ଅକ୍ଲାଣ୍ଡ,୩୦।୪ (ପି.ଟି.): ଅଧିନାୟକ କେନ୍ ଓ୍ବିଲିୟମସନ ଗୁରୁବାର ନ୍ୟୁଜିଲାଣ୍ଡର ଶ୍ରେଷ୍ଠ ଦିନିକିଆ ପ୍ଲେୟାର ଅଫ୍ ଦି ଇୟର ବିବେଚିତ ହୋଇଛନ୍ତି। ସାରା ବର୍ଷରେ ଦମ୍ଦାର ପ୍ରଦର୍ଶନ କରି ସେ ନ୍ୟୁଜିଲାଣ୍ଡ କ୍ରିକେଟର ବାର୍ଷିକ ପୁରସ୍କାର ଉତ୍ସବରେ ଶ୍ରେଷ୍ଠ ଦିନିକିଆ କ୍ରିକେଟର ଭାବେ ପୁରସ୍କୃତ କରାଯାଇଛି। ସେହିପରି ଅଭିଜ୍ଞ ରସ୍ ଟେଲର ଓ ଅଧିନାୟିକା ସୋଫି ଡିଭାଇନ୍ ଯଥାକ୍ରମେ ପୁରୁଷ ଓ ମହିଳା ଟି୨୦ ପ୍ଲେୟାର ଅଫ୍ ଦି ଇୟର ବିବେଚିତ ହୋଇଛନ୍ତି। ଅନ୍ୟପଟେ ସାରା ବର୍ଷ ସ୍ଥିର ପ୍ରଦର୍ଶନ କରି ସୁଜି ବେଟ୍ସ ଶ୍ରେଷ୍ଠ ମହିଳା ଦିନିକିଆ କ୍ରିକେଟର ବିବେଚିତ ହୋଇଛନ୍ତି। କୋଭିଡ୍-୧୯ ମହାମାରୀ କାରଣରୁ ଏହି ପୁରସ୍କାର ଅନ୍ ଲାଇନ୍ ମାଧ୍ୟମରେ ପ୍ରଦାନ କରାଯାଇଥିଲା।
ଗତବର୍ଷ ୨୯ ଓ୍ବିଲିୟମସନ ଅସାଧାରଣ ପ୍ରଦର୍ଶନ କରିଥିଲେ। ଇଂଲଣ୍ଡରେ ଅନୁଷ୍ଠତି ବିଶ୍ୱକପ୍ରେ ସେ ୮୨ ହାରରେ ୫୭୮ ରନ ସଂଗ୍ରହ କରିଥିଲେ। ଏଥିରେ ଦୁଇଟି ଶତକ ସାମିଲ ରହିଛି ଓ ସେ ପ୍ଲେୟାର ଅଫ୍ ଟୁର୍ନାମେଣ୍ଟ ମଧ୍ୟ ବିବେଚିତ ହୋଇଥିଲେ। ତାଙ୍କ ଦମ୍ଦାର ପ୍ରଦର୍ଶନ ଓ ନେତୃତ୍ୱରେ ନ୍ୟୁଜିଲାଣ୍ଡ ବିଶ୍ୱକପ୍ ଫାଇନାଲରେ ପ୍ରବେଶ କରିଥିଲା। ତେବେ ରୋମାଞ୍ଚକ ଫାଇନାଲରେ ଆୟୋଜକ ଇଂଲଣ୍ଡଠାରୁ ପରାସ୍ତ ହୋଇ ରନର୍ସ ଅପ୍ ହୋଇଥିଲା। ସେହିପରି ଟି୨୦ରେ ଟେଲର ୧୩୦ ଷ୍ଟାଇକ୍ରେଟ୍ରେ ୩୩୦ ରନ ସଂଗ୍ରହ କରି ବେଶ୍ ସଫଳ ପ୍ରଦର୍ଶନ କରିଥିଲେ।
ମହିଳା କ୍ରିକେଟରେ ବେଟ୍ସ ଦକ୍ଷିଣ ଆଫ୍ରିକା ବିପକ୍ଷରେ ଦୁଇଟି ଅର୍ଦ୍ଧଶତକ ହାସଲ କରିଥିଲେ। ଗତବର୍ଷ ନ୍ୟୁଜିଲାଣ୍ଡ କେବଳ ଦକ୍ଷିଣ ଆଫ୍ରିକା ବିପକ୍ଷରେ ଦିନିକିଆ ମ୍ୟାଚ୍ ଖେଳିଥିଲା। ସେ ୪୨ ହାରରେ ମୋଟ ୧୪୨ ରନ ସଂଗ୍ରହ କରିଥିଲେ। ସେହିପରି ମହିଳା ଟି୨୦ରେ ଡେଭାଇନ୍ ଶତକ ହାସଲ କରିତତ୍ଲେ। ପ୍ରଥମ ମହିଳା କିମ୍ବା ପୁରୁଷ ଖେଳାଳିଭାବେ ସେ କ୍ରମାଗତ ୬ଟି ଟି୨୦ ମ୍ୟାଚ୍ରେ ଅର୍ଦ୍ଧଶତକ ହାସଲ କରି ରେକର୍ଡ କରିଥିଲେ। ୧୩୨ ଷ୍ଟ୍ରାଇକ୍ରେଟ୍ରେ, ୭୧ ହାରରେ ଡିଭାଇନ୍ ୪୨୯ ରନ ସଂଗ୍ରହ କରିଥିଲେ।
