ଜୟପୁର,୧୬।୧୧: ପାକିସ୍ତାନର ଜଣେ ଏୟାର ଟ୍ରାଫିକ୍ କଣ୍ଟ୍ରୋଲର ୧୫୦ ଭାରତୀୟ ବିମାନ ଯାତ୍ରୀଙ୍କୁ ବଞ୍ଚାଇଛନ୍ତି। ଏହା ସହିତ ସେ ବିମାନକୁ ସୁରକ୍ଷିତ ଭାବେ ଯାତ୍ରା କରିବାରେ ସହାୟକ ହୋଇଛନ୍ତି। ଗତ ଗୁରୁବାର ଜୟପୁରରୁ ଏକ ବିମାନ ଓମାନ ରାଜଧାନୀ ମସ୍କଟ ଯାଉଥିଲା। ତେବେ ସିନ୍ଧି ପ୍ରଦେଶର ଦକ୍ଷିଣ ଅଞ୍ଚଳରେ ଥିବା ଛୋର୍ଠାରେ ବିମାନଟି ପ୍ରବଳ ବାୟୁଚାପର ସମ୍ମୁଖୀନ ହୋଇଥିଲା। ଆକାଶରେ ଘନଘନ ବିଜୁଳି ମାରୁଥିବା ଯୋଗୁ ଏଭଳି ସ୍ଥିତି ସୃଷ୍ଟି ହୋଇଥିଲା। ଫଳରେ ବିମାନଟି ୨ ହଜାର ଫୁଟ ତଳକୁ ଖସିଆସିଥିଲା। ଏଭଳି ସ୍ଥିତିରେ ବିମାନ ଚାଳକ ଅନ୍ତର୍ଜାତୀୟ ପ୍ରୋଟୋକଲ ଅନ୍ତର୍ଗତ ‘ମେ ଡେ’ ପ୍ରସାରଣ କରିଥିଲେ। ଏହାକୁ ପାକିସ୍ତାନ କରାଚି ବିମାନ ବନ୍ଦରର ଏୟାର ଟ୍ରାଫିକ୍ କଣ୍ଟ୍ରୋଲର ଶୁଣିଥିଲେ। ସେ ବିମାନକୁ ସୁରକ୍ଷିତ ଭାବେ ଉଡ଼ାଣ କରିବାରେ ଚାଳକଙ୍କର ସହାୟତା କରିଥିଲେ।
