ଅନିଶ୍ଚିତତାରେ ପ୍ରସ୍ତାବିତ ଟ୍ରକ ଟର୍ମିନାଲ

କୁଜଙ୍ଗ,୧୪।୯(ସ୍ବ.ପ୍ର.): ପାରାଦୀପ ବନ୍ଦର ଓ ବିଭିନ୍ନ ଶିଳ୍ପ ସଂସ୍ଥାର ପଣ୍ୟ କାରବାର ପାଇଁ ଦୈନିକ ପ୍ରାୟ ୫ ହଜାରରୁ ଊର୍ଦ୍ଧ୍ୱ ମାଲବାହୀ ଟ୍ରକ ପାରାଦୀପକୁ ଚଳାଚଳ କରୁଛି। ଏହି ଟ୍ରକ୍‌ ସଂଖ୍ୟା ମଧ୍ୟ ପ୍ରତି ମାସରେ ବଢି ଚାଲିଛି। ଫଳରେ ଦଇତାରୀ-ପାରାଦୀପ ଜାତୀୟ ରାଜପଥ ଓ ପାରାଦୀପ-କଟକ ରାଜ୍ୟ ରାଜପଥରେ ପ୍ରତିଦିନ ହଜାର ହଜାର ଟ୍ରକ୍‌ ରାସ୍ତା ପାର୍ଶ୍ୱରେ ଅଟକି ରହୁଛି। ଫଳରେ ୨ଟି ଗୁରୁତ୍ୱପୂର୍ଣ୍ଣ ରାସ୍ତାରେ ଜନସାଧାରଣଙ୍କ ଯାତାୟାତ ବାଧାପ୍ରାପ୍ତ ହେବା ସହ ଦୁର୍ଘଟଣା ମଧ୍ୟ ବଢିଚାଲିଛି। ସ୍ଥିତି ସୁଧାରିବାକୁ ବନ୍ଦର କର୍ତ୍ତୃପକ୍ଷ ଓ ଜିଲା ପ୍ରଶାସନ ୨୦୧୨ ମସିହାରୁ ଉଦ୍ୟମ କରୁଥିଲେ ମଧ୍ୟ ସଫଳ ହୋଇପାରିନାହାନ୍ତି। ଇତିମଧ୍ୟରେ ଏକ ଟ୍ରକ ଟର୍ମିନାଲ ନିର୍ମାଣ ପାଇଁ ପାରାଦୀପ ବନ୍ଦର ୫୬.୩୩ କୋଟି ମଞ୍ଜୁର କରି ସାରିଛି। ପ୍ରାଥମିକ ପର୍ଯ୍ୟାୟରେ ପାଚେରି ନିର୍ମାଣ ପାଇଁ ୨ କୋଟି ୮୩ ଲକ୍ଷ ୨୨ ହଜାର ଓ ବାଲି ପୋତେଇ ପାଇଁ ୪ କୋଟି ୫୪ ଲକ୍ଷ ୬୧ ହଜାର ଟଙ୍କା କାର୍ଯ୍ୟାଦେଶ ଠିକାଦାରଙ୍କୁ ଦିଆଯାଇଥିବା ସୂଚନା ଅଧିକାରରେ ପ୍ରଶାସନ ପାଖରୁ ପତ୍ର ସଂଖ୍ୟା-୧୧୫୮ ତା-୬ା୮ା୧୯ରେ ତଥ୍ୟ ମିଳିଛି। ତେବେ ସବୁଠାରୁ ଆଶ୍ଚର୍ଯ୍ୟଜନକ କଥା ହେଲା ବନ୍ଦର ଟ୍ରକ ଟର୍ମିନାଲ ନିର୍ମାଣ ପାଇଁ ଅଦ୍ୟାବଧି ସ୍ଥାନ ଚିହ୍ନଟ ପ୍ରକ୍ରିୟା ଶେଷ ହୋଇନାହିଁ। ୨୦୧୨ ଓ ୨୦୧୭ ମସିହାରେ ଜିଲା ପ୍ରଶାସନ, ପାରାଦୀପ ଉନ୍ନୟନ କର୍ତ୍ତୃପକ୍ଷ ଓ ବନ୍ଦର ପ୍ରଶାସନ ମିଳିତ ଭାବେ ଟ୍ରକ ଟର୍ମିନାଲ ନିର୍ମାଣ ପାଇଁ ଯେଉଁ ସ୍ଥାନ ଚିହ୍ନଟ କରିଥିଲେ, ୨୦୧୯ ମସିହାରେ ବନ୍ଦର କର୍ତ୍ତୃପକ୍ଷ ତାହାକୁ ଉଲ୍ଲଂଘନ କରି ମନଇଚ୍ଛା ଏକ ଜନବସତି ସ୍ଥାନ ବାଛିବାରୁ ବିବାଦ ଜୋର ଧରିଛି। ଟ୍ରକ ଟର୍ମିନାଲ ପାରାଦୀପ ଅଞ୍ଚଳ ପାଇଁ ଅତି ଜରୁରୀ ପ୍ରକଳ୍ପ ହୋଇଥିବାବେଳେ ବନ୍ଦର କର୍ତ୍ତୃପକ୍ଷଙ୍କ ଏକଚାଟିଆ ମନୋଭାବ କାରଣରୁ ଅଞ୍ଚଳବାସୀ ତୀବ୍ର ବିରୋଧ କରିଛନ୍ତି। ଯଦ୍ୱାରା ଟ୍ରକ ଟର୍ମିନାଲ ନିର୍ମାଣ ଅନିଶ୍ଚିତତା ମୁହଁା ହୋଇଥିବା ଜଣାପଡିଛି। ପ୍ରକାଶ ଯେ, ପାରାଦୀପ ବନ୍ଦର ଓ ତତ୍‌ସଂଲଗ୍ନ ଅଞ୍ଚଳରେ ବହୁ ଶିଳ୍ପସଂସ୍ଥା ଗଢ଼ି ଉଠିଥିବାରୁ ପରିବେଶ ପ୍ରଦୂଷଣ ବୃଦ୍ଧି ପାଇବାରେ ଲାଗିଛି। ବାୟୁ ଓ ଜଳ ପ୍ରଦୂଷଣ କାରଣରୁ କ୍ୟାନ୍‌ସର, ହୃଦ୍‌ରୋଗ ଭଳି ବହୁ ଦୁରାରୋଗ୍ୟ କୁଜଙ୍ଗ-ପାରାଦୀପ ଅଞ୍ଚଳବାସୀଙ୍କୁ ଆକ୍ରାନ୍ତ କରିଚାଲିଛି। ଏଠାକାର ବାସିନ୍ଦା ଶିଳ୍ପକୁ ବିରୋଧ ନ କରି ନିଜ ଜମ ଟେକି ଦେଇଛନ୍ତି। ପ୍ରତିଦାନରେ ପ୍ରତିଦାନରେ ପ୍ରଦୂଷଣ ଓ ରୋଗବ୍ୟାଧିର ଶିକାର ହେଉଛନ୍ତି। ତେଣୁ କେନ୍ଦ୍ରାପଡ଼ା ଓ ପାରାଦୀପ ଅଞ୍ଚଳ ମଧ୍ୟସ୍ଥଳ ଭୂତମୁଣ୍ଡାଇଠାରେ ଏକ ସୁପର ସ୍ପେଶିଆଲିଟି ହସ୍ପିଟାଲ ଓ ମେଡିକାଲ କଲେଜ ପ୍ରତିଷ୍ଠା ପାଇଁ ସେମାନେ ଦାବି କରିଆସୁଛନ୍ତି। କିନ୍ତୁ ଶିଳ୍ପ ପ୍ରଭାବିତ ଅଞ୍ଚଳ ବାସିନ୍ଦା ଯେଉଁ ସ୍ଥାନରେ ଅତ୍ୟାଧୁନିକ ହସ୍ପିଟାଲ ପ୍ରତିଷ୍ଠା ଦାବି କରୁଛନ୍ତି, ବନ୍ଦର ସେହି ସ୍ଥାନରେ ଟ୍ରକ ଟର୍ମିନାଲ କରିବାକୁ ଜିଦ୍‌ ଧରିଥିବାରୁ ବିବାଦ ସୃଷ୍ଟି ହୋଇଛି। ସୂଚନାଯୋଗ୍ୟ, ୨୦୧୨ରେ ପିଡିଏ (ପାରାଦୀପ ଡେଭଲପମେଣ୍ଟ ଅଥରିଟି), ଜିଲା ପ୍ରଶାସନ, ପାରାଦୀପ ବନ୍ଦର କର୍ତ୍ତୃପକ୍ଷ ବନ୍ଦର ସଂଲଗ୍ନ ୫ ପଞ୍ଚାୟତ ପ୍ରତିନିଧିଙ୍କୁ ଡକାଇ ବୈଠକ କରିଥିଲେ। ଏଥିରେ ସରକାରୀସ୍ତରରେ ଭୂତମୁଣ୍ଡାଇ ଅପରପାର୍ଶ୍ୱ କେନାଲ ଆରପଟେ ଟ୍ରକ ଟର୍ମିନାଲ କରିବାକୁ ନିଷ୍ପତ୍ତି ନେଇ ଏକ ନକ୍‌ସା ଜାରି କରିଥିଲେ। ହେଲେ ୨୦୧୯ରେ ବନ୍ଦର ଚକ୍ରାନ୍ତରେ ଏହାକୁ ବାତିଲ କରାଯାଇ ଭୂତମୁଣ୍ଡାଇର ଜନବସତି ଅଞ୍ଚଳରେ ଟ୍ରକ ଟର୍ମିନାଲ କରିବାକୁ ନିଷ୍ପତ୍ତି ନେଇଥିଲେ। ଏଥିନିମନ୍ତେ କୁଜଙ୍ଗ ତହସିଲ ଇଡ୍‌କୋକୁ ଏ ୩୫.