ଆଶ୍ଚର୍ଯ୍ୟ ଲାଗୁଥିଲେ ବି ସତ: ବିନା ବ୍ୟାଟେରି, ବିଦ୍ୟୁତ୍‌ରେ ବାଜୁଛି ରେଡିଓ

ପୁରୀ ଅଫିସ,୨୬ା୫: ବର୍ତ୍ତମାନ ରେଡିଓର ଆଉ ଚାହିଦା ନାହିଁ। ଟିଭି, ମୋବାଇଲ ଯୁଗରେ ରେଡିିଓ ଏକପ୍ରକାର ଅଦରକାରୀ ହୋଇପଡ଼ିଛି। ହେଲେ ଏମିତି ଅଲୋଡ଼ା ପଡିଥିବା ଏକ ରେଡ଼ିଓରେ ଦେଖିବାକୁ ମିଳିଛି ଚମତ୍କାରିତା। ବିନା ବ୍ୟାଟେରି ଏବଂ ବିଦ୍ୟୁତ୍‌ରେ ବାଜୁଛି ରେଡିିଓ । ଏହା ଆଶ୍ଚର୍ଯ୍ୟ ଲାଗୁଥିଲେ ବି ସତ। ପୁରୀ ସହର ମାଟିଆପଡ଼ା ରାଧାକୃଷ୍ଣ ଲେନ୍‌ର ଉମାକାନ୍ତ ରଥଙ୍କ ଘରେ ଘଟିଛି ଏପରି ଏକ ଚମତ୍କାରିତା। ବାତ୍ୟାରେ ତାଙ୍କ ଘର ର଼୍ୟାକ୍‌ ଉପରୁ ତଳେ ପଡ଼ି ଭାଙ୍ଗିଯିବା ପରେ ସେବେଠାରୁ ରେଡ଼ିଓ ବାଜୁଛି। ଏହି କଥା ପ୍ରଘଟ ହେବା ପରେ ଆଖପାଖର ଲୋକେ ଉମାକାନ୍ତଙ୍କ ଘରେ ପହଞ୍ଚତ୍ ଏହାର ସତ୍ୟତା ପରଖୁଛନ୍ତି।

ବାତ୍ୟା ‘ଫନୀ’ ଭୟଙ୍କର ରୂପ ଧାରଣ କରି ଉପକୂଳ ଆଡ଼କୁ ମାଡ଼ି ଆସୁଥିବା ଭାରତୀୟ ପାଣିପାଗ ବିଭାଗର ସତର୍କ ସୂଚନା ପରେ ପୁରୀ ଜିଲାବାସୀ ଭୟଭୀତ ହୋଇପଡ଼ିିଥିଲେ। ଇନ୍ଦ୍ରଦ୍ୟୁମ୍ନ ପୁଷ୍କରିଣୀ କଡ଼ରେ ରହୁଥିବା ଉମାକାନ୍ତଙ୍କ ପରିବାର ବି ସତର୍କ ହୋଇପଡିଥିଲେ। ବିଦ୍ୟୁତ୍‌ କଟିଯିବ, ତେଣୁ ଟିଭି ଚାଲିବନି। ବାତ୍ୟା ବିଷୟରେ ଜାଣିବା ପାଇଁ ଘରେ ଥିବା ଏକ ପୁରୁଣା ରେଡ଼ିଓ ବାହାର କରିଥିଲେ। ସେଥିରେ ୩ଟି ନୂଆ ବ୍ୟାଟେରି ପକାଇବା ପରେ ତାହା ବାଜିଥିଲା। ତେବେ ରେଡିଓରେ ଘଟିଥିବା ଚମତ୍କାରିତା ସମ୍ପର୍କରେ ଉମାକାନ୍ତ କହିଛନ୍ତି, ୨ତାରିଖ ବିଳମ୍ବିତ ରାତିରୁ ବର୍ଷା, ପବନ ଆରମ୍ଭ ହୋଇଥିଲେ ହେଁ ୩ତାରିଖ ଭୋରୁ ପବନର ବେଗ ବଢିଥିଲା। ସକାଳ ପ୍ରାୟ ସାଢେ ୮ଟାରେ ଘର ର଼୍ୟାକ୍‌ ଉପରେ ଥିବା ରେଡିଓଟି ତଳକୁ ଖସିପଡ଼ିଥିଲା। ଫଳରେ ରେଡିଓ ଭାଙ୍ଗିଯିବା ସହ ବ୍ୟାଟେରି ଛିଟିକି ଏଣେତେଣେ ପଡ଼ିଥିଲା। କିନ୍ତୁ ଆଶ୍ଚର୍ଯ୍ୟଜନକ ଘଟଣା ଘଟିଲା। ବ୍ୟାଟେରି ନ ଥିଲେ ମଧ୍ୟ ରେଡ଼ିଓ ବାଜୁଥିଲା। ପରିବାର ଲୋକେ ଏହା ଦେଖି ହଠାତ୍‌ କିଛି ବୁଝିପାରି ନ ଥିଲେ। ତେବେ କେମିତି କ’ଣ ଭିତରେ ହୋଇଯାଇଥିବ ଭାବି ରେଡିଓକୁ ବନ୍ଦ କରିଦେଲୁ। ତାହା ବନ୍ଦ ହୋଇଗଲା। ହେଲେ ପୁଣି ଅନ୍‌ କରିବାରୁ ଏହା ବାଜିଲା। କିନ୍ତୁ ବ୍ୟାଟେରି ପକାଇ ନ ଥିଲୁ। ଇତିମଧ୍ୟରେ ୨୩ଦିନ ହେଲାଣି, ବିନା ବ୍ୟାଟେରି ଓ ବିଦ୍ୟୁତ୍‌ରେ ରେଡିଓ ବାଜୁଛି।

