ନାଉଗଁ।, ୨୯।୩ (ସ୍ବ.ପ୍ର.)- ରାଜ୍ୟରେ ୩ୟ କରୋନା ପଜିଟିଭି ଚିହ୍ନଟ ପରେ ନାଉଗଁ। ବ୍ଲକ ଅଞ୍ଚଳବାସୀ ଆତଙ୍କିତ ଅବସ୍ଥାରେ ରହିଛନ୍ତି। ନିଜ ଗଁ।କୁ କରୋନା ମହାମାରୀରୁ ରକ୍ଷା କରିବା ପାଇଁ କେତେକ ଗ୍ରାମର ପ୍ରବେଶ ପଥକୁ ବାଉଁଶ ଓ ଦଉଡି ସାହାଯ୍ୟରେ ବନ୍ଦ କରାଯାଇଥିବା ଦେଖିବାକୁ ମିଳିଛି। ବ୍ଲକ ଅଧୀନ ତିରୁଣା ପଞ୍ଚାୟତର ତିରୁଣା ଗ୍ରାମସ୍ଥିତ ଇନ୍ଦିରା ସ୍ମାରକୀ ଯୁବକ ସଂଘ, ଦହିପାଳର ଉଦ୍ୟମୀ ଯୁବକ, ଜାମୁଗଁ। ପଞ୍ଚାୟତ ନନ୍ଦିଗ୍ରାମର ନନ୍ଦକିଶୋର ୟୁଥ୍ କ୍ଳବ ସମେତ ଗ୍ରାମବାସୀ, ଘୋଡାଂଶ ଯୁବକ ସଂଘ, ବେଣାପଡା ଯୁବକ ସଂଘ ପକ୍ଷରୁ ନିଜ ନିଜ ଗ୍ରାମର ପ୍ରବେଶ ପଥକୁ ବନ୍ଦ କରିଦିଆଯାଇଛି। ସେହିପରି କରୋନା ଭୂତାଣୁଠାରୁ କିପରି ଦୂରେଇ ରହିବେ ସେ ନେଇ ଅନେକ ଯୁବକ ସଂଘ ପକ୍ଷରୁ ସଚେତନତା ସୃଷ୍ଟି କରାଯାଉଛି।
