ଭୁବନେଶ୍ୱର,୨୨।୧(ସ୍ପୋର୍ଟ୍ସ ବ୍ୟୁରୋ)- ନୂଆଦିଲ୍ଲୀର ଜବାହରଲାଲ ନେହେରୁ ଷ୍ଟାଡିୟମରେ ଚାଲିଥିବା ହିରୋ ଜୁନିୟର ଲିଗ୍ ୨୦୧୯-୨୦ରେ ଓଡ଼ିଶା ଏଫ୍ସିର ୧୫ ବର୍ଷରୁ କମ୍ ବାଳକ ଦଳ ବିଜୟରୁ ଅଭିଯାନ ଆରମ୍ଭ କରିଛି। ମଙ୍ଗଳବାର ଷ୍ଟାଡିୟମର ୨ ନମ୍ବର ଟ୍ରେନିଂ ପିଚ୍ରେ ଖେଳାଯାଇଥିବା ମ୍ୟାଚ୍ରେ ଓଡ଼ିଶା ୨-୧ ଗୋଲ୍ରେ କନ୍ସିଏଣ୍ଟ ଫୁଟବଲ୍କୁ ପରାସ୍ତ କରିଛି। ଓଡ଼ିଶା ତରଫରୁ ୟାସହାସ ଶରିନ ଓ ନିର୍ମାନ୍ୟୁ ସିଂ ଅଟ୍ରି ଗୋଲ ସ୍କୋର କରିଥିଲେ। ଅପରପକ୍ଷରେ କନ୍ସିଏଣ୍ଟ ତରଫରୁ ହର୍ଷ ମୋଟଓ୍ବାନୀ ଏକମାତ୍ର ଗୋଲ ଦେଇଥିଲୋ। ସପ୍ତମ ମିନିଟ୍ରେ ଶରିନ ଗୋଲ ଦେଇ ଓଡ଼ିଶାକୁ ଅଗ୍ରଣୀ କରାଇଥିଲେ। ଏହାପରେ ୩୯ତମ ମିନିଟ୍ରେ ନିର୍ମାନ୍ୟୁ ଗୋଲ ଦେଇ ଦଳକୁ ପ୍ରଥମାର୍ଦ୍ଧ ସୁଦ୍ଧା ୨-୦ରେ ଅଗ୍ରଣୀ କରାଇଥିଲେ। ଓଡ଼ିଶା ଏଫ୍ସି ତା’ର ପରବର୍ତ୍ତୀ ମ୍ୟାଚ୍ରେ ଆସନ୍ତା ୨୭ ତାରିଖରେ ପଞ୍ଜାବ ଫୁଟବଲ କ୍ଲବ୍କୁ ଭେଟିବ। ଓଡ଼ିଶା ସହିତ ସୁଭେଡା ଫୁଟବଲ କ୍ଲବ ଓ ୟୁନାଇଟେ ପଞ୍ଜାବ ଫୁଟବଲ କ୍ଲବ୍ ଗୋଟିଏ ଗ୍ରୁପ୍ରେ ସ୍ଥାନ ପାଇଛନ୍ତି।
