ଆରମ୍ଭ ହେଲା ‘ପୁରୀ ପଢ଼େ, ପୁରୀ ବଢ଼େ’ କାର୍ଯ୍ୟକ୍ରମ ବହି ହେଉଛି ବନ୍ଧୁ: ଚିତ୍ରା ଅରୁମୁଗମ୍‌

ପୁରୀ ଅଫିସ, ୮ା୧୨:

ଆଗକୁ ଯିବାର ଏକମାତ୍ର ରାସ୍ତା ହେଉଛି ଶିକ୍ଷା। ଯାହା ପାଖରେ ଶିକ୍ଷା ଅଛି ତାଙ୍କୁ କେହି ଅଟକାଇ ପାରିବେ ନାହିଁ। ସ୍କୁଲ ଶିକ୍ଷା ଜଣଙ୍କ ପାଇଁ ପର୍ଯ୍ୟାପ୍ତ ନୁହେଁ। ସ୍କୁଲରେ ଯାହା ପଢା ହେଉଛି ତାହାକୁ ଭଲ ଭାବେ ପ୍ରତ୍ୟେକ ପିଲା ଗ୍ରହଣ କରନ୍ତୁ। ଏଥିସହିତ ଅନ୍ୟ ବହି ପଢିବା ଅଭ୍ୟାସ କରିବା ଦରକାର। କାରଣ ଗୋଟିଏ ଗୋଟିଏ ବହି ହେଉଛି ଜଣେ ଜଣେ ବନ୍ଧୁ ବୋଲି କହିଛନ୍ତି ସ୍କୁଲ ଓ ଗଣଶିକ୍ଷା ସଚିବ ଚିତ୍ରା ଅରୁମୁଗମ୍‌। ବାତ୍ୟା ପରବର୍ତ୍ତୀ ଛାତ୍ରୀଛାତ୍ରଙ୍କୁ ବହି ପଢିବା ପାଇଁ ଆଗ୍ରହ ସୃଷ୍ଟି କରିବା ଲକ୍ଷ୍ୟରେ ୟୁନିସେଫ୍‌ ଏବଂ ବକୁଳ ଫାଉଣ୍ଡେଶନର ମିଳିତ ଉଦ୍ୟମରେ ଶନିବାର ବେଳାଭୂମିସ୍ଥିତ ହୃଦୟ ପାର୍କ ଆମ୍ପିଥିଏଟରରେ ସ୍ନେହ ସମ୍ପର୍କ ଅଭିଯାନ କାର୍ଯ୍ୟକ୍ରମ ‘ପୁରୀ ପଢେ, ପୁରୀ ବଢେ’ ଅନୁଷ୍ଠିତ ହୋଇଯାଇଛି। ଏଥିରେ ଯୋଗଦେଇ ଅରୁମୁଗମ୍‌ ଛାତ୍ରୀଛାତ୍ରମାନଙ୍କୁ ପୁସ୍ତକମନସ୍କ ହେବାକୁ ପରାମର୍ଶ ଦେଇଥିଲେ। ବଜାରରୁ କେବଳ ଅଧିକ ବହି କିଣି ଆଣିଲେ ହେବ ନାହିଁ, ଏହାକୁ ପଢିବା ପାଇଁ ଆଗ୍ରହ ଥିବା ଦରକାର। ଜଣେ ଶିକ୍ଷିତ ହେଲେ ତାଙ୍କ ଜୀବନ ଅମୃତମୟ ହୋଇଯିବ। ତୁମର ଜ୍ଞାନ ଅନ୍ୟମାନଙ୍କୁ ଆଗକୁ ବଢିବାକୁ ପ୍ରେରଣା ଦେବ ବୋଲି ଉପସ୍ଥିତ ଛାତ୍ରୀଛାତ୍ରଙ୍କୁ ସେ କହିଥିଲେ। ଏହି ଅବସରରେ ଅରୁମୁଗମ୍‌ ନିଜ ପିଲାଦିନର ସ୍ମୃତିଚାରଣ କରି କହିଥିଲେ, ତାଙ୍କ ବାପା ମଧ୍ୟାହ୍ନ ଭୋଜନ ନ ଖାଇ ପ୍ରତ୍ୟେକ ଦିନ ସନ୍ଧ୍ୟାରେ ଗୋଟିଏ ଲେଖାଏ ବହି କିଣି ଆଣୁଥିଲେ। ସେହି ବହି ପଢିବା ଆଗ୍ରହ ଯୋଗୁ ସେ ଏବଂ ତାଙ୍କ ଭଉଣୀ (ଜଣେ ଚକ୍ଷୁ ଡାକ୍ତର) ଆଜି ଏତେ ବାଟରେ ପହଞ୍ଚତ୍ ପାରିଛନ୍ତି। ସେହିପରି ୟୁନିସେଫ୍‌ର ଓଡ଼ିଶା ମୁଖ୍ୟ ମୋନିକା ନିଲ୍‌ସନ କହିଥିଲେ, ବହି ହେଉଛି ଏକ ଝରକା। ଏହା ମାଧ୍ୟମରେ ଦୁନିଆକୁ ଦେଖିହେବ। ସମସ୍ତେ ବଡ଼ ବଡ଼ ସ୍ବପ୍ନ ଦେଖିବା ଭଲ। କିନ୍ତୁ ସ୍ବପ୍ନ ପୂରଣ ହେବା ଦରକାର। ଆଉ ଏହି ସ୍ବପ୍ନ ପୂରା କରିବାର ମାଧ୍ୟମ ହେଉଛି ପୁସ୍ତକ। ଜିଲାପାଳ ବଲୱନ୍ତ ସିଂ କହିଥିଲେ, ହୃଦୟ ଯୋଜନାରେ ନିର୍ମିତ ଏହି ପାର୍କ ଫନୀରେ କ୍ଷତିଗ୍ରସ୍ତ ହୋଇଥିଲା। ପୁନରୁଦ୍ଧାର ପରେ ଏହି କାର୍ଯ୍ୟକ୍ରମ ପିଲାଙ୍କ ଗହଣରେ ସବୁଠୁ ଭଲ ଉଦ୍‌ଘାଟନ ବୋଲି କହିବି। ହସଖୁସିରେ ପିଲାଙ୍କ ମଧ୍ୟରେ ବହି ପଢିବାର ଆଗ୍ରହ ବୃଦ୍ଧି କରିବା ହେଉଛି ସବୁଠୁ ଗୁରୁତ୍ୱପୂର୍ଣ୍ଣ। ପିଲାଦିନେ ତାଙ୍କର ବି ବହି ପଢିବାରେ ବିଶେଷ ରୁଚି ଥିଲା। ପୂର୍ବତନ ରାଷ୍ଟ୍ରପତି ଡ. ଏପିଜେ ଅବ୍‌ଦୁଲ କଲାମଙ୍କ ଆତ୍ମଜୀବନୀ ତାଙ୍କର ପ୍ରିୟ ପୁସ୍ତକ ବୋଲି ସେ କହିଥିଲେ। ଉକ୍ତ କାର୍ଯ୍ୟକ୍ରମରେ ଅନ୍ତର୍ଜାତୀୟ ବାଲୁକା ଶିଳ୍ପୀ ପଦ୍ମଶ୍ରୀ ସୁଦର୍ଶନ ପଟ୍ଟନାୟକ, ୟୁନିସେଫ୍‌ର ଲଳିତା ପଟ୍ଟନାୟକ, ଅଭିନେତା କୁନା ତ୍ରିପାଠୀ ଅତିଥି ଭାବେ ଯୋଗଦେଇଥିଲେ। ବକୁଳ ଫାଉଣ୍ଡେଶନର ସୁଜିତ ମହାପାତ୍ର କାର୍ଯ୍ୟକ୍ରମ ପରିଚାଳନା କରିଥିଲେ। ସୁଦର୍ଶନଙ୍କ ବାଲୁକାକଳା ବେଶ୍‌ ଆକର୍ଷଣ ପାଲଟି ଥିଲା। କାର୍ଯ୍ୟକ୍ରମରେ ସମଗ୍ର ଶିକ୍ଷା ଜିଲା ପ୍ରକଳ୍ପ ସଂଯୋଜିକା ସୌନ୍ଦର୍ଯ୍ୟମଞ୍ଜରୀ ଦାସ, ଜିଲା ଶିକ୍ଷା ଅଧିକାରୀ ବିଶ୍ୱଜିତ ଘୋଷ ପ୍ରମୁଖ ଉପସ୍ଥିତ ଥିଲେ। ଆସନ୍ତା ୨ମାସ ଧରି ପ୍ରତି ଶନିବାର ଅପରାହ୍ନ ୩ଟାରୁ ୫ଟା ଏହି କାର୍ଯ୍ୟକ୍ରମ ହେବ ବୋଲି ଘୋଷଣା କରାଯାଇଥିଲା। କାର୍ଯ୍ୟକ୍ରମରେ ବିଭିନ୍ନ ବିଦ୍ୟାଳୟର ୩୫୦ରୁ ଊର୍ଦ୍ଧ୍ୱ ଛାତ୍ରୀଛାତ୍ର ଯୋଗଦେଇଥିଲେ। ପିଲାମାନଙ୍କୁ ବିଭିନ୍ନ ପୁସ୍ତକ ପଢିବାକୁ ଦିଆଯାଇଥିଲା। କିଏ କ’ଣ ପଢିଲେ ତାକୁ ନେଇ ପ୍ରଶ୍ନ ପଚରାଯାଇଥିଲା। ସୁନ୍ଦର ଭାବେ ସେମାନେ ଉତ୍ତର ରଖିଥିଲେ। କେହି ଗଳ୍ପ ତ ଆଉ କେହି ଚମତ୍କାର ଢଙ୍ଗରେ କବିତା ଆବୃତ୍ତି କରିଥିଲେ। ଅଭିନେତା କୁନା ତ୍ରିପାଠୀ ପିଲାମାନଙ୍କୁ ପାଠ ପଢିବାର ଗୁରୁତ୍ୱ ସମ୍ପର୍କରେ କହିବା ସହ ଯେତେ ପଢିବ ସେତେ ବଢିବ ବୋଲି ପ୍ରେରଣା ଦେଇଥିଲେ। ଆର୍ଯ୍ୟଶ୍ୱେତା ମିଶ୍ର, ଶାଶ୍ୱତ ମିଶ୍ର, ପ୍ରିୟାଲି ପ୍ରିୟଦର୍ଶିନୀ, ସଂଘମିତ୍ରା ବେହେରା ପ୍ରମୁଖ ଛାତ୍ରୀଛାତ୍ର ଗଳ୍ପ, କବିତା ଓ ଅଧିକାର ସମ୍ପର୍କରେ କହିଥିଲେ।


