ନୂଆଦିଲ୍ଲୀ,୧୭।୧୦: ଅଯୋଧ୍ୟା ମାମଲାରେ ଏତେ ବର୍ଷ ପରେ ସୁପ୍ରିମ୍କୋର୍ଟ ରାୟର ନିକଟବର୍ତ୍ତୀ ହୋଇଛନ୍ତି। ଦୀର୍ଘଦିନ ଧରି ଏଠାରେ ଚାଲିଥିବା ରାଜନୀତି ଏବେ ବନ୍ଦ ହୋଇଯିବ। ସ୍ଥାନୀୟ ଲୋକଙ୍କ ବିକାଶ ହେବାର ସମ୍ଭାବନା ରହିବ ବୋଲି ଏହି ମାମଲାରେ ଜଡ଼ିତ ଥିବା ଇକ୍ବାଲ୍ ଅନସାରୀ କହିଛନ୍ତି। ଅଯୋଧ୍ୟା ମାମଲାରେ ସେ ମୁଖ୍ୟ ପକ୍ଷ। ତେବେ ସୁପ୍ରିମ୍କୋର୍ଟଙ୍କ ରାୟକୁ ସ୍ବୀକାର କରିବେ ବୋଲି ସେ ସୂଚନା ଦେଇଛନ୍ତି। ରାୟ ବିରୋଧରେ ଅନ୍ୟ କୌଣସି ମାମଲା ଲାଗି ଆବେଦନ କରା ଯିବ ନାହିଁ । ବାବରୀ ମସଜିଦ୍ ମାମଲାରେ ଇକ୍ବାଲ୍ଙ୍କ ପିତା ହାଶିମ୍ ଅନ୍ସାରୀ ୧୯୪୯ଠାରୁ ଜଡ଼ିତ ରହିଥିଲେ। ୨୦୧୬ରେ ଜୁଲାଇରେ ୯୫ ବର୍ଷ ବୟସରେ ତାଙ୍କର ମୃତ୍ୟୁ ହୋଇଥିଲା। ହାଶିମ୍ ଜଣେ ଦର୍ଜୀ ଭାବେ କାମ କରୁଥିଲେ। ପରେ ସେ ଏକ ସାଇକେଲ ଦୋକାନ ଖୋଲିଥିଲେ। ୧୯୫୨ରେ ବିବାଦୀୟ ସ୍ଥଳରେ ନମାଜ ପାଠ କରିଥିଲେ। ଏନେଇ ଅଦାଲତ ତାଙ୍କୁ ୨ ବର୍ଷ କାରାଦଣ୍ଡାଦେଶ ଦେଇଥିଲେ।
