କେନ୍ଦୁପତ୍ର ବିକ୍ରି କରିପାରୁନାହାନ୍ତି ୧୧ ଗାଁର ଗ୍ରାମବାସୀ

ମାଲକାନଗିରି,୨୦।୪ (ଡି.ଏନ୍‌.ଏ.)- ମାଲକାନଗିରି ଜିଲାରେ ଗତ ୪ ଦିନ ହେଲା ବନ ବିଭାଗ (କେନ୍ଦୁପତ୍ର) ଏବଂ କେତେକ ଘରୋଇ ସଂସ୍ଥା ଜିଲାର ବିଭିନ୍ନ ଫଡିରେ କେନ୍ଦୁପତ୍ର ତୋଳାଳିଙ୍କଠାରୁ କେନ୍ଦୁପତ୍ର ଖରିଦ କରିବା ଆରମ୍ଭ କରିଛନ୍ତି। ମାତ୍ର ମାଲକାନଗିରି ସଦର ବ୍ଲକ ଗୋରାଖଣ୍ଟା ପଞ୍ଚାୟତର ୧୧ଟି ଗ୍ରାମର ଗ୍ରାମବାସୀ କେନ୍ଦୁପତ୍ର ବିକ୍ରି କରିପାରୁନାହାନ୍ତି। ସେହି ଗ୍ରାମଗୁଡିକ ହେଲା ଗୋରାଖଣ୍ଟା, କ୍ରୁସୁବାଡା, କମାଲିଗୁଡା, ପୋନାରଗୁଡା, ଏମ୍‌.ଭି.- ୨୦, ଏମ୍‌.ଭି. ୨୧, ଏମ୍‌.ପି.ଭି.-୨, ମଟୁମଗୁଡା, ସିଙ୍ଗାଣିଗୁଡା, ବାଙ୍ଗାରୁଗୁଡା, ଶିବାନୀଗୁଡା। ଏହି ୧୧ଟି ଗ୍ରାମର ଆଦିବାସୀ ଏବଂ ବେଙ୍ଗଲି ସମ୍ପ୍ରଦାୟର ଲୋକେ  କେନ୍ଦୁପତ୍ର ବିକ୍ରି କରିପାରୁ ନ ଥିବାରୁ ଶୁକ୍ରବାର ଏକ ବୈଠକରେ ଏକାଠି ହୋଇଛନ୍ତି। ଏଦିଗରେ ତୁରନ୍ତ ପଦକ୍ଷେପ ନେଇ ୩ଦିନ ମଧ୍ୟରେ ପ୍ରଶାସନ କେନ୍ଦୁପତ୍ର ନ କିଣିଲେ ସେମାନେ  ମାଲକାନଗିରି-ମୋଟୁ ଜାତୀୟ ରାଜପଥ ଶିଖପାଲିଠାରେ ଅବରୋଧ କରିବେ ବୋଲି ଚେତାବନୀ ଦେଇଛନ୍ତି। ଏହି ଗୋରାଖଣ୍ଟା ସରପଞ୍ଚ ଏରା ପଡିଆମି, ସମିତିସଭ୍ୟା ଆର୍‌. ଭାରତୀ କ୍ରୁସୁବାଡା ଗ୍ରାମର ମାଙ୍ଗିଡି ରୁମେ, ସୁଭଦ୍ରା ଦୁଆରି, ଉଙ୍ଗି ପଡିଆମି, କମଳା ଦୁଆରି, ସମାରୀ ପଡିଆମି, ଶ୍ୟାମେ ମାଡକାମି, ଉଙ୍ଗି ରାମେ, ପ୍ରମିଳା ତକାଲି, ଗାଙ୍ଗି ପଡିଆମି, ଆଲତେ ପଡିଆମି, ମୁକେ ମାଡକାମିଙ୍କ ସହ ୨ଶହରୁ ଊର୍ଦ୍ଧ୍ୱ  ମହିଳା ପୁରୁଷ ବୈଠକରେ ଉପସ୍ଥିତ ଥିଲେ। ଗ୍ରାମବାସୀଙ୍କ କହିବା ଅନୁଯାୟୀ ତାଙ୍କ ପଞ୍ଚାୟତରେ ୧୧ଟି ଗ୍ରାମରେ ଲୋକଙ୍କ ଜମି ଏବଂ ଜଙ୍ଗଲ ଅଞ୍ଚଳରେ ଥିବା ଛୋଟଛୋଟ କେନ୍ଦୁଗଛଗୁଡିକର ବୁସ୍‌ କଟିଂ ଗ୍ରାମବାସୀ ୨ମାସ ପୂର୍ବରୁ କରିଛନ୍ତି, ଯାହାକି ସେହି ସମୟରେ ବନବିଭାଗ ପକ୍ଷରୁ ଜିଲାର ସବୁ ଅଞ୍ଚଳରେ ବୁସ୍‌ କଟିଂ କରାଯାଇଥାଏ ା ପ୍ରତିବର୍ଷ ସେମାନେ ବୁସ୍‌ କଟିଂ କଲାପରେ ଏପ୍ରିଲ ମାସ ଶେଷ ସପ୍ତାହରେ ସରକାରଙ୍କ କେନ୍ଦୁପତ୍ର ଧାର୍ଯ୍ୟ ଦିନ ଠାରୁ ସଂଗ୍ରହ ହୋଇଥାଏ। ୨ରୁ ୩ ସପ୍ତାହ ପର୍ଯ୍ୟନ୍ତ କେନ୍ଦୁପତ୍ର ସଂଗ୍ରହ କରି ସେମାନେ ଏମ୍‌.