କଟକ ଅଫିସ,୪। ୪- କଟକ ଏବଂ ଭୁବନେଶ୍ୱର ସହରରେ ସଟ୍ ଡାଉନକୁ କଡାକଡି ପାଳନ କରାଯାଉଛି। ତେବେ ଲକଡାଉନ ସମୟରେ ଯିବା ଆସିବା ପାଇଁ ପୋଲିସ ପକ୍ଷରୁ କେତେକ ସ୍ୱତନ୍ତ୍ର ପାସ ଜାରି କରାଯାଇଥିଲା। କିନ୍ତୁ ସଟ୍ ଡାଉନ ସମୟରେ ସମସ୍ତ ପ୍ରକାର ପୁରୁଣା ପାସକୁ ଶୁକ୍ରବାର ନିଷିଦ୍ଧ ଘୋଷଣା କରାଯାଇଥିଲା। ହେଲେ ଏହାକୁ ନେଇ ରାଜ୍ୟ ପୋଲିସ ମହାନିର୍ଦ୍ଦେଶକଙ୍କ କାର୍ଯ୍ୟାଳୟ ପକ୍ଷରୁ ସ୍ପଷ୍ଟ କରାଯାଇଛି। କଟକ ଏବଂ ଭୁବନେଶ୍ୱର ସହରର ପୂର୍ବରୁ ଡାକ୍ତର ଏବଂ ନର୍ସମାନଂକୁ ଯେଉଁ ପାସ ଦିଆଯାଇଥିଲା, ତାହା ସଟ୍ ଡାଉନ ସମୟରେ କାର୍ଯ୍ୟ କରିବ ବୋଲି କୁହାଯାଇଛି। ଫଳରେ ଡାକ୍ତର ଏବଂ ନର୍ସଙ୍କୁ ନୂଆ ପାସ ନେବାକୁ ହେବନି। ପୁରୁଣା ପାସରେ ସେମାନେ ଯିବା ଆସିବା କରିପାରିବେ।
