ଛତ୍ରପୁର,୧୭ା୧୧(ଡି.ଏନ.ଏ) – ଆର୍ଯ୍ୟପଲ୍ଲୀ ମେରାଇନ୍ ଥାନା ପକ୍ଷରୁ ସମୁଦ୍ରରେ ସ୍ବତନ୍ତ୍ର ବୋଟ୍ ଦ୍ୱାରା ପାଟ୍ରୋଲିଂ ଆରମ୍ଭ ହୋଇଛି । ମେରାଇନ୍ ଥାନା ଅଧୀନରେ ଗଞ୍ଜାମ ବ୍ଲକର ପ୍ରୟାଗୀଠାରୁ ହରିପୁର ପର୍ଯ୍ୟନ୍ତ ୩୩ କି.ମି. ପର୍ଯ୍ୟନ୍ତ ସମୁଦ୍ର ମଧ୍ୟରେ ନିୟମିତ ପାଟ୍ରୋଲିଂ କରାଯିବ । ସମୁଦ୍ରରେ କୌଣସି ବାହାର ଦେଶରୁୁ ଆସୁଥିବା ବୋଟ୍ ଉପରେ ଉକ୍ତ ଥାନା ପକ୍ଷରୁ ନଜର ରଖାଯାଉଛି । ସ୍ବତନ୍ତ୍ର ବୋଟକୁ ଚଳାଇବା ପାଇଁ ୭ ଟେକ୍ନିକାଲ କର୍ମଚାରୀ ରହିଛନ୍ତି। ୨୦୦୮ରେ ବମ୍ବେରେ ସମୁଦ୍ରପଥ ଦେଇ ଆସିଥିବା ଆତଙ୍କବାଦୀ ଆକ୍ରମଣ କରିଥିଲେ। ଏହାପରେ ଗଞ୍ଜାମ ଜିଲାର ଆର୍ଯ୍ୟପଲ୍ଲୀ ଓ ଚିକିଟି ଅଞ୍ଚଳରେ ମେରାଇନ୍ ଥାନା ପ୍ରତିଷ୍ଠା ହୋଇଥିଲା । ସୂଚନାଯୋଗ୍ୟ, ଆର୍ଯ୍ୟପଲ୍ଲୀ ମେରାଇନ୍ ଥାନାର ୨ଟି ଯାକ ବୋଟ୍ ଅଚଳ ହୋଇ ଦୀର୍ଘ ବର୍ଷ ହେଲା ପୋର୍ଟ ପରିସରରେ ରହିଥିଲା । ଆବଶ୍ୟକ ପଡିଲେ ସ୍ଥାନୀୟ ଡଙ୍ଗାକୁ ନେଇ ମେରାଇନ୍ ଥାନା ପୋଲିସ ସମୁଦ୍ରରେ ପାଟ୍ରୋଲିଂ କରୁଥିଲା । ଗତ ଅଗଷ୍ଟ ମାସରେ ଏହି ସ୍ବତନ୍ତ୍ର ବୋଟ ଆସିଥିଲା।