୦୮ ଡେସିମିଲ ଜମି ପ୍ରଦାନ କରିଛି ଓ ଇଡ୍‌କୋ ମଧ୍ୟ ଉକ୍ତ ଜମି ପାରାଦୀପ ବନ୍ଦରକୁ ହସ୍ତାନ୍ତର କରିଥିବା ସରକାରୀ ସୂତ୍ରରୁ ଜଣାପଡିଛି। ତେବେ ଆଶ୍ଚାର୍ଯ୍ୟଜନକ କଥା ହେଲା, ପାରାଦୀପ ଡେଭଲପମେଣ୍ଟ ଅଥରିଟିଙ୍କ କାର୍ଯ୍ୟାଳୟରୁ ସୂଚନା ଅଧିକାର ଆଇନ ଯୋଗେ ମିଳିଥିବା ତଥ୍ୟ ପତ୍ର ସଂଖ୍ୟା-୪୩୯/ତା -୩୦ା୮ା୧୯ରେ ସ୍ପଷ୍ଟ ଉଲ୍ଲେଖ ଅଛି ଯେ, ୨୦୧୭ ମସିହାରେ ପିଡିଏ ପ୍ଲାନ୍‌ରେ ଭୂତମୁଣ୍ଡାଇ ପଞ୍ଚାୟତର ବାହାର ତରଡ଼ିଆଠାରେ ଟ୍ରକ ଟର୍ମିନାଲ ନିର୍ମାଣ ପାଇଁ ସରକାରୀ ଭାବେ ପ୍ରସ୍ତାବ ଗୃହିତ ହୋଇଛି। ଏହାର ନକ୍‌ସା ମଧ୍ୟ ସୂଚନା ଅଧିକାରରେ ହସ୍ତଗତ ହୋଇଛି। ସରକାରୀ ତଥ୍ୟରେ ଏହା ମଧ୍ୟ ସ୍ପଷ୍ଟ ହୋଇଛି ଯେ, ଟ୍ରକ ଟର୍ମିନାଲ ନିମନ୍ତେ କୌଣସି ଜନଶୁଣାଣି କରାଯାଇନି। ୨୦୧୨ ପରେ ସଂଲଗ୍ନ ଗ୍ରାମବାସୀ ଓ ପଞ୍ଚାୟତଙ୍କୁ ବିଧି ଅନୁଯାୟୀ ନୋଟିସ୍‌ ମଧ୍ୟ ହୋଇନାହିଁ। ତେଣୁ ପୂର୍ବ ନିର୍ଦ୍ଧାରିତ ସ୍ଥାନରେ ଟ୍ରକ୍‌ ଟର୍ମିନାଲ ନ କରି ବେଆଇନ୍‌ ଭାବେ ଏକ ନୂଆ ସ୍ଥାନରେ ବାଲି ଫିଲିଂ ଉଦ୍ୟମ କରାଯିବାରୁ କୁଜଙ୍ଗ ଆଞ୍ଚଳିକ ସୁରକ୍ଷା ସମିତି କର୍ମକର୍ତ୍ତାମାନେ ଜିଲାପାଳ ସଂଗ୍ରାମ କେଶରୀ ମହାପାତ୍ରଙ୍କୁ ଅବଗତ କରାଇଥିଲେ। ଜିଲାପାଳ ମହାପାତ୍ର ଉକ୍ତ ସ୍ଥାନ ନିଜେ ବୁଲି ଦେଖିବା ପରେ ନିଷ୍ପତ୍ତି ନେବେ ବୋଲି କହିଥିଲେ। ଏ ସମ୍ପର୍କରେ ପାରାଦୀପ ଅତିରିକ୍ତ ଜିଲାପାଳ କାହ୍ନୁଚରଣ ଧିରଙ୍କ ସହ ଯୋଗଯୋଗ କରିବାରୁ ସେ କୌଣସି ମତାମତ ଦେଇନାହାନ୍ତି। ଆଞ୍ଚଳିକ ସୁରକ୍ଷା ସମିତି ସଦସ୍ୟା ତଥା ଭୂତମୁଣ୍ଡାଇ ସରପଞ୍ଚ ଜ୍ୟୋତିର୍ମୟୀ ସ୍ବାଇଁ କୌଣସି ପରିସ୍ଥିତିରେ ହସ୍ପିଟାଲ ପାଇଁ ପ୍ରସ୍ତାବିତ ଜମିରେ ପ୍ରଦୂଷଣଭିତ୍ତିକ ଟ୍ରକ ଟର୍ମିନାଲ କରାଇ ଦେବୁନି ବୋଲି କହିଛନ୍ତି।