୧୯୯୮ରେ ୩୫୦ ଟଙ୍କା ଦେଇ ସେ ଏହି ରେଡିଓ କିଣିଥିଲେ। ଟିଭି ଆସିବା ପରେ ୭/୮ ବର୍ଷ ହେବ ରେଡିଓକୁ ଘର ର଼୍ୟାକ୍‌ ଉପରେ ରଖିଦେଇଥିଲେ। ଏହାର କୌଣସି ଆବଶ୍ୟକତା ପଡ଼ି ନ ଥିଲା। ହେଲେ ଏବେ ବିନା ବ୍ୟାଟେରିରେ ରେଡିିଓ ବାଜୁଥିବା ଜାଣିବା ପରେ ଆଖପାଖର ଲୋକେ ତାଙ୍କ ଘରକୁ ଆସି ଏହାକୁ ଦେଖୁଛନ୍ତି। ଏପରି କି ଜଣେ ରେଡିିଓ ମେକାନିକ ମଧ୍ୟ ତାଙ୍କ ଘରକୁ ଆସି ଏହାକୁ ପରଖିଛନ୍ତି। ହେଲେ କେମିତି ବାଜୁଛି ସେ ବି ଆଶ୍ଚର୍ଯ୍ୟ ପ୍ରକଟ କରିଥିବା ଉମାକାନ୍ତ କହିଛନ୍ତି।


Enter your email to get our daily news in your inbox.

All Right Reserved By Dharitri.Com

ନିର୍ବାଚନୀ ପ୍ରଚାର ପାଇଁ ଓଡ଼ିଶା ଆସିବେ ଭାଜପା ରାଷ୍ଟ୍ରୀୟ ଅଧ୍ୟକ୍ଷ

ଭୁବନେଶ୍ୱର,୨୬।୪: ଓଡ଼ିଶା ଆସିବେ ଭାଜପା ରାଷ୍ଟ୍ରୀୟ ଅଧ୍ୟକ୍ଷ ଜେପି ନଡ୍ଡା। ଆସନ୍ତା ୨୮ ତାରିଖରେ ନଡ୍ଡା ଦିନିକିଆ ଓଡ଼ିଶା ଗସ୍ତରେ ଆସିବେ। ନଡ୍ଡାଙ୍କ ଗସ୍ତକୁ ନେଇ...

ଗୋଟିଏ ଡାଳରେ ଝୁଲିପଡ଼ିଲେ ନାବାଳକ-ଯୁବତୀ

ବାରିପଦା,୨୬ା୪(ନୀଳାଦ୍ରି ବିହାରୀ ଦଣ୍ଡପାଟ): ସ୍ଥାନୀୟ ସଦର ଥାନା ଅଧୀନ ଶଙ୍ଖାଭଙ୍ଖା ପଞ୍ଚାୟତ, ଶିଖରଘାଟି ଗ୍ରାମର ଏକ ଆମ୍ବଗଛ ଡାଳରେ ଜଣେ ନାବାଳକ ଓ ଯୁବତୀଙ୍କ ଝୁଲନ୍ତା...

