ନୂଆଦିଲ୍ଲୀ,୨୪।୧୧: ମହାରାଷ୍ଟ୍ର ମହାଭାରତର ଅଭେଦ୍ୟ ଦୁର୍ଗକୁ ପଶିବା ସମସ୍ତଙ୍କ ପାଇଁ ସମ୍ଭବ ନୁହେଁ ବୋଲି କୁହାଯାଉଛି। ଗୋଟିଏ ପଟେ ଏନ୍ସିପି ନେତା ଅଜିତ ପାଓ୍ବାର ଭାରତୀୟ ଜନତା ପାର୍ଟି(ଭାଜପା) ସହ ମିଶି ସରକାର ଗଢୁଥିବା ବେଳେ ଅନ୍ୟପଟେ ଏନ୍ସିପି ମୁଖ୍ୟ ଏହାକୁ ନେଇ ଚୁପ୍ ଥିବା ସମସ୍ତଙ୍କୁ ଆଶ୍ଚର୍ଯ୍ୟ କରିଛି। ଏବେ ରାଜନୈତୀକ ମହଲରେ ଆଲୋଚନା ହେଉଛି କି ୨୦୨୨ରେ ଶରଦ ପାଓ୍ବାରଙ୍କୁ ଏନ୍ଡିଏ ଏକ ବଡ ଉପହାର ଦେବାକୁ ଯାଉଛି। ତାହାହେଲା ଏନ୍ଡିଏ ୨୦୨୨ରେ ଶରଦ ପାଓ୍ବାରଙ୍କୁ ରାଷ୍ଟ୍ରପତି ପ୍ରାର୍ଥୀ କରିପାରେ। କେବଳ ସେତିକି ନୁହେଁ ଶରଦଙ୍କ ଝିଅ ସୁପ୍ରିୟା ସୁଲେ ମଧ୍ୟ ଖୁବ୍ଶୀଘ୍ର ଭାଜପାରେ ଯୋଗ ଦେବେ ବୋଲି ଆଲୋଚନା ହେଉଛି। ତେଣୁ ଏବେ ଶରଦ ପାଓ୍ବାର ଭାଜପା ବିପକ୍ଷରେ ଏତେଟା ଶକ୍ତ ହୋଇ ପାରୁ ନାହାଁନ୍ତି ବୋଲି ଆଲୋଚନା ହେଲାଣି। ଆଲୋଚନା ହେଉଛି କି ସଂଘ ପରିବାରକୁ ନେଇ ୪୩ ପୁସ୍ତକ ଲେଖି ସାରିଥିବା ନାଗପୁରର ସଂଘ ବିଚାରକ ଦିଲ୍ଲୀପ ଦେଓଘର ମହାରାଷ୍ଟ୍ରର ସମ୍ପୂର୍ଣ୍ଣ ରାଜନୈତିକ ଘଟଣା କ୍ରମର ଟିପ୍ପଣୀ କରି ଦାବି କରିଛନ୍ତି, ମହାରାଷ୍ଟ୍ରରେ ଫଡନବିସ ସରକାର ଗଠନ ଉପରେ ଶରଦ ପାଓ୍ବାର ଜାଣିଶୁଣି ଚୁପ୍ ରହିଛନ୍ତି। ଆଉ ଶରଦ ରାଷ୍ଟ୍ରପତି ପ୍ରାର୍ଥୀ ହେବେ ବୋଲି ଦିଲ୍ଲୀପ କୁଆଡେ ଦାବି କରିଛନ୍ତି।