Enter your email to get our daily news in your inbox.

All Right Reserved By Dharitri.Com

ଘୁଷୁରିକିଳା ଗ୍ରାମରେ ଅଗ୍ନିକାଣ୍ଡ

ସଜନାଗଡ଼, ୧୨।୪(ଡି.ଏନ.ଏ.)-ନୀଳଗିରି ବ୍ଲକ ଅଧୀନ ଆରବନ୍ଧ ପଞ୍ଚାୟତର ଘୁଷୁରିକିଳା ଗ୍ରାମରେ ଶନିବାର ପୂର୍ବାହ୍ନରେ ଅଗ୍ନିକାଣ୍ଡ ଘଟି ୨ ବଖରା ଜଳିଯାଇଛି। କ୍ଷତିଗ୍ରସ୍ତ ହୋଇଛନ୍ତି ଘୁଷୁରିକିଳା ଗ୍ରାମର...

୧୭ ବଛର ହେଲା ଅଜନା ରୋଗ୍‌ରେ ପୀଡ଼ିତ ଘଟନା: ଅଷ୍ଟମୀକଁର ପାସେ ପୁହୁଁଚିଲା ଡାକ୍‌ତରି ଦଲ

କୋକସରା, ୧୫ା୭(ଡି.ଏନ୍‌.ଏ): କୋକସରା ବ୍ଲକ କାଉଡ଼ୋଲା ପଁଚେତ୍‌ କୁସୁମଖୁଣ୍ଟି ଗଁାର ଚନ୍ଦ୍ରଶେଖର ମାଝିକଁର ମାଏକିନା ଅଷ୍ଟମୀ ମାଝି। ସେ ଆଏଜ୍‌କେ ୧୭ ବଛର ହେଲେ କେହେନ୍‌ସି...

ଅଙ୍ଗନଓ୍ବାଡ଼ି ଶିଶୁଙ୍କୁ ମାଡ଼ ଘଟଣା : କେନ୍ଦ୍ର ପରିଦର୍ଶନ କଲେ ବିଧାୟକ

ଆନନ୍ଦପୁର,୬।୧୧(ସ୍ବ.ପ୍ର..): କେନ୍ଦୁଝର ଜିଲା ଆନନ୍ଦପୁର ଥାନା ଅନ୍ତର୍ଗତ ପଞ୍ଚୁଗୋଛିଆ ପଞ୍ଚାୟତ ଶିବନାରାୟଣପୁର ୧ନଂ. ଅଙ୍ଗନଓ୍ବାଡ଼ି କେନ୍ଦ୍ରରେ ଘଟିଥିବା ଏକ ଅଭାବନୀୟ ଘଟଣାର ଭିଡିଓ ଭାଇରାଲ ପରେ...

