ନାମେଣ୍ଟ ଜିତିପାରିନାହିଁ। ଧୋନୀଙ୍କଠାରୁ ଆଗକୁ ଜିବାକୁ ହେଲେ ବିରାଟଙ୍କ ଆଇସିସି ଟ୍ରଫି ଜିତିବାକୁ ହେବ ବୋଲି ସେ ମତ ଦେଇଛନ୍ତି।