ଭି.-୧୭ ଏବଂ ଏମ୍‌.ଭି.- ୧୮ ଫଡିରେ ବିକ୍ରି କରିଥାନ୍ତି। ଗତବର୍ଷ ଏମ୍‌.ଭି.- ୧୮ ଫଡିରେ କେନ୍ଦୁପତ୍ର ଏକ ଘରୋଇ ସଂସ୍ଥା ଖରିଦ କରିଥିଲା। ଏବେ ତାଙ୍କ ଅଞ୍ଚଳର ପତ୍ର ଗୁଡିକ କେହି ଖରିଦ କରୁ ନ ଥିବାରୁ ପତ୍ରଗୁଡିକ ପାକଳ ଅବସ୍ଥାରେ ପହଞ୍ଚତ୍ ଶୁଖିବା ଅବସ୍ଥାକୁ ଆସିଲାଣି ା ଏଯାବତ୍‌ କୌଣସି ଘରୋଇ ସଂସ୍ଥା କିମ୍ବା କେନ୍ଦୁପତ୍ର ବିଭାଗ ପତ୍ର ନ କିଣିବା ଦ୍ୱାରା ଗ୍ରାମବାସୀ ଚିନ୍ତାରେ ଅଛନ୍ତି।  ଆସନ୍ତା ସୋମବାର ମଧ୍ୟରେ କେନ୍ଦୁପତ୍ର କିଣା ନ ଗଲେ ଗ୍ରାମବାସୀ ରାଜରାସ୍ତାକୁ ଓହ୍ଲାଇବେ ବୋଲି ଜିଲାପାଳ, ମାଲକାନଗିରି, ଆଇ.ଆଇ.ସି., ଜିଲା ଶ୍ରମ ଅଧିକାରୀ, କେନ୍ଦୁପତ୍ର ବନାଞ୍ଚଳ ଅଧିକାରୀଙ୍କୁ ଲିଖିତ ଭାବେ ଜଣାଇଥିବା ସରପଞ୍ଚ ପଡିଆମି କହିଛନ୍ତି। ଏ ସମ୍ପର୍କରେ ମାଲକାନଗିରି କେନ୍ଦୁପତ୍ର ବନାଞ୍ଚଳ ଅଧିକାରୀ ସୁନନ୍ଦ ପଟ୍ଟନାୟକଙ୍କୁ  ପଚାରିବାରୁ ସେ  କହିଥିଲେ ଯେ, ରାଜ୍ୟ ସରକାର ମାଲକାନଗିରି ଜିଲାରେ ବନ ବିଭାଗ ଦ୍ୱାରା କେତେକ ଅଞ୍ଚଳରେ ପତ୍ର ସଂଗ୍ରହ କରିବା ପାଇଁ ଅନୁମତି ଦେଇଛନ୍ତି। ବିଭିନ୍ନ ପଞ୍ଚାୟତରେ ଥିବା ମହିଳା ସ୍ବୟଂ ସହାୟକ ଗୋଷ୍ଠୀଙ୍କୁ ସେମାନଙ୍କ ଅଞ୍ଚଳର କେନ୍ଦୁପତ୍ର ସଂଗ୍ରହ କରି ଯେ କୌଣସି ଘରୋଇ ସଂସ୍ଥାକୁ ବିକ୍ରି କରିବା ପାଇଁ ନିୟମ କରିଛନ୍ତି। ପଞ୍ଚାୟତର ସରପଞ୍ଚ ଏବଂ ପଞ୍ଚାୟତ ନିର୍ବାହୀ ଅଧିକାରୀ ଘରୋଇ ସଂସ୍ଥାଙ୍କୁ ସେହି ଅଞ୍ଚଳର ପତ୍ର ଖରିଦ କରିବା, ପରିବହନ କରିବା ଏବଂ ଶ୍ରମିକଙ୍କ ପ୍ରାପ୍ୟ ପ୍ରଦାନ କରିବା ଦାୟିତ୍ୱ ପ୍ରଦାନ କରିଛନ୍ତି। ଗୋରାଖଣ୍ଟା ପଞ୍ଚାୟତବାସୀ ବୁସ୍‌ କଟିଂ କରିଥିବା ଏବେ ଦୃଷ୍ଟିକୁ ଆସିଛି ା ଆଉ ୨/୪ ଦିନ ମଧ୍ୟରେ ଗଛରେ ଥିବା ପତ୍ର ଶୁଖିଯିବା ସହ ବ୍ୟବହାର ଯୋଗ୍ୟ ହେବନାହିଁ। ବର୍ତ୍ତମାନ ପରିସ୍ଥିତିରେ ଗୋରୁଖୋଣ୍ଟା ପଞ୍ଚାୟତରେ ପତ୍ର ଖରିଦ କରିବା ତାଙ୍କ ପକ୍ଷେ ସମ୍ଭବ ନୁହେଁ ବୋଲି ପଟ୍ଟନାୟକ କହିଛନ୍ତି। ଏ କ୍ଷେତ୍ରରେ ପଞ୍ଚାୟତର ସମ୍ପ୍ରସାରଣ ଅଧିକାରୀ କିପରି ଅଞ୍ଚଳବାସୀଙ୍କୁ ସଚେତନ କରାଇଲେ ନାହିଁ କିମ୍ବା କୌଣସି ସ୍ବୟଂ ସହାୟକ ଗୋଷ୍ଠୀ ପତ୍ର ଖରିଦ ପାଇଁ କାହିଁକି ପଦକ୍ଷେପ ନେଲେ ନାହିଁ ସେନେଇ ପ୍ରଶ୍ନବାଚୀ ସୃଷ୍ଟି ହୋଇଛ


