ରତ୍ନଗିରି,୨।୫(ଡି.ଏନ୍.ଏ.)- ଯାଜପୁର ଜିଲା ବରୀ ବ୍ଲକ ଅଧୀନସ୍ଥ ମହାକାଳପଡ଼ା ପଞ୍ଚାୟତର ଚାଷୀମାନେ ଲକ୍ଡାଉନ୍ ସମୟରେ ଜିଲା ସୀମାନ୍ତବର୍ତ୍ତି କେନ୍ଦ୍ରାପଡା ଜିଲାର ଇନ୍ଦୁପୁର ସାପ୍ତାହିକ ହାଟକୁ ପନିପରିବା ବିକ୍ରୀ କରିବାକୁ ଯାଇଥିବା ବେଳେ ନିକିରାଇ ପୋଲିସର ଦୁର୍ବ୍ୟବହାରର ଶିକାର ହୋଇଥିଲେ। ଏନେଇ ଗଣମାଧ୍ୟମରେ ଖବର ପ୍ରକାଶ ପାଇବା ପରେ ବରୀ କଂଗ୍ରେସ ନେତା ଉମେଶ ଜେନା, ବରୀ ବ୍ଲକ ସଂଯୋଜକ ଅମରେଶ ପରିଡା ସ୍ଥାନୀୟ ମହାକାଳପଡ଼ାରେ ପହଞ୍ଚି ସମ୍ପୃକ୍ତ ଚାଷୀମାନଙ୍କ ସହିତ ଆଲୋଚନା କରିଥିବା ଜଣାପଡ଼ିଛି। ସରକାର କୃଷକମାନଙ୍କୁ ବିଭିନ୍ନ କ୍ଷେତ୍ରରେ ସମସ୍ତ ସୁବିଧା ଯୋଗାଇଦେବା କଥା ଡିଣ୍ଡିମ ପିଟୁଥିବା ବେଳେ ପୋଲିସର ଏଭଳି ଆଚରଣ ସମସ୍ତ କୃଷକ ସମାଜକୁ ଆଘାତ ଦେଇଛି ବୋଲି କଂଗ୍ରେସ ନେତା ଉମେଶ ଜେନା ପ୍ରକାଶ କରିଛନ୍ତି। କୃଷକମାନଙ୍କୁ ଦୁର୍ବ୍ୟବହାର କରିଥିବା ପୋଲିସ କର୍ମଚାରୀଙ୍କ ବିରୋଧରେ ଦୃଷ୍ଟାନ୍ତମୂଳକ କାର୍ଯ୍ୟାନୁଷ୍ଠାନ ଗ୍ରହଣ କରା ନ ଗଲେ କୃଷକମାନଙ୍କ ସ୍ବାର୍ଥ ଓ ସମ୍ମାନ ପାଇଁ ଆଗାମୀ ଦିନରେ ସଂଗ୍ରାମ ଜାରିରଖିବ ବୋଲି କଂଗ୍ରେସ ନେତା ଜେନା ପ୍ରକାଶ କରିଛନ୍ତି।
