କେନ୍ଦୁଝର, ୧୧।୬ (ସ୍ବ.ପ୍ର./ଡି.ଏନ.ଏ.)-କରୋନା ସମୟରେ କିଟ୍ କିଣାରେ ହୋଇଥିବା ଦୁର୍ନୀତି ପ୍ରତିବାଦରେ କେନ୍ଦୁଝର ଜିଲା କଂଗ୍ରେସ ପକ୍ଷରୁ ଜିଲାପାଳଙ୍କ ଜରିଆରେ ରାଜ୍ୟପାଳ ପ୍ରଫେସର ଗଣେଶି ଲାଲଙ୍କୁ ଏକ ୬ ଦଫା ଦାବିପତ୍ର ଗୁରୁବାର ପ୍ରଦାନ କରାଯାଇଛି। ଏହି ଅବସରରେ ଅନୁଷ୍ଠିତ ଖବରଦାତା ସମ୍ମିଳନୀରେ ଜିଲା ସଭାପତି ମୋହନ ପରିଡା ଉପସ୍ଥିତ ରହି ହୋଇଥିବା ଦୁର୍ନୀତିର ଖୁଲାସା କରିଥିଲେ। ମାର୍ଚ୍ଚ ୨୧ ଓ ୨୪ ତାରିଖରେ ହୋଇଥିବା ନିର୍ଦ୍ଦେଶନାମା ଅନୁଯାୟୀ କିଣା ଯାଇଥିବା ମାସ୍କରେ ହୋଇଥିବା ଦୁର୍ନୀତିର ତଦନ୍ତ ଦାବି କରିଛନ୍ତି। ସେହିପରି ବିଭିନ୍ନ କମ୍ପାନୀ ଠାରୁ ବିଭିନ୍ନ ସମୟରେ କିଣାଯାଇଥିବା ଟେଷ୍ଟିଂ କିଟରେ ବ୍ୟାପକ ଦୁର୍ନୀତି ହୋଇଥିବା କହିଛନ୍ତି। ରିୟଲ ଟାଇମ ପିସିଆର ମେସିନ, ପିପିଇ କିଟ, ରାପିଡ କୋଭିଡ ଟେଷ୍ଟିଂ କିଟ କିଣାରେ ବ୍ୟାପକ ଅନିୟମିତତା ହୋଇଥିବା ମଧ୍ୟ ଅଭିଯୋଗ କରିଛନ୍ତି। ଅନ୍ୟ ମାନଙ୍କ ମଧ୍ୟରେ ପିସିସି ସାଧାରଣ ସମ୍ପାଦକ ଆଲୋକ ମିଶ୍ର, ପିସିସି ସମ୍ପାଦକ ସଂଗ୍ରାମ ଦାସ, ଯୁବ ସଭାପତି ପାର୍ଥ ସାରଥୀ ପୋହି, ବିଧାୟକ ପ୍ରାର୍ଥୀ ବିନୋଦ ବିହାରୀ ନାୟକ ସମେତ ଅନ୍ୟମାନେ ଯୋଗ ଦେଇଥିଲେ।
