ପାଟନା,୧୧।୬: ରାଷ୍ଟ୍ରୀୟ ଜନତା ଦଳ(ଆର୍ଜେଡି) ସୁପ୍ରିମୋ ଲାଲୁ ପ୍ରସାଦ ଯାଦବ ୭୩ ବର୍ଷରେ ପଦାର୍ପଣ କରିଛନ୍ତି। ଏହାକୁ ନେଇ ଆର୍ଜେଡି ପକ୍ଷରୁ ପୋଷ୍ଟର ମାଧ୍ୟମରେ ଲାଲୁଙ୍କୁ ଶୁଭେଚ୍ଛା ଜଣାଇଛନ୍ତି ନେତା ତଥା କର୍ମୀ। କିନ୍ତୁ ବିରୋଧୀ (ଜେଡିୟୁ)ପୋଷ୍ଟର ମାଧ୍ୟମରେ ଲାଲୁଙ୍କୁ ଟାର୍ଗେଟ କରିଛି। ପୋଷ୍ଟର ମାଧ୍ୟମରେ ଜେଡିୟୁ ଲାଲୁଙ୍କ ୭୩ ସମ୍ପତ୍ତିର ବିବରଣୀ ଦେଇଛି। ବିଶେଷ କରି ଆର୍ଜେଡି ଯେଉଁଠି ପୋଷ୍ଟର ଲଗାଇଛି ସେହି ନିକଟରେ ଜେଡିୟୁ ପୋଷ୍ଟର ଲଗାଇ ଲାଲୁଙ୍କୁ ମହାନାୟକ ବୋଲି କହିଛି। ପାଟନାର ରାସ୍ତା କଡରେ ଲାଗିଥିବା ଏହି ପୋଷ୍ଟରକୁ ନେଇ ଚର୍ଚ୍ଚା ଯୋର ଧରିଛି। ଲାଲୁଙ୍କ ୭୩ ତମ ଜନ୍ମଦିନରେ ତାଙ୍କ ପରିବାରର ୭୩ ସମ୍ପତ୍ତିର ହିସାବ ଦିଆଯାଇଛି। ଆଗକୁ ଏ ସମ୍ପର୍କରେ ସୂଚନା ଦିଆଯିବ ବୋଲି ମଧ୍ୟ ଜେଡିୟୁ ପୋଷ୍ଟର ମାଧ୍ୟମରେ କହିଛି। ଏହାକୁ ନେଇ ଆର୍ଜେଡି ନେତା ବିଜୟ ପ୍ରକାଶ ପ୍ରଶ୍ନ କରିଛନ୍ତି ପୋଷ୍ଟରରେ ଦିଆଯାଇଥିବା ତଥ୍ୟର ଯାଞ୍ଚ କାହିଁକି କରାଯାଇ ନାହିଁ।
