ବଲିଉଡ୍ ଫିଲ୍ମରେ ବହୁ ପ୍ରକାରର ଇଂଲିଶ ଶବ୍ଦକୁ ବ୍ୟବହାର କରାଯାଉଥିବା ଶୁଣିବାକୁ ମିଳିଥାଏ। କିନ୍ତୁ ଯଦି କଠିନରୁ କଠିନ ଇଂଲିଶ କଥା ଆସେ ତେବେ କଂଗ୍ରେସର ବରିଷ୍ଠ ନେତା ଶଶି ଥରୁରଙ୍କ ନାଁ ପ୍ରଥମେ ଆସିଥାଏ। ସେ ଏଭଳି ଶବ୍ଦ କହିଥାନ୍ତି ଯାହା ସାଧାରଣ ଲୋକଙ୍କୁ ଉଚ୍ଚାରଣ କରିବାରେ କଷ୍ଟକର ହୋଇପଡ଼ିଥାଏ। କିଛି କିଛି ତାଙ୍କର ଲିଖିତ ଶବ୍ଦ ରହିଛି ଯାହାକୁ ଦୀର୍ଘ ସମୟ ପର୍ଯ୍ୟନ୍ତ ବ୍ୟବହାର ମଧ୍ୟ କରାଯାଇନାହିଁ। ଇତିମଧ୍ୟରେ ଜଣେ ବୃଦ୍ଧାଙ୍କ ଇଂଲିଶ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ଯାହାକୁ ଶୁଣିଲେ ଥରୁର ଉକ୍ତ ବୃଦ୍ଧାଙ୍କର ଫ୍ୟାନ୍ସ ହୋଇଯିବା ସହ ପ୍ରଶଂସା ନ କରି ରହିପାରିବେ ନାହିଁ ବୋଲି କୁହାଯାଉଛି। ଭାଇରାଲ ହୋଇଥିବା ଭିଡିଓରେ ଜଣେ ବୃଦ୍ଧା ମହାତ୍ମା ଗାନ୍ଧୀଙ୍କ ବିଷୟରେ ଇଂଲିଶରେ ବର୍ଣ୍ଣନା କରୁଥିବା ଦେଖିବାକୁ ମିଳିଛି। ଏହି ଭିଡିଓ ଶେୟାର କରାଯିବା ସହ କ୍ୟାପଶନ୍ରେ ଲେଖାହୋଇଛି, ସ୍ପୋକନ୍ ଇଂଲିଶ ପାଇଁ ଏହି ବୃଦ୍ଧାଙ୍କୁ ୧୦ରୁ କେତେ ମାର୍କ ମିଳିବ। ଏପର୍ଯ୍ୟନ୍ତ ଏହି ଭିଡିଓକୁ ୨ଲକ୍ଷ ୭୬ ହଜାର ଲୋକ ଦେଖିସାରିଥିବା ବେଳେ ଏହାକୁ ପ୍ରଶଂସକ ବେଶ୍ ପସନ୍ଦ କରିଛନ୍ତି। ଏଥିସହ କେତେକ ୟୁଜର୍ସ ପ୍ରତିକ୍ରିୟା ରଖିଛନ୍ତି। ସେ କହିଛନ୍ତି, ବୃଦ୍ଧାଙ୍କ ଇଂଲିଶ୍ ଥରୁରଙ୍କ ଠାରୁ ମଧ୍ୟ ଭଲ।