Enter your email to get our daily news in your inbox.

All Right Reserved By Dharitri.Com

ଅସହାୟ ଅବସ୍ଥାରେ ୯ ପରିବାର

ଖଇରା,୨୧।୪(ଡି.ଏନ.ଏ.)-ବାଲେଶ୍ୱର ଜିଲା ଖଇରା ବ୍ଲକ ଶ୍ୟାମସୁନ୍ଦରପୁର ପଞ୍ଚାୟତ ଅଧୀନ ଶ୍ରୀରାମପୁର ଅଙ୍ଗନୱାଡି କେନ୍ଦ୍ର ଅଧୀନରେ ୯ ପରିବାର ଖାଦ୍ୟ ନ ପାଇ ଅସହାୟ ଅବସ୍ଥାରେ ରହିଛନ୍ତି।...

ରାଜ୍ୟର ସହରାଞ୍ଚଳ ବର୍ଜ୍ୟବସ୍ତୁ ପରିଚାଳନା: ସରକାରଙ୍କ ଉପରେ ଏନ୍‌ଜିଟି କ୍ଷୁବ୍ଧ

ଭୁବନେଶ୍ୱର,୨୧।୮(ବ୍ୟୁରୋ): ସହରାଞ୍ଚଳରୁ ବାହାରୁଥିବା କୁଢ଼କୁଢ଼ ବର୍ଜ୍ୟବସ୍ତୁ ନେଇ ଜାତୀୟ ଗ୍ରୀନ୍‌ ଟ୍ରିବ୍ୟୁନାଲ (ଏନ୍‌ଜିଟି) କ୍ଷୁବ୍ଧ ହୋଇଛନ୍ତି। ବର୍ଜ୍ୟବସ୍ତୁ ପରିଚାଳନା ପାଇଁ କୌଣସି ଦୀର୍ଘମିଆଦୀ ଯୋଜନା କରୁ...

ଦକ୍ଷେଶ୍ୱର ମନ୍ଦିରରୁ ଚୋରି

ଖୋର୍ଦ୍ଧା ଅଫିସ୍‌/ ବାଣପୁର, ୨୩ା୧୨ (ଡି.ଏନ୍‌.ଏ.): ଖୋର୍ଦ୍ଧା ଜିଲା ବାଣପୁରର ଐତିହାସିକ ଶୈବପୀଠ ଶ୍ରୀଦକ୍ଷେଶ୍ୱର ମନ୍ଦିରରୁ ସୋମବାର ବିଳମ୍ବିତ ରାତିରେ ୨୨ଟି ଅଷ୍ଟଧାତୁ ମୂର୍ତ୍ତି ଚୋରି...

