ସୋରଡା,୨୪ା୨(ଡି.ଏନ୍.ଏ.)- ସୋରଡା ପୋଲିସ ବାଇକରେ ଗଞ୍ଜେଇ ଚାଲାଣ ହେଉଥିବାବେଳେ ଜବତ କରି ୨ ଅଭିଯୁକ୍ତଙ୍କୁ ସୋମବାର କୋର୍ଟ ଚାଲାଣ କରିଛି। ସେମାନେ ହେଲେ କନ୍ଧମାଳ ଜିଲା କଣାସ ନୂଆଗଁାର ସୁଦାମ ପ୍ରଧାନ, ଖଗେଶ୍ୱର ପ୍ରଧାନ।ପ୍ରକାଶ ଯେ, କଣାସ ନୂଆଗଁା ଥାନା ଅଞ୍ଚଳ କୁଡୁପାକିଆରୁ ବାଇକ୍ ଯୋଗ ୨ଜଣ ଯୁବକ ଗୋଟିଏ ବସ୍ତାରେ ଗଞ୍ଜେଇ ନେଇ ଖୋର୍ଦ୍ଧା ଅଞ୍ଚଳର କୁହୁଡିକୁ ଯାଉଥିବା ସୋରଡା ପୋଲିସକୁ ସୂଚନା ମିଳିଥିଲା। ରବିବାର ସକାଳୁ ଗାଜଲବାଡି ରାସ୍ତା ପାଟପଲ୍ଲି ନିକଟରେ ପାଟ୍ରୋଲିଂ କରୁଥିବାବେଳେ ପୋଲିସ ବାଇକ (ନଂ.ଓଡି୩୨ବି-୯୯୪୭)ଟିକୁ ଅଟକାଇଥିଲା। ଯାଞ୍ଚବେଳେ ସେଥିରୁ ୧୫ କେଜି ଗଞ୍ଜେଇ ମିଳିଥିଲା। ପୋଲିସ ସୁଦାମ ଓ ଖଗେଶ୍ୱରଙ୍କୁ ଗିରଫ କରିବା ସହ ବାଇକ ଜବତ କରିଥିଲା। ନଂ.୪୫/୨୦ରେ ଏକ ମାମଲା ରୁଜୁ କରି ସୋମବାର ଅଭିଯୁକ୍ତଙ୍କୁ କୋର୍ଟ ଚାଲାଣ କରାଯାଇଥିବା ଥାନା ଅଧିକାରୀ ରମେଶ କୁମାର ପ୍ରଧାନ ସୂଚନା ଦେଇଛନ୍ତି।
