ଅପରାଧ ଯୋଜନା ପଣ୍ଡ: କାର ଛାଡି ଜଙ୍ଗଲକୁ ଦୌଡି ପଳାଇଲେ ଦୁର୍ବୃତ୍ତ

ଦାରିଙ୍ଗବାଡି,୨।୭(ଡି.ଏନ.ଏ.)- କନ୍ଧମାଳ ଜିଲାରେ ଦିନକୁ ଦିନ ଅପରାଧ ବୃଦ୍ଧି ପାଉଛି। ବାଲିଗୁଡା ଠାରୁ ଦାରିଙ୍ଗବାଡି, ବାଡାବାଙ୍ଗା, ସିଆଙ୍ଗବାଲି ଦେଇ ଗଞ୍ଜାମକୁ ବ୍ୟାପକ ଗଞ୍ଜେଇ ଚୋରାଚାଲାଣ ହେଉଛି। ସେହିପରି ଦାରିଙ୍ଗବାଡିକୁ ଦୈନିକ ଶହଶହ ପର୍ଯ୍ୟଟକ ଆସୁଥିବାରୁ ଏହି ଅଞ୍ଚଳ ଏବେ ଅପରାଧୀଙ୍କ ପାଇଁ ସୁରକ୍ଷିତ ସ୍ଥାନ ପାଲଟିଛି ା ଏଭଳି ଏକ ଘଟଣା ସୋମବାର ବିଳମ୍ବିତ ରାତିରେ ଘଟିଛି ା ଅପରାଧୀମାନେ ଏକ କାରରେ ବାଲିଗୁଡା ଭାୟା ବୁଡାଗୁଡା ଦେଇ ଦାରିଙ୍ଗବାଡି ଅଭିମୁଖେ ଯାଉଥିବା ପୋଲିସ ପାଟ୍ରୋଲିଂ ଟିମ୍‌କୁ ସୂଚନା ମିଳିଥିଲା। ଦାରିଙ୍ଗବାଡି ଆଇଆଇସି ଅଲେଖ ଗରଡିଆ ଏକାଧିକ ଟିମ୍‌ ଗଠନକରି ସିମନବାଡି ସମେତ ଦାରିଙ୍ଗବାଡି ଆଦି ଅଞ୍ଚଳରେ ରାତି ପ୍ରାୟ ସାଢେ୧୦ଟାରେ ଯାନବାହନ ଯାଞ୍ଚ କରୁଥିଲେ। ଏଏସ୍‌ଆଇ ଆର. ଭିମୋରାଓ ରେଡ୍ଡୀ ସିମନବାଡିଠାରେ ଯାଞ୍ଚ କରୁଥିବାବେଳେ ଏକ କାର (ନଂ.ଓଡି-୩୩ପି-୦୦୨୧)କୁ ଅଟକାଇବାକୁ ଉଦ୍ୟମ କରିଥିଲେ। ମାତ୍ରା କାର୍‌ଟି ନ ଅଟକି ଦ୍ରୁତ ଗତିରେ ରାଇକିଆ ଅଭିମୁଖେ ପଳାଇଥିଲା। ପୋଲିସ ପିଛା କରି ବାଡାବାଙ୍ଗା ପଞ୍ଚାୟତ ସିକକେତା ପର୍ଯ୍ୟନ୍ତ ଯାଇଥିଲା। ତେବେ କାରଟି ରାଇକିଆ ନଯାଇ ଡାଡାକେତାଦେଇ ସିକନବାଡି ଅଞ୍ଚଳଆଡେ ପଳାଇଥିଲା। ପୋଲିସ ଓ ଦୁର୍ବୃତ୍ତ ଗୋଡାଗୋଡି ବେଳେ ଉଭୟ ଗାଡି ମଧ୍ୟରେ ଏକାଧିକ ଥର ଧକ୍କା ହୋଇଥିଲା। ସେପଟେ ରାସ୍ତା ଶେଷ ହୋଇଯାଇଥିବାରୁ କାରଟି ଆଗକୁ ଯାଇପାରି ନ ଥିଲା ା ଶେଷରେ ଅନ୍ଧାରର ସୁଯୋଗ ନେଇ ଦୁର୍ବୃତ୍ତମାନେ କାର ଛାଡି ଜଙ୍ଗଲକୁ ଦୌଡି ପଳାଇଥିଲେ। ଆଇଆଇସି ଗରଡିଆ ପହଞ୍ଚତ୍ କାରଟିକୁ ଜବତ କରି ଥାନାକୁ ଆଣି ତଦନ୍ତ କରୁଥିବା କହିଛନ୍ତି ା ଘଟଣାଟିକୁ ଜିଲା ଓ ସ୍ଥାନୀୟ ପୋଲିସ ଗୁରୁତର ସହ ନେଇଛି। ତଦନ୍ତରେ ବାଧା ସୃଷ୍ଟିହେବା ଆଶଙ୍କାରେ ଗଣମାଧ୍ୟମକୁ ଅଧିକ ସୂଚନା ଦେବାକୁ ପୋଲିସ ମନା କରିଥିଲା। ତେବେ ଏହି ଘଟଣାରେ କେତେଜଣଙ୍କୁ ଅଟକ ରଖି ପୋଲିସ ତଦନ୍ତ କରୁଥିବା ଆଲୋଚନା ହେଉଛି। ମାତ୍ର ଏହାକୁ ଆଇଆଇସି ଗରଡିଆ ଖଣ୍ଡନ କରିଛନ୍ତି। କାର କାହାର ସେନେଇ ତଦନ୍ତ ଚାଲିଛି, କାର ନମ୍ବରଟି ନକଲି ଓ ଏହା ଏକ ସ୍କୋର୍ପିଓ ନମ୍ବର ବୋଲି ଜଣାପଡିଛି। ଅଧିକ ତଦନ୍ତ ପରେ ସତ୍ୟାସତ୍ୟ ଜଣାପଡିବ ବୋଲି ସେ କହିଛନ୍ତି। କାର ଭିତରେ ଚୁଡି, ଆଇବ୍ରୋ ଆଦି ପଡିଥିବା ଦେଖିବାକୁ ମିଳିଛି। ଘଟଣା ସମ୍ପର୍କରେ ଏଏସ୍‌ଆଇ ରେଡ୍ଡୀ ଥାନାରେ ଅଭିଯୋଗ କରିଛନ୍ତି।


