ନୂଆପଡ଼ା ଅଫିସ,୧୦ା୮
ସ୍ଥାନୀୟ ମୁସରଙ୍ଗି ଜଙ୍ଗଲରେ ୨ ଛୁଆ ସମେତ ୪ କଲରାପତରିଆ ବାଘ ଥିବା ଜଣାପଡ଼ିବା ପରେ ସଂପୃକ୍ତ ଅଞ୍ଚଳରେ ଆତଙ୍କ ଖେଳିଯାଇଥିଲା ା ବନ ବିଭାଗ ପକ୍ଷରୁ ଏ ନେଇ ବିଭିନ୍ନ ସ୍ଥାନରେ କର୍ମଚାରୀ ମୁତୟନ କରାଯାଇଥିଲା ା ହେଲେ ଶୁକ୍ରବାର ଜଙ୍ଗଲରେ ସେହି ବାଘ ନ ଥିବା ଜଣାପଡିଛି । ଶାବକମାନଙ୍କ ସହ ବାଘଦ୍ୱୟ କୁଆଡେ ଉଭାନ ହୋଇଯାଇଥିବା ବନ ବିଭାଗ କହିଛି ା ଏଥିପାଇଁ ବନ ବିଭାଗ ତରଫରୁ ସମଗ୍ର ଜଙ୍ଗଲ ଅଞ୍ଚଳକୁ ଛାନ୍ଭିନ୍ କରାଯାଉଛି।
ସୂଚନାଯୋଗ୍ୟ, ଜଙ୍ଗଲ ଭିତରେ ଥିବା ପଥର ଚଟାଣରେ ଗୁରୁବାର ଦିନ ତମାମ ଦୁଇଟି ବଡ ବାଘ ଶୋଇ ରହିଥିବା ଲୋକେ ଦେଖିଥିଲେ। ଏ ବିଷୟରେ ଖବର ପାଇ ବନ ବିଭାଗ କର୍ମଚାରୀମାନେ ଘଟଣାସ୍ଥଳରେ ପହଞ୍ଚତ୍ ସେହି ବାଘ ଦୁଇଟିକୁ ଦେଖିଥିଲେ ା ହେଲେ ଶୁକ୍ରବାର ମଧ୍ୟ ଆଖପାଖ ଗାଁରେ ଭୟର ବାତାବରଣ ଲାଗି ରହିଛି ା ବାଘଦ୍ୱୟ ନିଜ ଶାବକଙ୍କ ସହ ଗାଁକୁ ପଶି ଆସିଥାଇ କେଉଁଠି ଆତ୍ମଗୋପନ କରିଥିବା ସନ୍ଦେହ କରାଯାଉଛି ା ଏହାକୁ ମଧ୍ୟ ବନ ବିଭାଗ ଗୁରୁତର ସହ ନେଇଛି ା ସକାଳ ୮ଟାରେ ଫରେଷ୍ଟର ଗୋପାଳ ମହାନନ୍ଦଙ୍କ ନେତୃତ୍ୱରେ ଏକ ଟିମ ଜଙ୍ଗଲ ଶିଖରକୁ ଯାଇଥିଲା। ସେଠାରେ ବାଘର କୌଣସି ସନ୍ଧାନ ମିଳି ନ ଥିବାରୁ ସାରା ଜଙ୍ଗଲ ଅଞ୍ଚଳରେ ଖୋଜାଯାଇଥିଲା ା ହେଲେ କୌଣସି ସ୍ଥାନରେ ବାଘ ନ ଥିବା ଫରେଷ୍ଟର ମହାନନ୍ଦ କହିଛନ୍ତ। ତଥାପି ବାଘର ହିଂସ୍ରତାକୁ ବିଚାରକୁ ନେଇ ଗ୍ରାମବାସୀ ଏହାକୁ ହାଲୁକା ଭାବେ ନ ନେଇ ସତର୍କତା ଅବଲମ୍ବନ କରିବାକୁ ବନବିଭାଗ କହିଛି ା ବନବିଭାଗ ଅସ୍ଥାୟୀ କ୍ୟାମ୍ପ କରି ଗାଁରେ ରହିବାକୁ ଗ୍ରାମବାସୀ ଦାବି କରିଛନ୍ତି ।
