ଲଣ୍ଡନ,୯।୯(ଏଏଫ୍ପି): କେନିଆର ବ୍ରିଗିଡ କୋସ୍ଗି ହାଫ୍ ମାରାଥନରେ ବିଶ୍ୱର ଦ୍ରୁତତମ ମହିଳା ହେବାର ରେକର୍ଡ ଅଧିକାର ହୋଇଛନ୍ତି। ଗ୍ରେଟ୍ ନର୍ଥ ରନ୍କୁ ସେ ଏକ ଘଣ୍ଟା, ୪ ମିନିଟ୍ ଓ ୨୮ ସେକେଣ୍ଡରେ ଶେଷକରି ଏହି ସଫଳତା ପାଇଛନ୍ତି। ତାଙ୍କ ଟାଇମିଂ ପୂର୍ବ ବିଶ୍ୱ ରେକର୍ଡଠାରୁ ୨୩ ସେକେଣ୍ଡ କମ୍। ପୂର୍ବରୁ କେନିଆର ଅନ୍ୟତମ ଧାବିକା ଜୋୟସିଲାଇନ ଜେପକୋସ୍ଗେଇ (୨୦୧୭) ହାଫ୍ ମାରାଥନର ଦ୍ରୁତତମ ମହିଳା ଥିଲେ। ଚଳିତ ବର୍ଷ ଲଣ୍ଡନ ମାରାଥନ ଜିତିଥିବା କୋସ୍ଗେଇଙ୍କ ନେତୃତ୍ୱାଧୀନ ପୋଡିୟମକୁ କେନିଆର ଧାବିକାମାନେ ଅକ୍ତିଆର କରି ରଖିଥିଲେ। ମାଗ୍ଡାଲିନେ (୧:୦୭.୩୬) ଦ୍ୱିତୀୟ ଓ ଲିନେଟ ମାସାଇ (୧:୦୭.୪୪) ତୃତୀୟ ସ୍ଥାନ ଅଧିକାର କରିଥିଲେ। ପୁରୁଷ ବିଭାଗରେ ମୋ ଫରାହ ଚାମ୍ପିୟନ ହୋଇଛନ୍ତି। କ୍ରମାଗତ ୬ଷ୍ଠ ଥର ପାଇଁ ସେ ଏହି ସମ୍ମାନଜନକ ହାଫ୍ ମାରାଥନ ଜିତିଛନ୍ତି। ୪ଥର ଅଲିମ୍ପିକ୍ ଚାମ୍ପିୟନ ୩୬ ବର୍ଷୀୟ ଫରାହଙ୍କୁ ତାମିରାତ ତୋଲା କଡ଼ା ଚ୍ୟାଲେଞ୍ଜ ଦେଇଥିଲେ। ଇଥୋପିଆନ ଫରାହ ୧୩.୧ ମାଇଲ ହାଫ୍ ମାରାଥନକୁ ୫୯ ମିନିଟ ୭ ସେକେଣ୍ଡରେ ଶେଷକରି ୬ ସେକେଣ୍ଡ ବ୍ୟବଧାନରେ ଜିତିନେଇଥିଲେ।