Enter your email to get our daily news in your inbox.

All Right Reserved By Dharitri.Com

ଭୂମିକମ୍ପରେ ଥରିଲା ରାୟଗଡା

ଭୁବନେଶ୍ୱର,୨୨।୬(ବ୍ୟୁରୋ)-ରାୟଗଡା ଜିଲାର କାଶୀପୁର ଅଞ୍ଚଳରେ ସୋମବାର ଭମିକମ୍ପ ଅନୁଭୂତ ହୋଇଛି। ଭୂମିକମ୍ପର ତୀବ୍ରତା ରିକ୍ଟରସ୍କେଲରେ ୩.୬ ଥିବା ଆକଳନ କରାଯାଇଛି। An earthquake of magnitude...

ବିଷାକ୍ତ ଛତୁ ଖାଇ ଗୋଟିଏ ପରିବାରର ୪ ଅସୁସ୍ଥ

ଝରିଗାଁ,୨୬।୬(ସ୍ବ.ପ୍ର.): ନବରଙ୍ଗପୁର ଜିଲା ଝରିଗାଁ ବ୍ଲକ ଚାଉଁରୀ ଗ୍ରାମରେ ମଙ୍ଗଳବାର ବିଷାକ୍ତ ଛତୁ ଖାଇ ଗୋଟିଏ ପରିବାରର ୪ ଜଣ ଅସୁସ୍ଥ ହୋଇଛନ୍ତି। ସେମାନେ ହେଲେ...

ଜୁଆଡ଼ିଙ୍କ ପାଖରୁ ମିଳିଲା ୨.୨୫ ଲକ୍ଷ ଟଙ୍କା, ୧୨ ଦାମୀ କାର୍‌

ଗୁଣପୁର,୧ା୧୦(ଡି.ଏନ୍‌.ଏ.): ରାୟଗଡ଼ା ଜିଲା ଗୁଣପୁର ପୋଲିସ ଏକ ବଡ଼ ଧରଣର ଜୁଆଆଡ୍ଡା ଉପରେ ଚଢ଼ାଉ କରି ୧୫ ଜୁଆଡ଼ିଙ୍କୁ ଗିରଫ କରିବା ସହ ୨ ଲକ୍ଷ...

