ରାୟପୁର,୨୫।୪: ଛତିଶଗଡ଼ କୋରବା ଅଞ୍ଚଳରେ ଘଟିଛି ଏକ ଅଭାବନୀୟ ଘଟଣା। ସ୍ଥାନୀୟ ରଜଗାମାର ଥାନା ଅଞ୍ଚଳରେ ଥିବା ଔରାଇ ଗାଁରେ ମୁକୁନ୍ଦ ନାମକ ଜଣେ ଯୁବକ ସାଧାରଣ ଘରୋଇ କଳିରୁ ବାପଘରକୁ ଚାଲି ଯାଇଥିବା ସ୍ତ୍ରୀ ଜ୍ୟୋତିଙ୍କ ଅଭିମାନ ଭାଙ୍ଗିବା ଏବଂ ମନାଇ ଘରକୁ ଫେରାଇ ଆଣିବା ପାଇଁ ଦେଇଛନ୍ତି ପ୍ରେମ ପରୀକ୍ଷା। ନିଜ ହାତ ଆଙ୍ଗୁଳି କାଟି ଏହାକୁ ଏକ ପ୍ଲାଷ୍ଟିକ୍ ଡବାରେ ରଖି ମୁକୁନ୍ଦ ୬୦ କିଲୋମିଟର ଦୂର ଶ୍ୱଶୁର ଘର ବାସିନ୍ଖାରରେ ପହଞ୍ଚିଥିଲେ। ସେଠାରେ ଜ୍ୟୋତିଙ୍କୁ ଏହା ଦେଇ ଘର ବାହୁଡ଼ିବାକୁ ନେହୁରା ହୋଇଥିଲେ। ଘରେ ଦଉି ସନ୍ତାନ ମା’ ବାଟକୁ ଚାହିଁ ବସିଥିବା ମଧ୍ୟ କହିଥିଲେ। ତେବେ ଶ୍ୱଶୁର ଘର ଲୋକେ ମୁକୁନ୍ଦଙ୍କ ଏଭଳି ଅବସ୍ତା ଦେଖି ଭୟଭୀତ ହୋଇ ପୋଲିସ ଥାନା ପହଞ୍ଚିଥିଲେ। ପୋଲିସ ମୁକୁନ୍ଦଙ୍କ ଚିକିତ୍ସା ପାଇଁ ହସ୍ପିଟାଲରେ ଭର୍ତ୍ତି କରିବା ସହିତ ଜ୍ୟୋତିଙ୍କୁ ବୁଝାସୁଝା କରି ଘରକୁ ପଠାଇ ଦେଇଛନ୍ତି। ଏହି ଘଟଣା ନେଇ ଏଠାରେ ଚର୍ଚ୍ଚା ଜାରି ରହିଛି।