Enter your email to get our daily news in your inbox.

All Right Reserved By Dharitri.Com

ତାରାତାରିଣୀ ହୋଟେଲରେ ଅଗ୍ନିକାଣ୍ଡ

ଭୁବନେଶ୍ୱର,୧୩।୭(ବ୍ୟୁରୋ): ମଞ୍ଚେଶ୍ୱର ଥାନା ନିକଟରେ ଥିବା ତାରାତାରିଣୀ ହୋଟେଲରେ ଶୁକ୍ରବାର ହଠାତ୍‌ ନିଆଁ ଲାଗିଯାଇଥିଲା। ତେବେ ଅଗ୍ନିଶମ ବିଭାଗ ଆସିବା ପୂର୍ବରୁ ପୋଲିସ ଓ ହୋଟେଲ...

ପ୍ରବେଶ ପଥରେ ପ୍ରବାସୀଙ୍କ ହେବ ଥର୍ମାଲ ସ୍କ୍ରିନିଂ

ଭୁବନେଶ୍ୱର, ୧୧।୫(ବ୍ୟୁରୋ): ଏବେ ରାଜଧାନୀ ଦେଇ ପ୍ରତିଦିନ ଶହଶହ ସଂଖ୍ୟାରେ ପ୍ରବାସୀ ଚାଲି ଚାଲି ହେଉ ଅବା ଗାଡିମୋଟରରେ ଗନ୍ତବ୍ୟସ୍ଥଳକୁ ଯାଉଛନ୍ତି। ଏଥିସହ ବହୁ ପ୍ରବାସୀ...

ଶ୍ରୀମନ୍ଦିର ପରିଚାଳନା କମିଟି ବୈଠକ ଆରମ୍ଭ

ପୁରୀ ଅଫିସ, ୨୦।୧୨: ଶ୍ରୀମନ୍ଦିର ପରିଚାଳନା କମିଟି ବୈଠକ ଶୁକ୍ରବାର ଅନୁଷ୍ଠିତ ହୋଇଛି। ଶ୍ରୀମନ୍ଦିର ପ୍ରଶାସନ କାର୍ଯ୍ୟାଳୟରେ ପୂର୍ବାହ୍ନରେ ଆୟୋଜିତ ହୋଇଥିବା ଏହି ବୈଠକରେ ଶ୍ରୀମନ୍ଦିର...