ବାଲିମେଳା ବିଦ୍ୟୁତ୍‌ ପ୍ରକଳ୍ପ ପାଓ୍ବାର ହାଉସ୍‌ କୋଠାରେ ଫାଟ

  ମାଲକାନଗିରି,୩୦।୪ (ଡି.ଏନ୍‌.ଏ.)- ମାଲକାନଗିରି ଜିଲା ବାଲିମେଳା ଜଳବିଦ୍ୟୁତ୍‌ ପ୍ରକଳ୍ପରେ ଫାଟ ସୃଷ୍ଟି ହୋଇଛି। ତେବେ ଏନେଇ ସବୁ ଜାଣି ପ୍ରଶାସନ ନୀରବଦ୍ରଷ୍ଟା ସାଜିଛି। ୫୦...

ଚିତ୍ରକୋଣ୍ଡାରେ କଂଗ୍ରେସର ଲକ୍ଷ୍ମୀପ୍ରିୟା ନାୟକ ଆଗୁଆ

ମାଲକାନଗିରି,୨୩ା୫(ସ୍ବ.ପ୍ର.): ଚିତ୍ରକୋଣ୍ଡା ବିଧାନସଭା ନିର୍ବାଚନ ମଣ୍ଡଳୀର ପ୍ରଥମ ରାଉଣ୍ଡ ଗଣତିରେ କଂଗ୍ରେସ ଆଗୁଆ ରହିଛି। କଂଗ୍ରେସର ଲକ୍ଷ୍ମୀପ୍ରିୟା ନାୟକ ୭୭୦ ଭୋଟ୍‌ ପାଇଥିବା ବେଳେ ଭାଜପାର...

ଲୁଗା ସୁଖାଇବା ହେଲା କାଳ: ବିଦ୍ୟୁତ ସଂସ୍ପର୍ଶରେ ଆସି ଜେଜେ ମା ଓ ନାତୁଣୀ ମୃତ

ରାୟଗଡା ଅଫିସ,୨୫।୬-ରାୟଗଡ଼ା ସହରସ୍ଥିତ ତୁମ୍ବିଗୁଡ଼ା ଗ୍ରାମରେ ଏକ ଅଭାବନୀୟ ଘଟଣା ଘଟିଛି। ବିଦ୍ୟୁତ୍‌ ସଂସ୍ପର୍ଶରେ ଆସି ଗୁରୁବାର ଜେଜେମା ଓ ନାତୁଣୀଙ୍କ ମୃତ୍ୟୁ ଘଟିଛି। ମୃତକ...

୫ଟି ସଚିବଙ୍କ ରାୟଗଡ଼ା ଗସ୍ତ: କୋଭିଡ୍‌ ହସ୍ପିଟାଲ ପରିଦର୍ଶନ

ରାୟଗଡ଼ା ଅଫିସ,୧୫ା୫: ୫-ଟି ସଚିବ ଭିକେ ପାଣ୍ଡିଆନ ଏବଂ ଉନ୍ନୟନ କମିଶନର ସୁରେଶ ଚନ୍ଦ୍ର ମହାପାତ୍ର ଶୁକ୍ରବାର ଦିନିକିଆ ଗସ୍ତରେ ଆସି ରାୟଗଡ଼ାର ଜେକେପୁରଠାରେ ଥିବା...

ସଙ୍ଗରୋଧ କେନ୍ଦ୍ରରୁ ଫେରିଲେ ବାହାର ରାଜ୍ୟର ୪୭ ଅଟକ ବ୍ୟକ୍ତି

  ରାୟଗଡ଼ା ଅଫିସ,୩ା୫: ରାୟଗଡ଼ା ବ୍ଲକ୍‌ ଅଧୀନ ଆନ୍ଧ୍ର-ଓଡ଼ିଶା ସୀମାନ୍ତ କେରେଡ଼ା ଗାଁ ସଙ୍ଗରୋଧ କେନ୍ଦ୍ରରେ ଥିବା ୪୭ ଅଟକ ବ୍ୟକ୍ତିଙ୍କୁ ରବିବାର ନିଜ ଅଞ୍ଚଳଙ୍କୁ...

Advertisement
Archives

Model This Week