ସରକାରୀ ନିର୍ଦ୍ଦେଶ ଅବମାନନା କଲେ କାର୍ଯ୍ୟାନୁଷ୍ଠାନ, ଜରୁରୀ ଥିଲେ ବାଇକ୍‌ରେ ନୁହେଁ ଚାଲିକି ଯାଆନ୍ତୁ: ସିପି

ଭୁବନେଶ୍ୱର,୨୨।୩(ବ୍ୟୁରୋ): ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଆହ୍ବାନକ୍ରମେ ରାଜ୍ୟରେ ରବିବାର ଜନତା କର୍ଫ୍ୟୁ ପାଳନ କରାଯାଛି। ଏଥିସହ ମୁଖ୍ୟମନ୍ତ୍ରୀ ଘୋଷଣା କରିଥିବା ଲକ୍‌ଡାଉନ୍‌ ମଧ୍ୟ ଜାରି ରହିଛି।...

କୋଭିଡ୍‌ ନିୟମ ଉଲ୍ଲଂଘନ: ମଦ ଡିପୋରେ ଚଢ଼ାଉ କଲା ଜିଲା ପ୍ରଶାସନ

ଖୋର୍ଦ୍ଧା ଅଫିସ,୧୩ା୭: ଖୋର୍ଦ୍ଧା ଜିଲା ପ୍ରଶାସନ ପକ୍ଷରୁ ସୋମବାର ମଦ ଡିପୋରେ ଚଢ଼ାଉ କରାଯାଇଛି । ଉପଜିଲାପାଳଙ୍କ ନିର୍ଦ୍ଦେଶ କ୍ରମେ ଆସିଷ୍ଟାଣ୍ଟ କଲେକ୍ଟର ବିଜୟ ସେଠୀଙ୍କ...

ସମ୍ବଲପୁର-ସୋନପୁର ସୀମାକୁ ସିଲ୍‌ କଲା ଧମା ପୋଲିସ

ଧମା, ୧।୪ (ଡି.ଏନ.ଏ.)-ରାଜ୍ୟ ସରକାରଙ୍କ କୋଭିଡ- ୧୯ ସୁରକ୍ଷା କଡାକଡିକୁ ନେଇ କରାଯାଇଥିବା ନିଷ୍ପତ୍ତି ପରେ ସମସ୍ତ ରାଜ୍ୟ ଓ ଜିଲା ସୀମାକୁ ସିଲ କରାଯାଇଛି...

ଉତ୍ତରାଧିକାରୀ ପ୍ରମାଣପତ୍ର ଖାରଜ ଘଟଣା: କାଗଜପତ୍ର ଯାଞ୍ଚ କଲା ଭିଜିଲାନ୍ସ ଟିମ୍‌

ଖଇରା, ୨୬।୧୧(ଡି.ଏନ.ଏ.)-ବାଲେଶ୍ୱର ଜିଲା ଖଇରା ତହସିଲ ଅଧୀନ ଆଳଦା ମୌଜାରେ ଜମି କିଣାବିକାକୁ ନେଇ ସୃଷ୍ଟି ହୋଇଥିବା ବିବାଦ ଅଡୁଆସୂତା ଭଳି ଛନ୍ଦି ହେବାରେ ଲାଗିଛି...

ସୁନ୍ଦରଗଡ଼ରେ ୩ କରୋନା ଆକ୍ରାନ୍ତ ଚିହ୍ନଟ: ସମସ୍ତେ କ୍ୱାରାଣ୍ଟାଇନ୍‌ ସେଣ୍ଟରରେ ଥିଲେ

ସୁନ୍ଦରଗଡ଼,୧୪ା୬(ଡି.ଏନ୍‌.ଏ.): ସୁନ୍ଦରଗଡ଼ରେ ରବିବାର ଆଉ ୩ କରୋନା ପଜିଟିଭ୍‌ ଚିହ୍ନଟ ହୋଇଛନ୍ତି। ଦୁଇଜଣ ମହିଳା ହୋଇଥିବା ବେଳେ ସେମାନଙ୍କ ମଧ୍ୟରୁ ଜଣେ ମୁମ୍ବାଇ ଏବଂ ଅନ୍ୟ...

Coronavirus Update


Archives

Model This Week

Why Dharitri