ଜୁରିକ୍,୨।୮(ପିଟି)- ଭାରତୀୟ କ୍ରିକେଟ ଦଳର ଅଧିନାୟକ ବିରାଟ କୋହଲି ଜଣେ ବଡ଼ ଫୁଟ୍ବଲ ପ୍ରଶଂସକ। ଏ କଥା କାହାକୁ ଅଛପା ନାହିଁ। ପର୍ତ୍ତୁଗାଲର କ୍ରିଷ୍ଟିଆନୋ ରୋନାଲ୍ଡୋ ଓ ଆର୍ଜେଣ୍ଟିନା ଷ୍ଟାର ଲିଓନେଲ ମେସିଙ୍କ ମଧ୍ୟରେ କିଏ ଶ୍ରେଷ୍ଠ ବୋଲି ଫୁଟ୍ବଲ ପ୍ରଶଂସକଙ୍କ ମଧ୍ୟରେ ସର୍ବଦା ଆଲୋଚନା ହୁଏ। କୋହଲି ଏଥିରେ ସାମିଲ ହୋଇ ପର୍ତ୍ତୁଗାଲ ଅଧିନାୟକ ରୋନାଲ୍ଡୋଙ୍କ ସପକ୍ଷରେ ମତ ବାଢ଼ିଛନ୍ତି। କିମ୍ବଦନ୍ତୀ ଲିଓନେଲ ମେସିଙ୍କଠାରୁ ରୋନାଲ୍ଡୋ ବହୁତ ଅଧିକ ଚ୍ୟାଲେଞ୍ଜ ଗ୍ରହଣ କରି ସମସ୍ତ ସଫଳତା ପାଇସାରିଛନ୍ତି। ତାଙ୍କ ଭଳି ସମ୍ପୂର୍ଣ୍ଣ ଖେଳାଳି ମୁଁ ଦେଖିନାହିଁ। ମୋ ପାଇଁ ରୋନାଲ୍ଡୋ ସଭିଙ୍କଠାରୁ ଉପରେ। ତାଙ୍କ କମିଟ୍ମେଣ୍ଟ ଓ କାର୍ଯ୍ୟପନ୍ଥା କାହା ସହ ତୁଳନୀୟ ନୁହେଁ। ସେ ଯେଉଁ କ୍ଲବ ପକ୍ଷରୁ ଖେଳନ୍ତି, ମୁଁ ତାକୁ ସମର୍ଥନ କରେ। ସେ ମୋ ଲାଗି ପ୍ରେରଣାର ଉତ୍ସ ବୋଲି ଶୀର୍ଷ ର଼୍ୟାଙ୍କ୍ଧାରୀ ବ୍ୟାଟ୍ସମ୍ୟାନ ଫିଫା ଡଟ୍ କମ୍କୁ କହିଛନ୍ତି।