ଭିଜିଲାନ୍ସ ଜାଲରେ ସୋର ପୂର୍ତ୍ତ ବିଭାଗର ସହକାରୀ ଯନ୍ତ୍ରୀ

ସୋର,୫।୨(ଡି.ଏନ୍‌.ଏ.): ସୋର ପୂର୍ତ୍ତ ବିଭାଗର ସହକାରୀ ଯନ୍ତ୍ରୀ ବାସୁଦେବ ପ୍ରସାଦ ସାହୁଙ୍କୁ ବାଲେଶ୍ୱର ଭିଜିଲାନ୍ସ ବିଭାଗ ବୁଧବାର ଗିରଫ କରିଛି। ସନ୍ତୋଷ କୁମାର ନାୟକ ନାମକ...

କଟକ ସହରରୁ ୯୩ କରୋନା ପଜିଟିଭ ଚିହ୍ନଟ

କଟକ ଅଫିସ,୫।୧୦-କଟକ ସହରରୁ ସୋମବାର ମୋଟ ୯୬ ଜଣ କରୋନା ପଜିଟିଭ ଚିହ୍ନଟ ହୋଇଛନ୍ତି। ଏଥିରେ କ୍ୱାରାଣ୍ଟାଇନରୁ ୪୭ ଜଣ ଓ ସ୍ଥାନୀୟ ଅଞ୍ଚଳରୁ ୪୬...

ଓଡ଼ିଆରେ ନୂଆଁଖାଇ ଶୁଭେଚ୍ଛା ଜଣାଇଲେ ପ୍ରଧାନମନ୍ତ୍ରୀ,ମୁଖ୍ୟମନ୍ତ୍ରୀ, ଧର୍ମେନ୍ଦ୍ର ମଧ୍ୟ ଅଭିନନ୍ଦନ ଜଣାଇଲେ

ଭୁବନେଶ୍ୱର,୪-୯(ବ୍ୟୁରୋ):ପଶ୍ଚିମ ଓଡିଶାର କୃଷିଭିତ୍ତିକ ଗଣପର୍ବ ନୂଆଁଖାଇ ଅବସରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି, ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏବଂ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଓଡିଶାବାସୀଙ୍କୁ ଶୁଭେଚ୍ଛା ଜଣାଇଛନ୍ତି।...

ପ୍ଲାଜମା ଦାନ କରିବା ନେଇ ଅଗ୍ନିଶମ କର୍ମଚାରୀଙ୍କୁ ମୁଖ୍ୟମନ୍ତ୍ରୀଙ୍କ ପ୍ରଶଂସା

ଭୁବନେଶ୍ୱର,୧୯ା୭(ବ୍ୟୁରୋ): ଅଗ୍ନିଶମ କର୍ମଚାରୀ ଗୁରୁତର ଅସୁସ୍ଥ କରୋନା ରୋଗୀଙ୍କୁ ପ୍ଲାଜମା ଦାନ କରିବେ। ପ୍ରଥମ ପର୍ଯ୍ୟାୟରେ ୧୦ ଜଣ କର୍ମଚାରୀ ପ୍ଲାଜମା ଦାନ କରିବେ। କଟକ...

‘ଉତ୍ତମ ଜନସ୍ବାସ୍ଥ୍ୟ ସେବା ଲାଗି ବହୁମୁଖୀ ଉଦ୍ୟମ ଲୋଡ଼ା’

ଭୁବନେଶ୍ୱର,୨୪ା୨:ଉତ୍ତମ ଜନସ୍ବାସ୍ଥ୍ୟ ସେବା ପାଇଁ ବହୁମୁଖୀ ଏବଂ ବହୁବିଧ ଉଦ୍ୟମର ଆବଶ୍ୟକତା ରହିଛି। ଏଆଇପିଏଚ୍‌ ବିଶ୍ୱବିଦ୍ୟାଳୟ ପକ୍ଷରୁ ଅନୁଷ୍ଠିତ ଜାତୀୟ କର୍ମଶାଳାରେ ବିଶେଷଜ୍ଞମାନେ ଉତ୍ତମ ଜନସ୍ବାସ୍ଥ୍ୟ...

Advertisement
Archives

Model This Week