ନୂଆଦିଲ୍ଲୀ, ୧୨।୩- ହକି ଇଣ୍ଡିଆ ନିକଟରେ ଓ୍ବାଲର୍ଡ ମାଷ୍ଟର୍ସ ହକି(ଡବ୍ଲ୍ୟୁଏମଏଚ) ସହିତ ସାମିଲ ହୋଇଛି। ପୂର୍ବରୁ ଡବ୍ଲ୍ୟୁଏମଏଚ ସହ ଅନ୍ୟ ୩୮ ଜାତୀୟ ଆସୋସିଏଶନ ସାମିଲ ଅଛନ୍ତି। ବିଦେଶରେ ବିଭିନ୍ନ କାର୍ଯ୍ୟକ୍ରମର ସଫଳ ରୂପାୟନ ପାଇଁ ହକି ଇଣ୍ଡିଆ ପକ୍ଷରୁ ପୂର୍ବତନ ଅଧିନାୟକ ଆର.ପି. ସିଂଙ୍କୁ ହକି ଇଣ୍ଡିଆ ମାଷ୍ଟର୍ସ କମିଟିର ଆବାହକ ନିଯୁକ୍ତ କରାଯାଇଛି। ହରବିନ୍ଦର ସିଂ ଏହି କମିଟିର ଅଧ୍ୟକ୍ଷ ହୋଇଛନ୍ତି। ବି.ପି. ଗୋବିନ୍ଦା, ଜଗବୀର ସିଂ, ଏ.ବି. ସୁବ୍ବାୟା, ସୁରିନ୍ଦର କୌର ଓ ଏମ. ରେଣୁକା ଲକ୍ଷ୍ମୀ କମିଟିର ସଦସ୍ୟ ରହିଛନ୍ତି। ଡବ୍ଲ୍ୟୁଏମଏଚ ଅନ୍ତର୍ଜାତୀୟ ହକି ଫେଡେରେଶନ(ଏଫଆଇଏଚ୍)ର ଏକମାତ୍ର ସ୍ବିକୃତିପ୍ରାପ୍ତ ଅନୁଷ୍ଠାନଭାବେ ବିଶ୍ୱସ୍ତରରେ ଅନ୍ତର୍ଜାତୀୟ ମାଷ୍ଟର୍ସ ହକି ଆୟୋଜନ କରିବା ଅଧିକାର ପାଇଛି। ବିଭିନ୍ନ ଦେଶର ଖେଳାଳି ଓ ଅଫିସିଆଲମାନେ ଯେପରି ଜୀବନବ୍ୟାପୀ ହକି ସହ ଜଡ଼ିତ ରହିପାରିବେ ସେ ଦିଗରେ ଡବ୍ଲ୍ୟୁଏମଏଚ କାର୍ଯ୍ୟ କରିବ।
