ସୋସିଆଲ ମିଡିଆରେ ପ୍ରାୟ ସମୟରେ ଓ୍ବାଇଲ୍ଡ ଲାଇଫ୍ ଭିଡିଓ ଶେୟାର ହୋଇଥାଏ। ଏହି ଭିଡିଓକୁ ଲୋକେ ଖୁବ୍ ପସନ୍ଦ ମଧ୍ୟ କରିଥାନ୍ତି। ଏବେ ଏକ ହରିଣର ଭିଡିଓ ଶେୟାର ହୋଇଛି, ଯାହା ଖୁବ୍ ଭାଇରାଲ ହେବାରେ ଲାଗିଛି। ଭିଡିଓରେ ହରିଣଟି ଅତିଥିମାନଙ୍କୁ ଅତି ସୁନ୍ଦରଭାବେ ସ୍ବାଗତ କରୁଥିବା ଦେଖିବାକୁ ମିଳୁଛି। ସେଲିବ୍ରିଟି ଫଟୋଗ୍ରାଫର ବିୟର ଭୟାନୀ ଏହି ଭିଡିଓକୁ ନିଜ ଅଫିସିଆଲ ଇନ୍ଷ୍ଟାଗ୍ରାମ୍ରେ ଶେୟାର କରିଛନ୍ତି।
ଭିଡିଓରେ ହରିଣଟି ଏକ ଧାର୍ମିକ ସ୍ଥାନରେ ଛିଡ଼ା ହୋଇଥିବା ଦେଖିବାକୁ ମିଳୁଛି। ଉକ୍ତ ସ୍ଥାନକୁ ଯିବା ଆସିବା କରୁଥିବା ଲୋକେ ହରିଣକୁ ଦେଖି ମୁଣ୍ଡ ନୁଆଁଉଛନ୍ତି। ହରିଣଟି ମଧ୍ୟ ସେମାନଙ୍କୁ ସମ୍ମାନ ଜଣାଇ ମୁଣ୍ଡ ତଳକୁ କରୁଥିବା ଦେଖିବାକୁ ମିଳୁଛି।
