ସିମୁଳିଆ, ୧୫।୧୨(ଡି.ଏନ.ଏ.)-ସିମୁଳିଆ ବ୍ଲକ ମାର୍କୋଣା ରଘୁନାରାୟଣ ଉଚ୍ଚ ବିଦ୍ୟାଳୟର ୬୪ତମ ବାର୍ଷିକ କ୍ରୀଡ଼ା ଓ ସାଂସ୍କୃତିକ ଉତ୍ସବ ଶନିବାର ବିଜୁ ପଟ୍ଟନାୟକ ମିନିଷ୍ଟାଡିୟମ ପରିସରରେ ଅନୁଷ୍ଠିତ ହୋଇଯାଇଛି। ପ୍ରଧାନଶିକ୍ଷକ ମୋହନ ଚରଣ ଖିଲାରଙ୍କ ଅଧ୍ୟକ୍ଷତାରେ ଅନୁଷ୍ଠିତ ଉତ୍ସବରେ ମୁଖ୍ୟଅତିଥି ଭାବେ ପର୍ଯ୍ୟଟନ ମନ୍ତ୍ରୀ ତଥା ସିମୁଳିଆ ବିଧାୟକ ଜ୍ୟୋତିପ୍ରକାଶ ପାଣିଗ୍ରାହୀ ଯୋଗଦେଇ ଶିକ୍ଷା ଓ କ୍ରୀଡ଼ାର ଉନ୍ନତି ହେଲେ ଶିକ୍ଷାନୁଷ୍ଠାନର ଉନ୍ନତି ଘଟିବ ବୋଲି କହିଥିଲେ। ସମ୍ମାନନୀୟ ଅତିଥି ଭାବେ ଗୋଷ୍ଠୀ ଶିକ୍ଷା ଅଧିକାରୀ ଡ. ମାୟାଧର ସାହୁ ଉଦ୍ଦେଶ୍ୟ ମହତ ରହିଲେ ସବୁକିଛି ସୁନ୍ଦର ହୁଏ ବୋଲି କହିଥିଲେ। ଅନ୍ୟତମ ଅତିଥି ରୂପେ ବିଡିଓ ଡ. ନରହରି ବେହେରା ଛାତ୍ରୀଛାତ୍ରମାନଙ୍କ ଉଦ୍ଦେଶ୍ୟରେ ଇଚ୍ଛାଶକ୍ତି ସଫଳତାର ଶୀର୍ଷରେ ପହଞ୍ଚାଇଥାଏ ଓ ଆମତ୍ ଅନୁଶୀଳନ ହିଁ ପ୍ରକୃତ ଶିକ୍ଷା ବୋଲି କହିଥିଲେ। ଅତିଥି ରୂପେ ଶରତ ଚନ୍ଦ୍ର ମହାପାତ୍ରଙ୍କ ସମେତ ପୂର୍ବତନ ପ୍ରଧାନ ଶିକ୍ଷକ, ଶିକ୍ଷକ ଓ ଶିକ୍ଷାକର୍ମୀ ଯୋଗ ଦେଇଥିଲେ। କ୍ରୀଡ଼ା ଚାମ୍ପିୟନ ରୂପେ ବରିଷ୍ଠ ବିଭାଗରେ ସୁରେନ୍ଦ୍ର ସିଂ ଓ ରଶ୍ମିତା ପରିଡା, କନିଷ୍ଠ ବିଭାଗରେ କାର୍ତ୍ତିକ ପାଢୀ ଓ ସଞ୍ଜିତା ସିଂ ପୁରସ୍କୃତ ହୋଇଥିଲେ। ସେହିପରି କୃତୀ ଛାତ୍ରୀଛାତ୍ର ରୁଦ୍ରାଭିଷେକ ଦାସ, ପ୍ରକୃତି ନାୟକ, ମନୋରଞ୍ଜନ ମହାନ୍ତି ଓ ତପସ୍ବିନୀ ବେହେରାଙ୍କୁ ସମ୍ମାନିତ କରାଯାଇଥିଲା। ବିଭିନ୍ନ ବିଭାଗରେ କୃତୀ ଛାତ୍ରୀଛାତ୍ରମାନଙ୍କୁ ପୁରାତନ ଛାତ୍ର ସଂସଦ ପକ୍ଷରୁ ମାନପତ୍ର, ଅର୍ଥ ରାଶି ସମେତ ଚନ୍ଦନ ଗଛ ପ୍ରଦାନ କରାଯାଇଥିଲା ା ଛାତ୍ରୀଛାତ୍ରମାନଙ୍କ ଦ୍ୱାରା ସାଂସ୍କୃତିକ କାର୍ଯ୍ୟକ୍ରମ ପରିବେଷିତ ହୋଇଥିଲା। ପ୍ରଧାନ ଶିକ୍ଷକ ବିବରଣୀ ପାଠ, କ୍ରୀଡ଼ା ଶିକ୍ଷକ ବିଭୁଦତ୍ତ ରଥ ମଞ୍ଚ ସଞ୍ଚାଳନା ଓ ଶିକ୍ଷୟିତ୍ରୀ କାଞ୍ଚନ ମଲିକ ଧନ୍ୟବାଦ ଅର୍ପଣ କରିଥିଲେ।
