ନୂଆଦିଲ୍ଲୀ,୧୬-୭: ଆର୍ଥିକ ସ୍ଥିତି ଦୃଷ୍ଟିରୁ ଦେଶରେ ରାଷ୍ଟ୍ରାୟତ୍ତ କମ୍ପାନୀଙ୍କ ସଂଖ୍ୟା ଗତ ୩ ବର୍ଷରେ ବଢ଼ିଚାଲିଛି। ୨୦୧୫-୧୬ରେ ଏହି ସଂଖ୍ୟା ୪୮ ଥିବା ବେଳେ ୨୦୧୭-୧୮ରେ ଏହା ବୃଦ୍ଧି ପାଇ ୫୬ରେ ପହଞ୍ଚତ୍ଲାଣି। ଏମାନଙ୍କ ମଧ୍ୟରେ ଏୟାର ଇଣ୍ଡିଆ ସର୍ବାଗ୍ରେ ରହିଛି। ସବୁଠୁ ଖରାପ ସ୍ଥିତିରେ ଥିବା ରାଷ୍ଟ୍ରାୟତ୍ତ କମ୍ପାନୀଗୁଡ଼ିକ ହେଲେ ଏୟାର ଇଣ୍ଡିଆ ଏକ୍ସପ୍ରେସ, ଏୟାର ଇଣ୍ଡିଆ ଇଞ୍ଜିନିୟରିଂ ସର୍ଭିସେସ୍ ଲିମିଟେଡ, ଭାରତ କୋକିଙ୍ଗ କୋଲ୍ ଲିମିଟେଡ, ଭେଲ୍ ଇଲେକ୍ଟ୍ରୋନିକ୍ସ ମେଶିନ ଲିମିଟେଡ ଏବଂ ଏମ୍ଟିଏନ୍ଏଲ୍। ସମସ୍ତ ୫୬ କମ୍ପାନୀଙ୍କ ନେଟ୍ଓ୍ବର୍ଥ ୨୦୧୭-୧୮ରେ ମାଇନସ୍ ୮୮,୫୫୬ କୋଟି ଟଙ୍କା ରହିଥିବା ବେଳେ ସେମାନଙ୍କ ମୋଟ୍ କ୍ଷତିର ପରିମାଣ ୧,୩୨,୩୬୦ କୋଟି ଟଙ୍କାରେ ପହଞ୍ଚତ୍ଲାଣି। ଏୟାର ଇଣ୍ଡିଆର ନେଟ୍ଓ୍ବର୍ଥ ମାଇନସ ୨୪,୮୯୩ କୋଟି ଟଙ୍କା ଥିବା ବେଳେ ଏହାର କ୍ଷତିର ପରିମାଣ ୫୩,୯୧୪ କୋଟି ଟଙ୍କା ହୋଇଥିବାରୁ ଏହା କ୍ଷତି ଦୃଷ୍ଟିରୁ ସମସ୍ତ କମ୍ପାନୀଙ୍କ ଆଗରେ ରହିଛି ବୋଲି ରାଜ୍ୟ ସଭାରେ ଏକ ପ୍ରଶ୍ନର ଉତ୍ତର ଦେଇ ଭାରି ଉଦ୍ୟୋଗ ଏବଂ ରାଷ୍ଟ୍ରାୟତ୍ତ ସଂସ୍ଥା ମନ୍ତ୍ରୀ ଅରବିନ୍ଦ ଗନପତ ସାଓ୍ବନ୍ତ କହିଛନ୍ତି। କ୍ଷତିରେ ଚାଲୁଥିବା ଏହି କମ୍ପାନୀଙ୍କୁ ପୁନର୍ବାର ମୂଳ ସ୍ଥାନକୁ ଫେରାଇ ଆଣିବା ଲାଗି ପୁନର୍ଗଠନ ଯୋଜନା ହାତକୁ ନିଆଯିବ। ଏଭଳି କମ୍ପାନୀ ଯେପରି ଲାଭର ମୁହ ଦେଖିପାରିବେ ସେନେଇ ସରକାର ପଦକ୍ଷେପ ନେବାକୁ ଯାଉଛନ୍ତି ବୋଲି ସେ କହିଛନ୍ତି। ଇତିମଧ୍ୟରେ ୬ କମ୍ପାନୀର ପୁନରୁଜ୍ଜୀବନ ପାଇଁ ଆଗତ ଯୋଜନାକୁ ସରକାର ମଞ୍ଜୁରୀ ପ୍ରଦାନ କରିସାରିଛନ୍ତି ବୋଲି ସେ କହିଛନ୍ତି। ସେଗୁଡ଼ିକ ହେଲା ବ୍ରହ୍ମପୁତ୍ର ଭ୍ୟାଲି ଫର୍ଟିଲାଇଜର ନିଗମ ଲିମିଟେହ, ହିନ୍ଦୁସ୍ତାନ ଷ୍ଟିଲ୍ଓ୍ବର୍କସ କନଷ୍ଟ୍ରକଶନ ଲିମିଟେଡ, ରିଚାର୍ଡସନ ଆଣ୍ଡ କ୍ରୁଡଡାସ ଲିମିଟେଡ, ନେପା ଲିମିଟେଡ, ହୁଗଲୀ ପ୍ରିଣ୍ଟିଂ ଲିମିଟେଡ ଓ କୋଙ୍କଣ ରେଲଓ୍ବେ ନିଗମ ଲିମିଟେଡ।
