ନୂଆଦିଲ୍ଲୀ,୧୦।୫ (ପି.ଟି.): ହକି ଇଣ୍ଡିଆ ଭାରତୀୟ କୋଚ୍ମାନଙ୍କ ପାଇଁ ଲିବେଲ୧ କୋର୍ସ ସୋମବାରଠାରୁ ଆୟୋଜନ କରିବାକୁ ଯାଉଛି। ଅନ୍ତର୍ଜାତୀୟ ହକି ଫେଡେରେଶନ (ଏଫ୍ଆଇଏଚ୍) ସହ ମିଳିତ ଭାବେ ହକି ଇଣ୍ଡିଆ ଏହି କୋର୍ସର ଆୟୋଜନ କରିବାକୁ ଯାଉଛି। ଏଫ୍ଆଇଏଚ୍ ଏଡୁକେଟର୍ସମାନଙ୍କ ଦ୍ୱାରା ଏହି ଅନ୍ଲାଇନ୍ କୋର୍ସ ସଂଚାଳନ ହେବ। ଯେଉଁ କୋଚ୍ମାନେ ହକି ଇଣ୍ଡିଆ ଲିବେଲ ୨ କୋଚ୍ ସାର୍ଟିଫିକେଟ ହାସଲ କରିଛନ୍ତ ସେମାନେ ଏହି କୋର୍ସରେ ଅଂଶଗ୍ରହଣ କରିବାକୁ ପାଇଁ ଯୋଗ୍ୟ ବିବେଚିତ ହେବେ।
ଏହି ଏଫ୍ଆଇଏଚ୍ ଏକାଡେମୀ- ହକି ଇଣ୍ଡିଆ କୋଚିଂ ଏଜୁକେଶନ ପାଥଓ୍ବେ ଲିବେଲ ୧ କୋଚିଂ କୋର୍ସ ପାଇଁ ମୋଟ ଉପରେ ୯ ଜଣଙ୍କୁ ଚୟନ କରାଯାଇଛି। ଏହି କୋର୍ସ ମେ ୧୧ରୁ ୧୫ ତାରିଖ ମଧ୍ୟରେ ପ୍ରଦାନ କରାଯିବ ବୋଳି ହକି ଇଣ୍ଡିଆ ତରଫରୁ କୁହାଯାଇଛି। କୋର୍ସ ଶେଷରେ କୃତକାର୍ଯ୍ୟ ହୋଇଥିବା ପ୍ରାର୍ଥୀଙ୍କୁ ଏଫ୍ଆଇଏଚ୍ ଲିବେଲ ୧ କୋଚ ସାର୍ଟିଫିକେଟ ପ୍ରଦାନ କରାଯିବ। ଭାରତରେ ହକି ଇଣ୍ଡିଆ କୋଚିଂ ଏଜୁକେଶନ ପାଥ୍ଓ୍ବେ କୋଚିଂ କୋର୍ସ ତ୍ରୁଟି ହୀନ ରହିଛି। ତେଣୁ ଡେରି ନ କରି ଏଫ୍ଆଇଏଚ୍ ଏକାଡେମୀ ଲିବେଲ ୧ କୋଚିଂ କୋର୍ସକୁ ଆରମ୍ଭ କରାଯିବା ଆବଶ୍ୟକ ମେମ୍ବରଶିପ୍ ଏଜୁକେଶନ ଆଣ୍ଡ ଡେଭଲପମେଣ୍ଟ ମୁଖ୍ୟ ମାଇକ୍ ଜୋଏସ କହିଛନ୍ତି।
ବିଶ୍ୱର ସବୁ ଶ୍ରେଷ୍ଠ ହକି ଖେଳୁଥିବା ଦେଶଗୁଡିକରେ କାର୍ଯ୍ୟ କରିବାର ଆବଶ୍ୟକାକୁ ଏଫ୍ଆଇଏଚ୍ ଗୁରୁତ୍ୱ ଦେଉଛି। ‘ହକି ୪ଲାଇଫ୍’ର ୪ଟି ସ୍ତମ୍ବ ମଧ୍ୟରୁ ଏଜୁକେଶନ ହେଉଛି ଅନ୍ୟତମ ଓ ଏହା ଗ୍ଲୋବାଲ ଡେଭଲପମେଣ୍ଟ ପ୍ରୋଗ୍ରାମର ଅଂଶବିଶେଷ।
ଲକ୍ଡାଉନ୍ରେ ଭାରତୀୟ କୋଚ୍ମାନେ ସମୟର ସଦ୍ଉପଯୋଗ କରିବାକୁ ଯାଉଥିବାରୁ ମୁଁ ବହୁତ ଖୁସି ବୋଲି ହକି ଇଣ୍ଡିଆ ଅଧ୍ୟକ୍ଷ ମହମ୍ମଦ ମୁସ୍ତାକ ଅହମ୍ମଦ କହିଛନ୍ତି। ଏହି କୋର୍ସ ଦ୍ୱାରା ଭାରତୀୟ କୋଚ୍ମାନେ ଆହୁରି ଦକ୍ଷ ହୋଇପାରିବେ ଓ ମ୍ୟାଚ୍ ପରିଚାଳନାରେ ସିଦ୍ଧହସ୍ତ ହୋଇପାରିବେ ବୋଲି ମୁସ୍ତାକ ଆଶାପ୍ରକାଶ କରିଛନ୍ତି।
