ଲାଞ୍ଜିଗଡ,୧୭ା୫(ଡି.ଏନ୍.ଏ.)-କଳାହାଣ୍ଡି ଜିଲା ଲାଞ୍ଜିଗଡ ବ୍ଲକ କୁମଖାଲଠାରୁ ସିନ୍ଧିବାହାଲିକୁ ସଂଯୋଗ କରୁଥିବା ୪କିମି ରାସ୍ତା ପ୍ରଧାନମନ୍ତ୍ରୀ ସଡକ ଯୋଜନାରେ କାମ ଚାଲିଛି। ତା୫ା୯ା୨୦୧୭ରିଖଠାରୁ ଆରମ୍ଭ ହୋଇଥିବା ଏହି କାମ ତା୪ା୬ା୨୦୧୮ରିଖରେ ଶେଷ ହେବାକୁ ଲକ୍ଷ୍ୟଧାର୍ଯ୍ୟ ଥିବାବେଳେ ଏଯାଏଁ ସରିନାହି ା ପ୍ରକଳ୍ପର ବ୍ୟୟ ଅଟକଳ ୧କୋଟି ୩ ଲକ୍ଷ ୬୭ହଜାର ଟଙ୍କା ଥିବା ବେଳେ ରାସ୍ତା କାମ ନିମ୍ନମାନର ହେଉଥିବା ଅଭିଯୋଗ ହୋଇଛି। ଠିକାଦାର ବିନା ଚିପ୍ସରେ ପ୍ରାୟ ଏକ କିମି ରାସ୍ତା କାମ କରିବା ପରେ ଅଞ୍ଚଳବାସୀ ଜୋରଦାର ବିରୋଧ କରିଥିଲେ। ରବିବାର ପୁନିଗୁଡା, ସନ୍ଧିବାହାଲି, ଗାରେସ, ସଲପାଙ୍ଗ, ଦେହେଡା, ସର୍ଗିଲେପା, ମନସ୍ତରା, ବରିଙ୍ଗପଦର ଓ ଦାରେବେଙ୍ଗ ଗାଁର ଶତାଧିକ ଲୋକେ ରାସ୍ତାକୁ ଆସି ନିର୍ମାଣ କାମକୁ ବନ୍ଦ କରିଥିଲେ। ପରେ ଗ୍ରାମ୍ୟ ଉନ୍ନୟନ ବିଭାଗ ଯନ୍ତ୍ରୀ ବସନ୍ତ କୁମାର ବେହେରା ଘଟଣାସ୍ଥଳକୁ ଆସି ରାସ୍ତାର ମାନ ଯାଞ୍ଚ କରବା ସହ ଏପରି କାମ ନ କରିବାକୁ ଠିକାଦାରକୁ ମନା କରିଥିଲେ ା ଏସଡିଓ ଆସି ରାସ୍ତାକାମ ଯାଞ୍ଚ କରିବା ପରେ କାମ ଆରମ୍ଭ ହେବ ବୋଲି ଯନ୍ତ୍ରୀ ବେହେରା ଅଞ୍ଚଳବାସୀଙ୍କୁ କହିବା ସହ କାମ ବନ୍ଦ କରିଦେଇଥିଲେ ା