ଚୋରାମଦ ରୋକିବାକୁ କଡ଼ା ପଦକ୍ଷେପ

ଭୁବନେଶ୍ୱର, ୧୬।୭(ବ୍ୟୁରୋ): ଷୋଡଶ ବିଧାନସଭାର ପ୍ରଥମ ଅଧିବେଶନରେ ଗୃହରେ ବିଭିନ୍ନ ବିଭାଗର ଖର୍ଚ୍ଚ ଦାବି ଆଲୋଚନା ହୋଇଯାଇଛି। ସୋମବାର ଗୃହରେ ଅବକାରୀ ବିଭାଗ ପାଇଁ ୨୦୨୦...

ଜଗନମୋହନଙ୍କ ନିଷ୍ପତ୍ତିକୁ ଶ୍ରୀକାନ୍ତଙ୍କ ସମର୍ଥନ: କହିଲେ ଏହା ‘ଐତିହାସିକ’; ଓଡ଼ିଶାରେ ଅତିକମ୍‌ରେ ୩ ଜଣଙ୍କୁ କରାଯାଉ

ଭୁବନେଶ୍ୱର,୭।୬(ବ୍ୟୁରୋ): ଆନ୍ଧ୍ରପ୍ରଦେଶ ମୁଖ୍ୟମନ୍ତ୍ରୀ ଜଗନମୋହନ ରେଡ୍ଡିଙ୍କ ମନ୍ତ୍ରୀମଣ୍ଡଳରେ ୫ଜଣ ଉପ ମୁଖ୍ୟମନ୍ତ୍ରୀ ରହିବେ। ଏ ନେଇ ସେ ଶୁକ୍ରବାର ଘୋଷଣା କରିବା ପରେ ଦେଶ ତଥା...

ଥାନା ନିକଟରୁ ବାଇକ ଚୋରି

ବଇଣ୍ଡା,୧୭।୫(ଡି.ଏନ.ଏ.)-ଆଠମଲ୍ଲିକ ବ୍ଲକ ଠାକୁରଗଡ଼ ଥାନା ନିକଟସ୍ଥ ଲକ୍ଷ୍ମୀବଜାର ନିକଟରୁ ଶୁକ୍ରବାର ସକାଳେ ଏକ ବାଇକ (ନଂ.ଓଆର୧୯ଜେ୨୧୬୯) ଚୋରି ହୋଇଯାଇଛି। ଏ ନେଇ ବାଇକ ଚାଳକ ସାନହୁଲା...

CORONAVIRUS UPDATE: ରାଜ୍ୟରେ ୨୯ ଜିଲାରୁ ୩୨୧୯ ପଜିଟିଭ ଚିହ୍ନଟ; ଖୋର୍ଦ୍ଧାରେ ପୁଣି ୭୦୦ ପାର

ଭୁବନେଶ୍ୱର, ୨।୯(ବ୍ୟୁରୋ): ରାଜ୍ୟରେ ବୁଧବାର ୨୯ ଜିଲାରୁ ପୁଣି ୩୨୧୯ ଜଣ କରୋନା ପଜିଟିଭ ଚିହ୍ନଟ ହୋଇଛନ୍ତି। ଏହାକୁ ମିଶାଇ ରାଜ୍ୟରେ ମୋଟ ଆକ୍ରାନ୍ତଙ୍କ ସଂଖ୍ୟା...

ପରିବହନ ମନ୍ତ୍ରୀଙ୍କ ବିରୋଧରେ ତଦନ୍ତ ନିର୍ଦ୍ଦେଶ ଦେଲେ ହାଇକୋର୍ଟ

କଟକ ଅଫିସ,୨୮।୧: ହାଇକୋର୍ଟ ମଙ୍ଗଳବାର ପରିବହନ ମନ୍ତ୍ରୀ ପଦ୍ମନାଭ ବେହେରାଙ୍କ ବିରୋଧରେ ତଦନ୍ତ ନିର୍ଦ୍ଦେଶ ଦେଇଛନ୍ତି। ଶିକ୍ଷାଗତ ଯୋଗ୍ୟତା ନେଇ ପଦ୍ମନାଭ ତଥ୍ୟ ବଦଳାଉଥିବା ଅଭିଯୋଗର...

Coronavirus Update


Archives

Model This Week

Why Dharitri