କାଳିଆପାଣି,୧୬।୪ (ଡି.ଏନ୍.ଏ.)-କୋଭିଡ୍-୧୯ ଭୂତାଣୁ ପ୍ରତିହତ ପାଇଁ ସାରାଦେଶରେ ଲକ୍ଡାଉନ୍ ଜାରି ରହିଥିବା ବେଳେ ଏହି ସମୟରେ ଅସହାୟମାନଙ୍କୁ ଅନେକ ସରକାରୀ, ବେସରକାରୀ ସଂସ୍ଥା ଓ ସଂଘ ପକ୍ଷରୁ ସହାୟତା ଯୋଗାଇ ଦିଆଯାଉଛି। ଏହି କ୍ରମରେ ଖଣି ଅଞ୍ଚଳରେ କାର୍ଯ୍ୟ କରୁଥିବା ସୁକିନ୍ଦା ରିଜିୟନ କ୍ରୋମାଇଟ ଖାଦାନ ମଜଦୁର ସଂଘ ପକ୍ଷରୁ ବିଭିନ୍ନ କମ୍ପାନୀ ସହଯୋଗରେ ପ୍ରତିଗ୍ରାମର ଅସହାୟ ଲୋକମାନଙ୍କୁ ଶୁଖିଲା ଖାଦ୍ୟ ବଣ୍ଟନ କରାଯାଉଛି। ଖଣି ଅଞ୍ଚଳରେ ପରିବହନ କାର୍ଯ୍ୟ କରୁଥିବା ପଲ୍ଲବୀ ସିଣ୍ଡିକେଟ ସହାୟତାରେ ଗୁରୁବାର ଆଶେକଝର ଗ୍ରାମର ୧୭ ଜୁଆଙ୍ଗ ପରିବାର ସମେତ ଦେଓଗାଁ ୧୬, କୁମୁଡ଼ିବାହାଳୀ ୧୪, ବାହାଳିସାହି ୧୨, କଙ୍କଡ଼ାଗୁଡ଼ି ୧୮, ଗୋଡ଼ଭଙ୍ଗା ୧୫, ଛତାଟାଙ୍ଗର ୨ ଓ ନାତୁର ଗ୍ରାମର ୨୩ ପରିବାରକୁ ଚାଉଳ, ଡ଼ାଲି, ଆଳୁ, ଲୁଣ, ସାବୁନ ବଣ୍ଟନ କରାଯାଇଥିଲା। ଏଥିସହ କରୋନା ଭୂତାଣୁ ସଂକ୍ରମଣ ରୋକିବା ସାକାଶେ ବିଭିନ୍ନ ସତର୍କତାମୂଳକ ପଦକ୍ଷେପ ସମ୍ପର୍କରେ ଲୋକମାନଙ୍କୁ ବୁଝାଇଥିଲେ। ଏଥିରେ ଶ୍ରମିକ ସଂଘ ସାଧାରଣ ସମ୍ପାଦକ ନାରାୟଣ ଚନ୍ଦ୍ର ଧୀର, ଅନ୍ୟତମ ସମ୍ପାଦକ ବିଦ୍ୟାଧର ପାତ୍ର, ଉପଦେଷ୍ଟା ତଥା ସୁକିନ୍ଦା ପୂର୍ବତନ ଅଧ୍ୟକ୍ଷା ଭଗବତି ମହାନ୍ତ ପ୍ରମୁଖ
ସାମିଲ ଥିଲେ।
