ବଡୋଦରା, ୨।୮: ଗୁଜରାଟରେ ପ୍ରବଳ ବର୍ଷା ଯୋଗୁ ବନ୍ୟା ପରିସ୍ଥିତି ସୃଷ୍ଟି ହୋଇଛି। ଗତ ୧୨ ଘଣ୍ଟା ମଧ୍ୟରେ ରେକର୍ଡ ୫୫୪ମିଲିମିଟର ବର୍ଷା ହୋଇଥିବା ପାଣିପାଗ ବିଭାଗ ପକ୍ଷରୁ କୁହାଯାଇଛି। ବଡୋଦରାରେ ବନ୍ୟା ପାଣି ଲୋକଙ୍କ ଘର ଭିତରେ ପଶିଯାଇଛି। ବନ୍ୟା ପାଣିର ସୁଯୋଗ ନେଇ କୁମ୍ଭୀର ଘରେ ପଶିଯାଇଛନ୍ତି। ସହର ଜଳାର୍ଣ୍ଣବ ହୋଇପଡ଼ିବାରୁ ବଡୋଦରା ବିମାନବନ୍ଦରକୁ ବନ୍ଦ କରିଦିଆଯିବା ସହ ୨୨ଟି ଟ୍ରେନ ଚଳାଚଳ ବାତିଲ କରାଯାଇଛି। ବନ୍ୟା ବିପନ୍ନଙ୍କୁ ଉଦ୍ଧାର ପାଇଁ ଏନଡିଆରଏଫ ନିୟୋଜିତ ହୋଇଛି। ମୁଖ୍ୟମନ୍ତ୍ରୀ ବିଜୟ ରୂପାଣୀ ଉଚ୍ଚସ୍ତରୀୟ ସମୀକ୍ଷା ବୈଠକ ଡକାଇ ଜୁରୀକାଳୀନ ଭିତ୍ତିରେ ପରିସ୍ଥିତିର ମୁକାବିଲା ପାଇଁ ନିର୍ଦ୍ଦେଶ ଦେଇଛନ୍ତି।
