ନୂଆଦିଲ୍ଲୀ, ୫।୧୦: ଭାରତୀୟ ଜନତା ପାର୍ଟି(ଭାଜପା)ର ବରିଷ୍ଠ ନେତା ତଥା ପୂର୍ବତନ ବର୍ହିବ୍ୟାପାର ମନ୍ତ୍ରୀ ସୁଷମା ସ୍ବରାଜଙ୍କ ଚଳିତବର୍ଷ ଅଗଷ୍ଟରେ ନିଧନ ହୋଇଯାଇଥିଲା। ତାଙ୍କ ବିୟୋଗର ୩ମାସ ପରେ ସ୍ବାମୀ ସ୍ବରାଜ କୌଶଳ ଏକ ଭାବପ୍ରବଣ ଟୁଇଟ କରିଛନ୍ତି। ସେ ଟୁଇଟରେ କହିଛନ୍ତି, ଏମ୍ସ ଡାକ୍ତର ସୁଷମାଙ୍କ କିଡନୀ ପ୍ରତିରୋପଣ ସର୍ଜରୀ ଭାରତରେ କରିବାକୁ ଚାହୁଁ ନ ଥିଲେ, ସେମାନେ ବିଦେଶରେ ହିଁ ସର୍ଜରୀ କରିବାକୁ ଚାହୁଁଥିଲେ। ଏପରିକି ସର୍ଜତୀ ତାରିଖ ମଧ୍ୟ ନିର୍ଘଣ୍ଟ ହୋଇଯାଇଥିଲା। କିନ୍ତୁ ଏଥିପାଇଁ ଆଦୌ ପ୍ରସ୍ତୁତ ନ ଥିଲେ ସୁଷମା। ସେ ଦେଶର ଗୌରବକୁ ଦୃଷ୍ଟିରେ ରଖି ବାହାରେ ସର୍ଜରୀ କରିବାକୁ ଚାହଁୁ ନ ଥିଲେ। ତାଙ୍କ ଚିନ୍ତାଧାରା ଅନୁଯାୟୀ ଯଦି ଆମେ ବିଦେଶ ଯିବା ତେବେ ସାଧାରଣ ଲୋକଙ୍କର ଆମ ଡାକ୍ତର ଏବଂ ହସ୍ପିଟାଲ ଉପରେ ବିଶ୍ୱାସ ହଟିଯିବ। ଏଥିପାଇଁ ସେ ଡାକ୍ତର ମୁକୁଟ ମିଞ୍ଜଙ୍କୁ ସର୍ଜରୀ ଯନ୍ତ୍ରପାତି ଧରିବାକୁ କହିଥିଲେ। କ୍ରିଷ୍ଣା ଆପଣ ମୋ ସର୍ଜରୀ କରିବେ ବୋଲି କହିଥିଲେ। ୨୦୧୬ରେ ସୁଷମାଙ୍କ ସର୍ଜରୀ ଏମ୍ସରେ ହୋଇଥିଲା। ପରଦିନ ଚେୟାର ଉପରେ ବସି ସେ ହସିବାକୁ ଲାଗିଥିଲେ ବୋଲି କୌଶଳ କହିଛନ୍ତି।
