୨୦୨୦ ଫେବୃୟାରୀ ପହିଲାରୁ ବଦଳିଛି ଅନେକ ନିୟମ। ଏଟିଏମ୍, ହ୍ବାଟ୍ସଆପ୍, ଜୀବନବୀମା, ଏଟିଏମ୍ ଏବଂ ଡାକଘର ସମ୍ପର୍କିତ ଅନେକ ନିୟମ ଶନିବାରଠାରୁ ବଦଳିଛି।
ହ୍ବାଟ୍ସଆପ୍: ଫେବୃୟାରୀ ୧ରୁ ଲକ୍ଷାଧିକ ସ୍ମାର୍ଟଫୋନ୍ରେ ହ୍ବାଟ୍ସଆପ୍ କାମ କରିବ ନାହିଁ। କାରଣ କମ୍ପାନୀ ଏହାକୁ ବନ୍ଦ କରିଛି। ୨.୩.୭ ଆଣ୍ଡ୍ରଏଡ୍ ଭର୍ସନ ଏବଂ ଆଇଓଏସ୍ ୭ ଥିବା ସ୍ମାର୍ଟଫୋନ୍ରେ ଏହା କାମ କରିବ ନାହିଁ ବୋଲି ଜଣାପଡ଼ିଛି।
ଏଲ୍ଆଇସି: ଏଲ୍ଆଇସି (ଜୀବନ ବୀମା ନିଗମ)ର ନିର୍ଦ୍ଦେଶାନୁଯାୟୀ ୨୩ଟି ଯୋଜନା ବନ୍ଦ ହୋଇଛି। ଜୀବନ ଆନନ୍ଦ, ଜୀବନ ଲକ୍ଷ୍ୟ, ଜୀବନ ତରୁଣ, ଜୀବନ ଉମଙ୍ଗ ଭଳି ଯୋଜନା ସାମିଲ ରହିଛି। ଏହାଛଡ଼ା ୟୁନିଟ୍ ଲିକ୍ଡ ପ୍ଲାନ୍ ଏବଂ ନ୍ୟୁ ଏଣ୍ଡାଓମେଣ୍ଟ ପ୍ଲାନ୍କୁ ଏଲ୍ଆଇସି ବନ୍ଦ କରିବାକୁ ନିଷ୍ପତ୍ତି ନେଇଛି।
ଡାକ ବିଭାଗ/ଏଟିଏମ୍: ଡାକଘରେ ଟଙ୍କା ଜମା ରଖୁଥିବା ଲୋକମାନଙ୍କୁ ମୋବାଇଲ ନମ୍ବର ଅପ୍ଡେଟ୍ କରିବା ତଥା ଏଟିଏମ୍ (ମ୍ୟାଗ୍ନେଟିକ୍ ଚିପ୍) ବିଶିଷ୍ଟ ଆଦିକୁ ବଦଳାଇବାକୁ କୁହାଯାଇଥିଲା। ଯଦି ଏହା କେହି କରି ନ ଥାଆନ୍ତି, ତେବେ ଆଜିଠାରୁ ଏଟିଏମ୍ ବନ୍ଦ ହୋଇଯିବ। ଫଳରେ ଆପଣଙ୍କୁ ଘରୋଇ ଶାଖାକୁ ଯାଇ କାର୍ଡ ବଦଳାଇବାକୁ ପଡ଼ିବ। ଏଥିସହ ମୋବାଇଲ ନଂ. ଅପ୍ଡେଟ୍ କରିବାକୁ ପଡ଼ିବ।
