ସିଡ୍ନୀ,୮।୨(ଏଏଫ୍ପି): ଅଷ୍ଟ୍ରେଲିଆର ଘରୋଇ ଟି୨୦ ଟୁର୍ନାମେଣ୍ଟ ବିଗ୍ ବାସ୍ ଲିଗ୍ (ବିବିଏଲ୍)ର ଚଳିତ ସଂସ୍କରଣରେ ସିଡ୍ନୀ ସିକ୍ସର୍ସ ଚାମ୍ପିୟନ ହୋଇଛି। ଶନିବାର ଖେଳାଯାଇଥିବା ବର୍ଷା ବାଧାପ୍ରାପ୍ତ ଫାଇନାଲ ମ୍ୟାଚ୍ରେ ମେଲବୋର୍ନ ଷ୍ଟାର୍ସକୁ ୧୯ ରନରେ ପରାସ୍ତ କରି ସିଡ୍ନୀ ୨ୟ ଥର ଲାଗି ଏହି ସମ୍ମାନଜନକ ଟାଇଟଲ୍ ହାସଲ କରିଛି। ପାଖାପାଖି ୨ ମାସ ଧରି ଚାଲିଥିବା ଏହି ପ୍ରତିଯୋଗିତାର ଫାଇନାଲ ଶନିବାର ଅନୁଷ୍ଠିତ ହୋଇଥିଲା। ବର୍ଷା କାରଣରୁ ମ୍ୟାଚ୍କୁ ୧୨ ଓଭର ବିଶିଷ୍ଟ କରାଯାଇଥିଲା। ପ୍ରଥମେ ବ୍ୟାଟିଂ କରି ସିଡ୍ନୀ ସିକ୍ସର୍ସ ୫ ଉଇକେଟ୍ ହରାଇ ୧୧୬ ରନ କରିଥିଲା। ଦଳ ପକ୍ଷରୁ ଜୋଶ୍ ଫିଲିପ୍ ୫୨, ଷ୍ଟିଭ ସ୍ମିଥ୍ ୨୧ ଓ ଜୋଡାର୍ନ ସିଲ୍କ ଅପରାଜିତ ୨୭ ରନ କରିଥିଲେ। ପ୍ରତିପକ୍ଷ ବୋଲର ଆଡାମ ଜାମ୍ପା ଓ ଅଧିନାୟକ ଗ୍ଲେନ ମ୍ୟାକ୍ସଓ୍ବେଲ ୨ଟି ଲେଖାଏ ଉଇକେଟ୍ ନେଇଥିଲେ। ଜବାବରେ ସିଡ୍ନୀ ନିର୍ଦ୍ଧାରିତ ୧୨ ଓଭରରେ ୬ ଉଇକେଟ୍ ହରାଇ ୯୭ ରନ କରିବାକୁ ସମର୍ଥ ହୋଇଥିଲା। ନିକ୍ ଲାର୍କିନ ୩୮, ମ୍ୟାକ୍ସଓ୍ବେଲ ୫ ଓ ନାଥନ କୁଲ୍ଟର-ନିଲ ୧୮* ରନ କରିଥିଲେ।
