ଆଜିର ସମୟରେ ଅଧିକାଂଶ ଲୋକ ଫିଟନେସ୍ ପ୍ରତି ଧ୍ୟାନ ଦେଉଛନ୍ତି। ବିଶେଷକରି ଯୁବଗୋଷ୍ଠୀ। ମାତ୍ର ଇରାନର ଜଣେ ୭ ବର୍ଷର ଶିଶୁ ୬ ପ୍ୟାକ୍ ଆବ୍ସ ପାଇଁ ସାରା ବିଶ୍ୱରେ ପ୍ରସିଦ୍ଧି ଲାଭ କରିଛନ୍ତି। ତାଙ୍କ ନାମ ଆରତ୍ ହୋସ୍ନି। ଯିଏ ଇରାନର ବାବୋଲ୍ ସହରରେ ରୁହନ୍ତି। ଆରତ୍ ଖାଲି ସୋସିଆଲ ମିଡିଆ ନୁହେଁ, ଫୁଟବଲ ଖେଳରେ ମଧ୍ୟ ପ୍ରସିଦ୍ଧି ଲାଭ କରିଛନ୍ତି। ଇନ୍ଷ୍ଟାଗ୍ରାମରେ ତାଙ୍କର ୪୦ ଲକ୍ଷରୁ ଅଧିକ ଫଲୋଅର୍ସ ଅଛନ୍ତି। ତାଙ୍କର ପ୍ରତ୍ୟେକ ପୋଷ୍ଟରେ ଲକ୍ଷଲକ୍ଷ ଲାଇକ୍ ମିଳିଥାଏ। ଏତେ କମ୍ ବୟସରେ ଆରତ୍ ଏତେ ପ୍ରସିଦ୍ଧ ହୋଇଯାଇଛନ୍ତି ଯେ, ବଡ଼ବଡ଼ ଫିଲ୍ମ ଷ୍ଟାର୍ମାନେ ମଧ୍ୟ ପଛରେ ପଡ଼ିଯିବେ।
ଆରତ୍ ୩୦ସେପ୍ଟେମ୍ବର ୨୦୧୩ରେ ଇଂଲଣ୍ଡର ଲିବରପୁଲରେ ଜନ୍ମଗ୍ରହଣ କରିଥିଲେ। ବର୍ତ୍ତମାନ ସେ ଲିବରପୁଲ ଏକାଡେମୀରେ କ୍ରୀଡ଼ା ତାଲିମ ନେଉଛନ୍ତି। ଜାଣି ଆଶ୍ଚର୍ଯ୍ୟ ହେବେ ଯେ, ଆରତ୍ ମାତ୍ର ୯ ମାସ ବୟସରେ ଜିମ୍ନାଷ୍ଟିକ୍ ଆରମ୍ଭ କରିଥିଲେ। ଏବଂ ଦୁଇ ବର୍ଷ ବୟସରେ ସେ ଅନ୍ତର୍ଜାତୀୟ ଗଣମାଧ୍ୟମର ମୁଖ୍ୟ ଖବର ପାଲଟିଥିଲେ।
ଆରତ୍ଙ୍କ ଲମ୍ବା କେଶ ଯୋଗୁ ଲୋକମାନେ ପ୍ରାୟତଃ ତାଙ୍କୁ ଝିଅ ବୋଲି ଭାବିଥାନ୍ତି। ସେ ଫୁଟବଲ ଖେଳିବାକୁ ପସନ୍ଦ କରନ୍ତି। ତାଙ୍କର ସ୍ବପ୍ନ ହେଉଛି ବଡ଼ ବାର୍ସିଲୋନା ଫୁଟବଲ କ୍ଲବ ପାଇଁ ଖେଳିବା। ତାଙ୍କର ପ୍ରିୟ ଫୁଟବଲ ଖେଳାଳି ହେଉଛନ୍ତି ଲିଓନେଲ ମୈସେ। ତେଣୁ ଆରତ୍ ତାଙ୍କ ପରି ଖେଳିବାକୁ ଚାହୁଁଛନ୍ତି।