ଯେତିକି ଲିଭୁଛି, ସେତିକି ଜଳୁଛି

ବାରିପଦା,୨୬ା୪(ନୀଳାଦ୍ରି ବିହାରୀ ଦଣ୍ଡପାଟ): ଶିମିଳିପାଳ ଅଭୟାରଣ୍ୟରେ ପ୍ରତିଦିନ ବନାଗ୍ନି ଦେଖିବାକୁ ମିଳୁଛି। ସବୁଜିମା ଭରା ବିସ୍ତୀର୍ଣ୍ଣ ଅଞ୍ଚଳରେ ନିଆଁ ମାଡ଼ିଚାଲିଛି। କର୍ମଚାରୀମାନେ ଅକ୍ଳାନ୍ତ ପରିଶ୍ରମ କରି...

ନୟାଗଡ଼ ଡବଲ ମର୍ଡର: ଦୋଷୀଙ୍କୁ ଫାଶୀ

ନୟାଗଡ଼,୨୬ା୪(ଲୋକନାଥ ମିଶ୍ର): ନୟାଗଡ଼ ଜିଲାରେ ହୋଇଥିବା ଡବଲ ମର୍ଡର ଘଟଣାରେ ଶୁକ୍ରବାର ଓଡ଼ଗାଁ ଏଡିଜେ କୋର୍ଟ ଦୋଷୀଙ୍କୁ ଫାଶୀ ଦଣ୍ଡାଦେଶ ଦେଇଛନ୍ତି। ଦୋଷୀ ନିରଞ୍ଜନ ମଲ୍ଲିକଙ୍କୁ...

ଦଳ ବିରୋଧୀ କାର୍ଯ୍ୟ କରିବା ପଡ଼ିଲା ମହଙ୍ଗା, ଯୁବ କଂଗ୍ରେସର ୨ ନେତା ପଦରୁ ନିଲମ୍ବିତ

ଭୁବନେଶ୍ୱର,୨୬।୪: ଦଳ ବିରୋଧୀ କାର୍ଯ୍ୟ ପାଇଁ ବଡ଼ କାର୍ଯ୍ୟାନୁଷ୍ଠାନ ନେଲା କଂଗ୍ରେସ। ଯୁବ କଂଗ୍ରେସର ୨ ନେତାଙ୍କୁ ପଦରୁ ନିଲମ୍ବନ କରାଯାଇଛି। ସା. ସମ୍ପାଦକ ପଦରୁ...

ସୁରେଶ ପୂଜାରୀଙ୍କ ଘର ପରିସରରେ ଡ୍ରୋନ୍‌ ଖସିବା ଘଟଣା: ହେଲା ବଡ଼ ଖୁଲାସା

ଭୁବନେଶ୍ୱର,୨୬।୪: ଏମ୍‌ପି ସୁରେଶ ପୂଜାରୀଙ୍କ ଘର ପରିସରରେ ଖସିପଡିଥିବା ଡ୍ରୋନ୍‌କୁ ନେଇ ବଡ଼ ଖବର ସାମ୍ନାକୁ ଆସିଛି। ତାହା ବନ ବିଭାଗର ବୋଲି ଜଣାପଡିଛି। ଏନେଇ...

ଗ୍ରୀଷ୍ମଛୁଟି ସତ୍ତ୍ୱେ ଚାଲିଲା ସ୍କୁଲ

ମଙ୍ଗୁଳି-ଜଗତପୁର,୨୬।୪(ମାନସ ସାମଲ): ପ୍ରଚଣ୍ଡ ଗ୍ରୀଷ୍ମ ପ୍ରବାହ ଯୋଗୁ ରାଜ୍ୟ ସରକାର ଏପ୍ରିଲ ୨୫ରୁ ସମସ୍ତ ସରକାରୀ ଓ ବେସରକାରୀ ବିଦ୍ୟାଳୟଗୁଡ଼ିକୁ ଗ୍ରୀଷ୍ମଛୁଟି ଘୋଷଣା କରିଛନ୍ତି। ତେବେ...

ଦ୍ୱିତୀୟ ପର୍ଯ୍ୟାୟ ନିର୍ବାଚନ ପାଇଁ ବିଜ୍ଞପ୍ତି ପ୍ରକାଶ

ଭୁବନେଶ୍ୱର,୨୬ା୪: ଓଡ଼ିଶାରେ ଦ୍ୱିତୀୟ ପର୍ଯ୍ୟାୟ ନିର୍ବାଚନ ପାଇଁ ଶୁକ୍ରବାର ବିଜ୍ଞପ୍ତି ପ୍ରକାଶ ପାଇଛି। ଆଜି ବିଧିବଦ୍ଧ ଭାବେ ବିଜ୍ଞପ୍ତି ପ୍ରକାଶ କରିଛନ୍ତି ଭାରତୀୟ ନିର୍ବାଚନ କମିଶନ।...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri